Neemi 8:1 - Bibeli do fee

^1-2 Si ajɔ sintei cukpa mɛɛjesiau inɛi Izirɛli ŋa à ce anu akã à tɔtɔɔ Zeruzalɛmu si bantuma iyi í wa wajui anu koofa iyi à ya kpe anu koofai inyiu. Aŋa fei à tɔtɔɔ bɛi hai inɛmɔkɔ ŋa do inaabo ŋa hee do inɛ ŋa iyi aa yɔkɔ a gbɔ ideu fei. Ŋɔi à sɔ̃ Ɛsidarasi woo kɔ inɛ ŋa si woodau ku naaò tia si bii à kɔ wooda iyi Aɔ̃ Lafɛ̃ɛ í na Moizi na irii aŋa inɛi Izirɛli ŋau wa. Ŋɔi Ɛsidarasi woo weeu í naaò tiai woodau wa si wajui zamaau fei.

Neemi 8:1 Iomraidhean Croise

Ilaalu 2, 23:2

Ŋɔi à dede à bɔ kpasɛ̃i Aɔ̃ Lafɛ̃ɛ aŋa do inɛi Zudaa ŋau fei do inɛi Zeruzalɛmu ŋau fei hai woo wee ŋau do walii ŋau hee do bɛi inɛ ŋa à wɛɛò ikã ikã fei. Nɔ Zoziasi í cio ide iyi í wa si tiai akabuu iyi à yɛ si kpasɛ̃i Aɔ̃ Lafɛ̃ɛu fei si waju nŋa bɛ.

Bomma 2, 34:15

Ŋɔi í sɔ̃ Safãa woo kɔ tiau í ni, wee ǹ yɛ tiai wooda si inɔ kpasɛ̃i Aɔ̃ Lafɛ̃ɛu. Nɔ í so tiau í na Safãa.

Bomma 2, 34:30

Ŋɔi à dede à bɔ kpasɛ̃i Aɔ̃ Lafɛ̃ɛ aŋa do inɛi Zudaa ŋau fei do inɛi Zeruzalɛmu ŋau fei hai woo wee ŋau do inɛi Levii ŋau, hee do bɛi inɛ ŋa à wɛɛò ikã ikã fei. Nɔ Zoziasi í cio ide iyi í wa si tiai akabuu iyi à yɛ si kpasɛ̃i Aɔ̃ Lafɛ̃ɛu fei si waju nŋa bɛ.

Ɛsidarasi 7:1

Si anyii adɔ̃ nkpɔ, si waati iyi Aatakusɛɛsi wa jɛ ilaalu si ilɛi Pɛɛsi, inɛ gɔ í to wa Zeruzalɛmu à ya kpoo Ɛsidarasi. Amai Serayai wa jɛ, Seraya mɔ amai Azariai, Azaria mɔ amai Hilikiyai.

Ɛsidarasi 7:10

Wee Ɛsidarasi í jɛ inɛ gɔ iyi í ce cioi woodai Ilaaɔ̃ dee dee nɔ wa ceò icɛ, nɔ wa kɔa inɛi Izirɛli ŋa si wooda ŋau.

Ɛsidarasi 7:11

Ilaalu Aatakusɛɛsi í cea Ɛsidarasi tia. Ɛsidarasiu woo weei í jɛ. Nɔ í nɛ kumài wooda iyi Ilaaɔ̃ í na inɛi Izirɛli ŋa. Nŋui í jɛ woo kɔ inɛ ŋa si woodau. Idei tia iyi Aatakusɛɛsi í naau wee.

Ɛsidarasi 7:6

Ɛsidarasiu hai ilɛi Babilɔnii í naa. Í jɛ inɛ gɔ iyi í ce cio í nɛ kumài wooda iyi Aɔ̃ Lafɛ̃ɛi inɛi Izirɛli ŋa í na Moiziu sãa sãa. Mii ŋa iyi í tɔɔ fei ilaaluu í naa si bɛi awɔi Ilaaɔ̃ í wa siɛ.

Neemi 12:26

Inɛ ŋau à ya maa ce icɛ nŋai si waatii Yoyakimu amai Zozue tɔkui Yosadaki, do si waatii Neemi ilu ilɛu do si waatii Ɛsidarasi woo wee iyi í jɛ woo kɔ inɛ ŋa si woodau.

Neemi 12:37

Iyi à to si anu koofa iyi à ya kpe anu koofai isɔ̃u, do waju nŋa, à gũ bi ku tɛ̀ ku lɔò ilui Davidi hai bi geetei bindiu do lelei ilei Davidi hee ku bɔ si anu koofa iyi à ya kpe anu koofai inyi ŋau do nunui daakɔ.

Neemi 3:26

Nɔ woo ce icɛ si kpasɛ̃i Aɔ̃ Lafɛ̃ɛ ŋa iyi à wa si iri kuta iyi à ya kpe Ofɛli à ce icɛ ikpa anu koofa iyi à ya kpe anu koofai inyi ŋau do ikpa nunui daakɔ kɔkɔi bi ku degbe iyi í wa antaii ilei ilaaluu.

Neemi 8:16

Ŋɔi zamaau í koo í dɛ amaawɔi jĩi ŋau wa, nɔ à na à ce kusu ŋau. Inɛ gɔ ŋa à cooi si antaii ile sikifa nŋa ŋa, inɛ gɔ ŋa mɔ si kpasɛ̃ nŋa ŋa, inɛ gɔ ŋa mɔ si bantumai kpasɛ̃i Ilaaɔ̃u, do si bantumai anu koofa iyi à ya kpe anu koofai inyi ŋau do si bantumai anu koofai Efaraimuu.

Neemi 8:3

Ŋɔi wa cio tiau hai daakɔ hee dasã í kpã í baa bɛ si bantumai anu koofai inyiu, nɔ zamaau fei í sotĩ wa gbɔ bɛi wa ka tiai woodau.

Ezai 8:20

à nɛ ka baai si woodai Ilaaɔ̃ do si akabuu iyi awaò ŋa à nɛ. Nɔ inɛ iyi kù ceò ide ŋau bɛ icɛ, kaa yɛ inya kumái amɛɛjuumá.

Kuwee 9:5

Nɔ à naaò mii ŋa iyi Moizi í fãa ŋau wa si wajui ile bi kukou. Nɔ inɛi Izirɛli ŋau fei à sɛkɛɛ wa à naa à leekĩ si wajui Aɔ̃ Lafɛ̃ɛ.

Matie 13:52

Nɔ í sɔ̃ ŋa í ni, bɛɛbɛ mɔi, woo kɔ inɛ ŋa si wooda baa yooma fei iyi í mà idei bommai Ilaaɔ̃, í yɛi bɛi ilu kpasɛ̃ gɔ iyi wa fitaò mii titɔ̃ ŋa do mii nwo ŋa hai si bi ku jilɛ amaniɛ.

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Matie 23:2

í ni, woo kɔ inɛ ŋa si wooda ŋau do Farisi ŋaui à sãsi agbɛi Moizi à waa sisi woodaɛ.

Matie 23:34

Na nŋu, i de itĩ i gbɔ, an bɛ nŋɛ walii ŋa wa do ilu bisi ŋa do woo mà wooda ŋa. Si inɔ nŋa aa kpa gɔgɔ ŋa, nɔ i kpakpa gɔgɔ ŋa mɔ si jĩi ku gaau, gɔgɔ ŋa mɔ nɔ i tɛ nŋa kpɔtɔɔ ile bii ì ya ce kutɔtɔɔ nŋɛ ŋa, nɔ i maa kpã ŋa iju si ilu do ilu ŋa.

Woo kiiti ŋa 20:1

Inɛi Izirɛli ŋau fei à dede hai ilui Dãa hee ku bɔ Bɛɛseba do ilɛi Galaadi, nɔ à tɔtɔɔ ilui Misipa à ce anu akã si wajui Aɔ̃ Lafɛ̃ɛ.

Woo kiiti ŋa 20:8

Ŋɔi inɛ ŋau fei à dede do anu akã à ni, inɛ kãma nwa kaa bɔ ileɛ má, nɔ inɛ kãma mɔ kaa nyi kpasɛ̃ má.