Neemi 7:3 - Bibeli do fee

³ Ŋɔi ǹ sɔ̃ ŋa ǹ ni, a kù nɛ a cĩ gamboi Zeruzalɛmu ŋa bii kù jɛ inunu í fita wa í bɔ hee lele, nɔ alɛ woo degbe ŋau aa cĩmboɛi a sɔkɔ a bɛi a nɛ. Inɛi Zeruzalɛmu ŋai aa jɛ woo degbe bindiu nɔ inɛ fei ku maa degbe wajui kpasɛ̃ɛ.

Neemi 7:3 Iomraidhean Croise

Neemi 13:19

Ŋɔi ǹ ni a ya cĩmbo gamboi Zeruzalɛmu ŋau hai amɛɛbii wa tɔtɔɔ gbakã hee kusĩmiu ku maa sinti. Nɔ a maà ya cũu bii kusĩmiu kù tã. Nɔ ǹ jilɛ woo ce icɛm gɔ ŋa si anu koofa ŋau ku ba a ya ganji a lɔò iwo ŋa wa si ajɔi kusĩmiu.

Neemi 3:23

Si anyi nŋa nɔ Bɛnzamɛɛ do Hasubu à ce icɛ do wajui kpasɛ̃ nŋa. Si anyi nŋa nɔ Azaria amai Maaseya tɔkui Anania í ce icɛ kɔkɔi kpasɛ̃ɛ.

Neemi 7:2

Ŋɔi ǹ jilɛ ifɔm Hanani í jɛ inɛ ngboi Zeruzalɛmu, nŋu do Hanania inɛ ngboi woo degbe ile ku nɛ gbugbãi iluu. Hananiau í jɛ ilu naanɛ í re inɛ nkpɔ nkpɔ nɔ í jɛ inɛ iyi wa jirima Ilaaɔ̃.

Neemi 7:4

Ilui Zeruzalɛmu í cĩ nɔ í la, amma zamaau í kere, nɔ a kù teese a kù ma ile nŋa ŋau.

Iri ku kɔ̃ 127:1

Iri ku kɔ̃i kutɔɔ ku bɔ ku ce. Iriu ihɛ̃ ti Salomɔɔi. Bii Aɔ̃ Lafɛ̃ɛ kù ma kpasɛ̃, inɛ ŋa iyi à waa maa, icɛ ngbɛi à waa ce. Bii kù jɛ Aɔ̃ Lafɛ̃ɛi wa degbe ilu, inɛ ŋa iyi à waa degbeɛ, aa maa wɔ njooi ngbɛ ngbɛ.

Iri ku kɔ̃ 147:13

domi nŋui í jɔ̀ andɛ koofaɛ ŋa à nɛ gbugbã, nɔ í weea amaɛ ŋa iyi à wa bi tɛɛ.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.