Neemi 7:2 - Bibeli do fee

² Ŋɔi ǹ jilɛ ifɔm Hanani í jɛ inɛ ngboi Zeruzalɛmu, nŋu do Hanania inɛ ngboi woo degbe ile ku nɛ gbugbãi iluu. Hananiau í jɛ ilu naanɛ í re inɛ nkpɔ nkpɔ nɔ í jɛ inɛ iyi wa jirima Ilaaɔ̃.

Neemi 7:2 Iomraidhean Croise

Kusintii Andunya 42:18

Nɔ si ajɔ mɛɛtasiau í sɔ̃ ŋa í ni, mii iyi ǹ wa n bi n ce nŋɛ wee ku ba i ba faaba ŋa, domi ǹ mà bɛɛrɛi Ilaaɔ̃.

Samuɛli 2, 23:3

Ilaaɔ̃ Lafɛ̃ɛi inɛi Izirɛli ŋa, nŋu iyi wa degbe ŋa, í sɔ̃m í ni, ilaalu iyi wa gbã inɛɛ ŋa do dee dee ku jɛ, nɔ wa mà bɛɛrɛi Ilaaɔ̃,

Ilaalu 1, 18:12

Bii ǹ sɛkɛɛ ǹ jɔ̀ɛ má nsɛi, hundei Aɔ̃ Lafɛ̃ɛ á na ku soɛ ku bɔòɛ bii n kù mà. Waati iyi ǹ koo n sɔ̃ Akabu nɔ kù na ku yɛɛ á kpam. Nɔ wee amu woo ce icɛɛ ǹ wa n jirima Aɔ̃ Lafɛ̃ɛi jiida jiida hai awaasũm.

Ilaalu 1, 18:3

Nɔ Akabu í ni a koo a kpe Abudiasi inɛ ngboi kpasɛ̃ɛu wa. Wee Abudiasi wa jirima Aɔ̃ Lafɛ̃ɛi ntɔ ntɔ.

Neemi 1:2

Ŋɔi Hanani inɛ akãi nyaanzem ŋau í to wa hai ilɛi Zudaa, nŋu do inɛ gɔ ŋa. Nɔ ǹ bee ŋa ide si gãmɛi Zuifu ŋa iyi à gbe si ilɛu do inɛ ŋa iyi à baa hai bii à waa jɛ aruu, do si gãmɛi Zeruzalɛmu.

Neemi 10:23

do Pelatia do Hanaa do Anaya,

Neemi 13:13

Ŋɔi ǹ jɔ̀a Selemia woo weeu ile ŋau ku maa cɔ ŋa, nŋu do Sadɔku woo mà woodau, do Pedaya inɛ akãi inɛi Levii ŋau. Nɔ ǹ ma nŋa si Hanaa amai Zakuu tɔkui Matania. Ǹ ce bɛɛbɛi si na iyi í jɔ̀ kuce nŋa í nɛ naanɛ. Aŋai à nɛ a ya kpɛ̃a nyaanze nŋa ŋa amua ŋau.

Neemi 2:8

Si anyiɛ nɔ a nam tia akã má iyi á jɛ ti Azafu woo degbe agboɛu ku ba ku nam jĩi ŋa iyi aa ka ceò gamboi ile ku nɛ gbugbã iyi í ya wa kɔkɔi kpasɛ̃i Aɔ̃ Lafɛ̃ɛu do ti bindii iluu do ti ile bii an koo n wa. Ŋɔi ilaaluu í nam tia ŋau, domi awɔ jiidai Ilaaɔ̃ Lafɛ̃ɛm wa bii anyim.

Neemi 5:15

Amma hee n maa n to bɛ ilu ilɛ ŋa iyi à tako à wa bɛ ŋau à ya daa inɛ ŋa mii nkpɔ nkpɔi iyi aa sã. Inɛ akã fei isɔ fũfũ kpɛkɛlɛ ciijii à ya gba siɛ do sɔnda do atɛ̃. Si anyiɛ, woo ce icɛ nŋa ŋau à ya taa inɛ ŋa gbugbãi. Amma amu n kù ce bɛɛbɛ si na iyi í jɔ̀ ǹ wa n jirima Ilaaɔ̃.

Neemi 7:3

Ŋɔi ǹ sɔ̃ ŋa ǹ ni, a kù nɛ a cĩ gamboi Zeruzalɛmu ŋa bii kù jɛ inunu í fita wa í bɔ hee lele, nɔ alɛ woo degbe ŋau aa cĩmboɛi a sɔkɔ a bɛi a nɛ. Inɛi Zeruzalɛmu ŋai aa jɛ woo degbe bindiu nɔ inɛ fei ku maa degbe wajui kpasɛ̃ɛ.

Zɔɔbu 1:1

Mɔkɔ gɔi í wɛɛ wo si ilɛi Usi à ya kpoo Zɔɔbu. Mɔkɔu kù nɛ taale kãma, í jɛ inɛ dee dee, í ya jirima Ilaaɔ̃, nɔ í ya saa laalɔ.

Iri ku kɔ̃ 101:6

Ijum á maa wai si inɛ ŋa iyi à jɛ ilu naanɛ ŋa si ilɛu, ku ba a maa wa kɔkɔm. Inɛ iyi wa nɛ si dee dee ku jɛ, lafɛ̃ɛi á jɛ woo ce icɛm.

Kufita 18:21

Nɔ i cica inɛ ŋa iyi aa yɔkɔ a ce icɛu, inɛ ŋa iyi à waa jirima Ilaaɔ̃ nɔ à waa nɛ si kpãa ntɔ nɔ a maà jɛ woo bi fia do bisi laalɔ ŋa. Nɔ i jilɛ ŋa a jɛ inɛ ngbo ŋa. Inɛ gɔ ŋa a jɛ inɛ ngboi amanɛ dubu, inɛ gɔ ŋa mɔ inɛ ngboi amanɛ cĩɔ, inɛ gɔ ŋa mɔ inɛ ngboi amanɛ ciitaa, nɔ inɛ gɔ ŋa mɔ a jɛ inɛ ngboi amanɛ mɛɛwa.

Daniɛli 6:4

Daniɛli takaɛ í re inɛ ngbo minji iyi ihɔ̃ ŋau do akawei kukpɛ̃i ilɛ ŋau, domi hunde iyi í wa siɛu í nya ikã, nɔ ilaaluu wa lasabu nŋu ku na ku jilɔɔ ku jɛ inɛ ngbo si ilɛu fei.

Kuka 12:7

Amma ti Moizi woo ce icɛm, kù jɛ do yaase bɛɛbɛ. Si zamaau fei, nŋui ǹ wa n naanɛ.

Matie 24:45

Í sɔ̃ ŋa má í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Kɔrɛnti 1, 4:2

Í sĩa inɛ ŋa iyi à nɔ à daa mii ŋau si awɔ a jɛ ilu naanɛ ŋa.

Timɔtee 2, 2:2

Iyi ì gbɔ ǹ wa n fɔ si wajui ilu sɛɛda nkpɔu, daa ilu naanɛ gɔ ŋa mɔ si awɔ, inɛ ŋa iyi aa yɔkɔ a kɔ inɛ gɔ ŋa mɔ si cio.