Neemi 6:3 - Bibeli do fee

³ Ŋɔi ǹ bɛ si ŋa inɛ ŋa a koo a jɛ nŋa a ni ǹ nɛ icɛ nla nla iyi an ce. Na nŋu n kaa n ba n naa, domi icɛu á leekĩi bii ǹ jɔ̀ɔ n naa bi tu ŋa.

Neemi 6:3 Iomraidhean Croise

Neemi 4:13

Ŋɔi ǹ sɔ̃ inɛ ngbo ŋau do woo ce kiiti ŋa do inɛ ŋa iyi à gbe ŋau fei ǹ ni, icɛu í la nɔ í cĩ. Nɔ à fangaa si bindiu à jĩò njɛ.

Neemi 6:2

Ŋɔi Sanbala do Gesɛmu à bɛ ama wa à ni ku naa ku sɔ̃m n naa wa awaò ŋa ka busi njɛ ajɔ si ilu iyi à ya kpe Kefirimu iyi í wa si lɔɔmai Ono. Wee inɛ ŋau à dasi idɔ aŋa a ceem laalɔi.

Neemi 6:4

Nɔ à kpem do ide akãu isɛ gbɛ̃ɛ. Nɔ ide akãui ǹ ya n jɛ nŋa.

Mɔnda ŋa 14:15

Inɛ iyi kù nɛ kumà í ya dasi iyi à sɔ̃ɔ fei naanɛi, amma ilu bisi í ya ce laakaii si isɛɛnɛɛ.

Woo lasabu 9:10

Nɔ mii iyi ì nɛ ku ce fei, coo do gbugbãɛ, domi icɛ do lasabu ku ce si ngɔgɔ do kumà do bisi kãma kaa wɛɛ bi kuwai iku ŋa tengi bii ì waa bɔ.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.

Luku 14:30

a ni, mɔkɔu ihɛ̃ í sinti ku ma nɔ wee í mɔngɔ kù kpa iriɛ.

Laabaau jiida iyi Zãa í kɔ 9:4

Dasã kù nɛ bɛi aa ka ce iyi a kù ce icɛi inɛ iyi í bɛm wa. Idũ í maai wa si bii inɛ gɔ kaa yɔkɔ ku ce icɛ.