Neemi 5:9 - Bibeli do fee

⁹ Nɔ ǹ ni má, mii iyi ì waa ce ŋau bɛ kù sĩa. Ì nɛ i maa jirima Ilaaɔ̃ ŋai si isɛɛnɛ nŋɛ ku ba dimi mmu mbɛɛ nwa ŋau a maà bu wa.

Neemi 5:9 Iomraidhean Croise

Kusintii Andunya 20:11

Nɔ Aburahamu í jɛaa í ni, ǹ wa n lasabui si idɔm iyi kù nɛ sika inɛ kãma kù mà bɛɛrɛi Ilaaɔ̃ si ilɛu ihɛ̃. Nɔ ǹ wa n tamaa mà inɛ ŋa aa na a kpam nii na irii abom nɔu.

Kusintii Andunya 42:18

Nɔ si ajɔ mɛɛtasiau í sɔ̃ ŋa í ni, mii iyi ǹ wa n bi n ce nŋɛ wee ku ba i ba faaba ŋa, domi ǹ mà bɛɛrɛi Ilaaɔ̃.

Samuɛli 2, 12:14

Amma si bɛi ì yaako Aɔ̃ Lafɛ̃ɛ si daau bɛ iyi ì ce, ama inɛmɔkɔ iyi í bíɛu á kui.

Neemi 4:4

Amma waati bɛɛbɛ inɛi Zudaa ŋa à waa weewea à wasi ku ni, woo so aso ŋau à gbɛɛji nɔ wee mii kuku ŋau í kɔ̀ wa kpɔ hee nsɛi. A kaa ka yɔkɔ ka ma bindiu pai.

Neemi 5:10

Bɛɛbɛi amu mɔ do inɛ nwa gɔ ŋa do woo ce icɛm ŋa à wɛ̃ nŋa fia do bilee. Amma í sĩa awa fei ka jɔ̀ nŋa gbese ŋau.

Neemi 5:15

Amma hee n maa n to bɛ ilu ilɛ ŋa iyi à tako à wa bɛ ŋau à ya daa inɛ ŋa mii nkpɔ nkpɔi iyi aa sã. Inɛ akã fei isɔ fũfũ kpɛkɛlɛ ciijii à ya gba siɛ do sɔnda do atɛ̃. Si anyiɛ, woo ce icɛ nŋa ŋau à ya taa inɛ ŋa gbugbãi. Amma amu n kù ce bɛɛbɛ si na iyi í jɔ̀ ǹ wa n jirima Ilaaɔ̃.

Iri ku kɔ̃ 90:11

Yooi í mà bɛi gbugbãi idɔɔkɔ̃ɛ í to. Yooi wa jirimaɛ na gbugbãi idɔɔkɔ̃ɛu.

Mɔnda ŋa 16:29

Inɛ laalɔ í ya lɛlɛ kpaasiɛi ku dasiɛ kpãa laalɔ.

Mɔnda ŋa 17:26

Kù sĩa a jɔ̀ hai nɛ taale ku sã ngɔgɔ. Bɛɛbɛ mɔi kù sĩa a cã inɛ dee dee ŋa.

Mɔnda ŋa 18:5

Kù sĩa woo ce kiiti ku kɔ̀ ku na inɛ dee dee ntɔ si na iyi í jɔ̀ wa cɔ bɛɛrɛi inɛ iyi í ce kurara.

Mɔnda ŋa 19:2

Himmai inɛ iyi kù nɛ kumà kù nɛ aranfãani kãma. Nɔ saasa í ya naaò kurara wai.

Mɔnda ŋa 24:23

Mɔnda iyi ilu laakai ŋau à nyi à kpa má wee. Kubi ku na ntɔ bi ku ce kiiti mii laalɔi.

Ezekiɛli 36:20

Si ilɛ mmu bii à to fei, irim í ya bɛjɛi na kurara nŋa. Na nŋu bɛi í jɔ̀ inɛ ŋa à ya maa ni, inɛi Ilaaɔ̃ ŋa mbɛ fa, hai si ilɛɛi à fita wa.

Kuwee 25:36

I maà dɛ siɛ riba kãma ŋa. I jɔ̀ kuce nŋɛ ku nyisi iyi ì waa jirimam ŋa, nɔ i jɔ̀ ku maa wa kɔkɔ nŋɛ.

Woo bɛ ŋa 9:31

Inɛi igbɛi Jesu ŋa iyi à wa ilɛi Zudee do ilɛi Galilee do ilɛi Samari fei à wɛɛò laakai ku sũ, à waa jirima Ilaaɔ̃, à mua njɛ gbugbã nɔ akpɔ nŋa í kɔ̃ɔsi wa koo do sobii Hundei Ilaaɔ̃.

Romu 2:24

Na irii iŋɛ Zuifu ŋai dimi mmu ŋa à ba à waa fɔò taalei Ilaaɔ̃, si bɛi kukɔi ideɛ wa fɔ.

Timɔtee 1, 5:14

Na nŋu ŋau bɛi í jɔ̀ ǹ bi jaaɔ̃ saatara ŋa a so mɔkɔ a bí ama, nɔ a dasi kpasɛ̃ nŋa iju jiida, ku ba a maà na a mua mbɛɛ nwa ŋa kpãa a fɔ laalɔ nwa.

Titee 2:5

Nɔ a kɔ ŋa si a mà ara nŋa a jɛ inɛ ŋa iyi aa leekĩ do mɔkɔ nŋa ŋa a maa ce icɛi abo à so mɔkɔ nŋa, a jɛ inɛ jiida ŋa iyi aa sũa mɔkɔ nŋa ŋa iri ilɛ. Iyi bɛi á jɔ̀ inɛ gɔ kaa yɔkɔ ku fɔ laalɔi idei Ilaaɔ̃ na iri nŋa.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Samuɛli 1, 2:24

Iŋɛ amam ŋa, i ce laakai ŋa. Iyi ǹ gbɔ à waa fɔ na iri nŋɛ kù sĩa baa keeke. Ì waa dasi inɛi Aɔ̃ Lafɛ̃ɛ ŋa dulum ŋa.