Neemi 5:5 - Bibeli do fee

⁵ Baa do iyi awaò inɛ nwa ŋa dimi akãi à jɛ, nɔ ama nwa ŋa a kù jɛ ikã do ti aŋa mɔ, do nŋu fei à tilasi wa ka ta nŋa ama nwa ŋau. Wee ama inaabo nwa ŋau nkpɔ nŋa í jɛ aru tã, nɔ a kaa ka yɔkɔ ka ce nkãma si na iyi í jɔ̀ andi iko nwa ŋa do jĩi ndii rezɛ̃ɛ nwa ŋau à jɛ ti ngu ŋa tã.

Neemi 5:5 Iomraidhean Croise

Ilaalu 2, 4:1

Ajɔ nŋu aboi inɛ gɔ iyi í wa si igbɛi walii ŋau í koo í tɔɔ Elizee sobi í ni, Elizee, ì mà iyi mɔkɔm í jirima Aɔ̃ Lafɛ̃ɛ ntɔ ntɔ. Bɛbɛi í ku. Nɔ inɛ gɔ iyi à waa mu gbeseɛ í naa ama minjim ŋa ku mu aru si fiaɛ.

Ezai 58:7

Mii iyi ì nɛ i cei í jɛ, i kpɛ̃ sɔndaɛ do inɛ iyi ari wa kpa, nɔ ilu are ŋa mɔ iyi a kù nɛ bi kuwa, i gbã ŋa i baaò ŋa wa kpasɛ̃ɛ. Inɛ mɔ iyi ì yɛ í wɛɛ basĩ, i bii anyiɛ, nɔ inɛ mɔ iyi iŋɛò ì jɛ ara akã, maà saa.

Kusintii Andunya 37:27

I naa wa kaa taa inɛi Isimaɛli ŋa. Ka maà lesiɛ awɔ, domi ifɔ nwai njɛ akã. Ŋɔi à gbɔ ideɛu.

Matie 18:25

Si bɛi inɛɛu kù nɛ mii iyi á sãò gbeseu, ŋɔi lafɛ̃ɛɛ í ni a taa bɛi aru, nŋu do aboɛ do amaɛ ŋa do mii iyi í nɛ fei a sãò gbeseu.

Kusintii Andunya 29:14

Ŋɔi Labãa í ni, ntɔ ntɔ, awɔ nyaanzem nii, awaɛ fei à jɛ njɛ akã. Ŋɔi Zakɔbu í ce cukpa akã bi Labãa bɛ.

Ezai 50:1

Ide iyi Aɔ̃ Lafɛ̃ɛ í fɔ wee. Í ni, iŋɛ inɛi Zudaa ŋa, hee iwoi tiai njɛ ku kɔ̀ iyi wa nyisi iyi ǹ kɔ̀si Zeruzalɛmu iye nŋɛ í wa. Walakɔ mɔ i sɔ̃m ŋa, bi yooi ǹ koo ǹ ta ŋɛ bɛi aru si na iyi í jɔ̀ ǹ wa n mu gbesei lafɛ̃ɛ. Ntɔ ntɔ bii ǹ ta ŋɛ, na irii kurara nŋɛ ŋai, nɔ bii ǹ kɔ̀si iye nŋɛ, na dulum ku ce nŋɛ ŋai.

Mɔnda ŋa 22:7

Ilu fia í ya taa ilu are ŋa gbugbãi, nɔ inɛ iyi í wɛ̃ fia í jɛ arui inɛ iyi í wɛ̃aa fiaui.