Neemi 5:4 - Bibeli do fee

⁴ Inɛ mmu gɔ ŋa mɔ à waa ni, à wɛ̃ fia ŋai si iko nwa ŋa do si jĩi ndii rezɛ̃ɛ nwa ŋa ku ba ka sã fiai adɔ̃i ilaalu.

Neemi 5:4 Iomraidhean Croise

Ilaalu 1, 9:21

hai tɔku nŋa ŋa iyi à gbe si ilɛu iyi inɛi Izirɛli ŋa a kù yɔkɔ a kù kpa ŋau fei, Salomɔɔ í jilɛ ŋai bɛi aru nɔ í jilɛ nŋa icɛi tilasi. Nɔ hee ku baa nnyi, bɛɛbɛi à jɛ.

Ɛsidarasi 4:13

Í sĩa i mà iyi bii à teese à ma iluu do bindiɛ, inɛ ŋau a kaa na a jɛ fiai adɔ̃ ku sã má, do fiai lɛmpoo do fia iyi inɛ í ya sã ku bɛi ku lɔ, nɔ fia iyi ì ya ba á kaye.

Ɛsidarasi 4:20

Ntɔi, tako wo Zeruzalɛmu í nɛ ilaalu ŋa iyi à nɛ gbugbã, aŋai à jɛ inɛ ngboi ilɛ ŋa iyi à wa ikpa nunui alɛi idou fei. Nɔ aŋai à ya sãa fiai adɔ̃ do fiai lɛmpoo do fia iyi inɛ í ya sã ku bɛi ku lɔ.

Ɛsidarasi 7:24

Nɔ bɛɛbɛ mɔi ǹ wa n na wooda a maà gba si woo wee ŋau do inɛi Levii ŋau do woo kɔ̃ iri ŋau do woo degbe andɛ koofa ŋau do woo ce icɛi kpasɛ̃i Ilaaɔ̃ ŋau fiai adɔ̃ do fiai lɛmpoo do fia iyi inɛ í ya sã ku bɛi ku lɔ.

Neemi 5:3

Nɔ inɛ mmu gɔ ŋa mɔ à ni, si ari iyi wa ceu ihɛ̃, iko nwa ŋa do jĩi ndii rezɛ̃ɛ nwa ŋa do kpasɛ̃ nwa ŋai à tɔɔma à bɛi à ba bilee.

Neemi 9:37

Ilɛu wa ce amaajɛ ŋa nkpɔ nkpɔ ti ilaalu ŋa iyi ì jɔ̀ à waa jɛ aru nŋa na dulum du wa ŋau. À waa nɛò wa bɛi à bi, do mɛɛmu nwa ŋa. Nɔ à wɛɛò inɔ kufɔ nla nla.

Mɔnda ŋa 22:7

Ilu fia í ya taa ilu are ŋa gbugbãi, nɔ inɛ iyi í wɛ̃ fia í jɛ arui inɛ iyi í wɛ̃aa fiaui.

Zozue 16:10

Inɛi Efaraimu ŋau a kù lele inɛi Kanaã ŋa iyi à wa Gezɛɛu. Inɛ nŋu ŋau à wɛɛ baa nnyi si inɔ nŋa, amma à jilɛ nŋa icɛi aru ŋa iyi aa ya ce.