Neemi 5:1 - Bibeli do fee

¹ Ŋɔi si inɔi zamaau inɛmɔkɔ gɔ ŋa do inaabo gɔ ŋa à dedeò taalei Zuifu kpaasi nŋa ŋau ku yɛ gbãna gbãna.

Neemi 5:1 Iomraidhean Croise

Zɔɔbu 34:28

Aŋai à jɔ̀ hai nɛ gbugbã ŋa do ilu are ŋa à waa tɔɔ faaba, nɔ anu ku dɔ̃ nŋau í to siɛ.

Kufita 3:7

Nɔ Aɔ̃ Lafɛ̃ɛ í ni, ǹ wa n yɛ bɛi à waa kpã inɛm ŋa iyi à wa Ezibitiu iju sãa sãa nɔ ǹ gbɔ bɛi à ya jɔ̀ à wasi ku dɔ̃ anu nɔ ǹ mà ara kuro nŋa ŋau.

Ezai 5:7

Jĩi ndii rezɛ̃ɛi Aɔ̃ Lafɛ̃ɛi lele do ilɛu, dimii inɛi Izirɛli ŋai. Zamaai inɛi Zudaa ŋai à jɛ bɛi jĩi ŋa iyi í bi ntɔ ntɔ. Aɔ̃ Lafɛ̃ɛ í bi a maa too ntɔi wo, amma í ba wee woo kpa inɛ ŋai. Í bi a ya ce kiiti dee deei wo, amma wee anu ku dɔ̃i hai nɛ gbugbã ŋai wa gbɔ bii fei.

Zeremi 34:8

Aɔ̃ Lafɛ̃ɛ í ba Zeremi ide ku fɔ si anyii iyi ilaalu Sedesiasi í dĩ akabuu do inɛi Zeruzalɛmu ŋau fei si gãmɛi idei ara ku nɛu.

Ezekiɛli 45:9

Ide iyi amu Aɔ̃ Lafɛ̃ɛ ǹ fɔ wee. Ǹ ni, iŋɛ amanlui Izirɛli ŋa í to i leekĩ do inɛ ŋa ku taa gbugbã do ile ku ce ŋa ŋa. I too ntɔ do dee dee ku jɛ ŋa. I maà ti i maa gba ilɛi inɛm ŋa bɛɛbɛ ŋa. Amu Aɔ̃ Lafɛ̃ɛi ǹ fɔ bɛɛbɛ.

Malasi 2:13

Mii iyi ì waa ce má ŋa wee. Ì waa kpata, ì waa weewea ŋa nɔ ì waa dikã cikãaju si bi kuweei Aɔ̃ Lafɛ̃ɛu ŋa si na iyi í jɔ̀ kù waa cɔ kuwee nŋɛ ŋa nɔ kù waa gba nkãma hai si awɔ nŋɛ ŋa.

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Woo bɛ ŋa 7:26

Iju kumáɛ ŋɔi Moizi í yɛ inɛi Izirɛli minji gɔ ŋa iyi à waa ja. Ŋɔi wa bi ku la ŋa, nɔ í ni, kpaasim ŋa, iŋɛ iyi ì jɛ nyaanze akã ŋa, na mii í ce ì waa wahala njɛ bɛɛbɛ ŋa.

Zaaki 5:4

Wee i ci ya sãa woo da amaajɛ nŋɛ ŋa fia nŋa. I cɔ inɔ kufɔ nŋa ŋa. Anu ku dɔ̃i inɛ ŋau í to hee si itĩi Aɔ̃ Lafɛ̃ɛi lele do ilɛ.