Neemi 4:7 - Bibeli do fee

⁷ Na ŋɔi í jɔ̀ ǹ kpɛ̃ zamaau nyaanze do nyaanze ǹ jilɛ ŋa do anyii bindiu tengi bii kugbokaɛ kù to bii gɔ ŋa, aŋa fei do taakuba nŋa ŋa do kaka nŋa ŋa do bioo nŋa ŋa.

Neemi 4:7 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Ilaalu 2, 24:2

Ŋɔi Aɔ̃ Lafɛ̃ɛ í tale si Zoakimu soogei Babilɔni ŋa wa do ti Siri ŋa do ti Moabu ŋa do ti Amɔɔ ŋa a bɔ si ilɛi Zudaa a koo a ce nfeɛ si bɛi í ni waliiɛ ŋa a fɔu wo.

Bomma 2, 20:1

Si anyii nŋu, inɛi Moabu ŋa do inɛi Amɔɔ ŋa do inɛi Maɔ̃ɔ ŋa à naa igũ si Zozafati.

Ɛsidarasi 5:8

À waa sɔ̃ɛ iyi awa à bɔ ilɛi Zudaa bi kpasɛ̃i Ilaaɔ̃. Inɛ ŋa à teese à waa ma kpasɛ̃u do kuta ŋa iyi à gbe, nɔ à masi jĩi ŋa si idĩu. Icɛu wa gbãa nɔ wa ce jiida jiida.

Neemi 2:10

Ŋɔi Sanbala inɛi Horɔ̃ɔ do Tobiya inɛi Amɔɔ iyi í jɛ minjisiaɛu, à gbɔ ideu nɔ inɔ nŋa í fɔ ntɔ ntɔ do bɛi inɛ gɔ wa naa inɛi Izirɛli ŋa ku cea jiida.

Neemi 2:19

Iyi Sanbala inɛi Horɔ̃ɔu do Tobiya inɛi Amɔɔ iyi í jɛ minjisiaɛu do Gesɛmu inɛi ilɛi Arabiu à gbɔ ideu, ŋɔi à nyaanyi wa à waa yaako wa. À waa ni nwa, mii ì waa ce bɛ ŋa ya. Ì waa bi i dedeò ide ku kɔ̀ bi ilaaluu ŋai ba.

Neemi 4:1

Iyi Sanbala do Tobiya do inɛi Arabi ŋa do inɛi Asidodi ŋa à gbɔ iyi icɛi bindii Zeruzalɛmu ku teese ku mau wa mɔsi, nɔ à waa dĩ foo ŋa iyi à wa bɛu, ŋɔi idɔ nŋa í kɔ̃ hee í caa.

Neemi 4:6

Zuifu ŋa iyi à wa kɔkɔi mbɛɛ nwa ŋau à naa bi tu wa tuuba mɛɛwa à na à sɔ̃ wa hai do tengi bii mbɛɛ nwa ŋau à waa bi a lɔò si wa wa.

Neemi 4:8

Ŋɔi ǹ dede ǹ koo ǹ cɔ inɛ ŋa iyi ǹ jilɛ ŋau, si anyiɛ nɔ ǹ sɔ̃ inɛ ngbo ŋau do woo ce kiiti ŋa do inɛ ŋa iyi à gbe fei ǹ ni, i maà ce njo ŋa. I ye gigi ŋa iyi Aɔ̃ Lafɛ̃ɛ í la nɔ í nɛ amboe. I jaa kpaasi nŋɛ ŋa do ama nŋɛ ŋa do abo nŋɛ ŋa do kpasɛ̃ nŋɛ ŋa.

Neemi 6:16

Iyi mbɛɛ nwa ŋau fei do inɛi ilɛ ŋa iyi à wa kɔkɔ nwa ŋau à gbɔ, ŋɔi zigii aŋa fei í da nɔ anyɔ í mu ŋa ntɔ ntɔ. Waati bɛɛbɛi à mà iyi Aɔ̃ Lafɛ̃ɛi í jɔ̀ icɛu í ce.

Zeremi 25:20

Nɔ í to si dimi ikã ikã ŋa iyi à wa si ilɛi Ezibitiu mɔ feii. Hai ilaalu ŋa iyi à wa ilɛi Usi fei, do ilaalu ŋa iyi à wa ilɛi Filisi fei. Í to si inɛi Asikalɔ̃ɔ ŋa, do inɛi Gaza ŋa, do inɛi Ekorɔ̃ɔ ŋa, nɔ í to si inɛ ŋa mɔ iyi à gbe iyi à wa ilɛi Asidodi.

Zeremi 41:10

Si anyii nŋu, Isimaɛli í mu inɛi Misipa ŋa iyi à gbe ŋau fei aru í nɛò ŋa. Í mu ama inaabo ŋa iyi ilaaluu í nɛ fei, hee do zamaa iyi í gbe Misipa, aŋa iyi Nebuzaradãa inɛ ngboi woo degbe kpasɛ̃i ilaalu í daa Gedalia si awɔu. Isimaɛli í mu inɛ ŋaui í nɛò ŋa ikpa bi inɛi Amɔɔ ŋa.

Amɔsu 1:13

Aɔ̃ Lafɛ̃ɛ í ni, dulum dii inɛi Amɔɔ ŋa í la. Na nŋu, an jɔ̀ ijuukpã ku ba ŋai ntɔ ntɔ, domi aŋai à pũ inaabo bãasĩ ŋa si ilui Galaadi, ku ba a kɔ̃ɔsi kulai ilɛ nŋa.

Amɔsu 1:8

An kpa irii inɛ ngboi ilui Asidodi ŋa do ilaalui ilui Asikalɔ̃ɔ. Nɔ an sinda si inɛi ilui Ekorɔ̃ɔ ŋa n kpã ŋa iju nɔ inɛi Filisi ŋa iyi à gbeu fei aa ce nfei. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 3:9

I fɔ si inɛi Asidodi do inɛi Ezibiti ŋa ide i ni, i tɔtɔɔ wa ŋa si iri kutai Samariu, nɔ i cɔ daa sãmi ikã ikãi inɛi Samari ŋa do njɛ ku taa gbugbã ŋa iyi í wa si anini nŋa.

Woo bɛ ŋa 5:33

Iyi à gbɔ ideu ŋɔi idɔ nŋa í kɔ̃ hee à waa bi a kpa ŋa.

Kuyɛi Zãa 12:17

Ŋɔi idɔi akandamau í kɔ̃ si abou ntɔ ntɔ, nɔ í bɔ igũ ku ce do dimiɛ ŋa iyi à gbe, aŋa iyi à waa jirima woodai Ilaaɔ̃ fei, inɛ ŋa iyi à waa leekĩ dim dim si sɛɛdai Jesu.

Samuɛli 1, 11:2

Ŋɔi Nahasi í ni, to, ǹ jɛsi ka dĩ akabuu, amma í gbe bii ǹ nya iju njɛi iŋɛ fei titã ku ba anyɔ ku mu inɛi Izirɛli ŋa fei.