Neemi 4:2 - Bibeli do fee

² Ŋɔi aŋa fei à dĩ tɔɔsi wa a naa Zeruzalɛmu igũ ku ba a fɔtɔtɔi inɛ ŋa.

Neemi 4:2 Iomraidhean Croise

Ɛsidarasi 4:4

Ŋɔi inɛi ilɛ bɛ ŋau à waa fɔ inɔi inɛi Zudaa ŋau nɔ à jɔ̀ njo wa mu ŋa ku ba a maà ma kpasɛ̃i Ilaaɔ̃u má.

Neemi 12:27

Waati iyi à ma bindii Zeruzalɛmuu à tã, ŋɔi à kpe inɛi Levii ŋa wa hai bii à wa fei à naa Zeruzalɛmu ku ba a jɛ jingaui iri ku kpai bindiu do inɔ didɔ̃ do iri ku kɔ̃i saabu ŋa a maa cãò sɛmbali do kundigi ŋa do mɔɔlɔ ŋa.

Neemi 12:43

Ajɔ nŋu bɛ, à ce kuwee nkpɔ nkpɔ. Nɔ inɛ ŋa à wɛɛò inɔ didɔ̃, domi Ilaaɔ̃i í mua zamaau inɔ didɔ̃ nla nla. Ŋɔi hai inaabo ŋa hee do amu ŋa fei à wɛɛò inɔ didɔ̃. Nɔ anu ku dɔ̃i inɔ didɔ̃u í fita hai Zeruzalɛmu wa bɔ hee jĩijĩ.

Neemi 4:10

Hai ajɔ nŋu bɛ, bubui inɛm ŋau à ya maa ce icɛi, nɔ inɛ mbɔ ŋa à ya dasi ibɔi isɔi nɔ a maa mu kaka ŋa do tɛli ŋa do afa ŋa. Nɔ inɛ ngbo ŋau fei à ya maa leekĩi do anyii inɛi Zudaa ŋa.

Neemi 6:15

À kpa irii bindiu si ajɔ kaafɛtũsiai cukpai Eluli si afei ajɔ ciitaa do minji.

Iri ku kɔ̃ 83:4

Inɛ ŋau à waa dĩ sɔɔlui zamba na inɛɛ ŋa. À waa busi njɛ ku ba a cea inɛ ŋa iyi ì waa degbeu laalɔ.

Zeremi 26:18

si waatii Ezekiasi ilaalui Zudaa, walii gɔ í wɛɛ iyi à ya kpe Misee inɛi Moresɛti. Nŋui í ce walii í sɔ̃ zamaai Zudaa fei í ni, ide iyi Aɔ̃ Lafɛ̃ɛi lele do ilɛ í fɔ wee. Í ni, Siɔ̃ɔ á na ku yɛi bɛi iko iyi à logoo à nya fiiɛ, Zeruzalɛmu mɔ bɛi ilu iyi í cuku í ce geete, nɔ iri kuta bii kpasɛ̃i Aɔ̃ Lafɛ̃ɛ í wau mɔ á ce agboi, fɔfɔ ku biiɛ fei.

Zeremi 33:24

i kù ce laakaii ide iyi inɛ ŋau ihɛ̃ à waa fɔ ba. À waa ni amu Aɔ̃ Lafɛ̃ɛ ǹ fũsi dimii Izirɛli do dimii Zudaa ŋa iyi ǹ cicau awɔ. Inɛ ŋa iyi à waa fɔ bɛɛbɛ ŋau, a kù waa saalu inɛm ŋau bɛi dimi gɔ má. Na ŋɔi í jɔ̀ à waa yaako ŋa.

Daniɛli 9:25

Na nŋu, iyi ì nɛ i mà nɔ i gbɔ yaaseɛ wee. Ajɔ nŋu ì gbɔ laabaau gɔ iyi wa fɔ idei kubaai aru ŋa do idei Zeruzalɛmu ku teese ku ma. To, hai waati bɛɛbɛ hee ku naa si inɛ ngbo iyi Ilaaɔ̃ í cicau, adɔ̃ mɛɛje ikɔ mɛɛje mbɛ. Si adɔ̃ mɛɛje ikɔ kita do minjii aa teese a ma iluu do bindi ku nɛ gbugbã ŋau, amma waatiu á jɛ waati kugaabu ŋa.

Abakuku 3:2

í ni, Aɔ̃ Lafɛ̃ɛ, ǹ gbɔ à sɔ̃m bɛi ì ce, ŋɔi í jɔ̀ ǹ mà bɛɛrɛi icɛɛu. Aɔ̃ Lafɛ̃ɛ, jɔ̀ ku ce si waati nwau ihɛ̃. Jɔ̀ inɛ ŋa a yɔɔ si waati nwau ihɛ̃. Amma si idɔɔkɔ̃ɛ, ye gigi nwa nɔ i ce araare nwa.

Zakari 12:8

Waati bɛɛbɛ amu Aɔ̃ Lafɛ̃ɛ an bii anyii inɛi Zeruzalɛmu ŋa, inɛ ŋa iyi a kù nɛ gbugbã si inɔ nŋa aa baa a nɛ gbugbãi bɛi Davidi, nɔ tɔkui Davidi ŋau mɔ a baa a yɛ bɛi amu Ilaaɔ̃, bɛi amalekai Aɔ̃ Lafɛ̃ɛ iyi wa cua nŋa.

Zakari 4:10

Maà ti i donda icɛ ku sinti i maa ni, icɛu kù bɔ bii kãma titã. Á sĩa i nɛ inɔ didɔ̃ wo si waati iyi ì waa yɛ jĩnɛi icɛ si awɔi Zorobabɛli. Nɔ amalekau í sɔ̃m má í ni, fitila mɛɛje ŋa iyi ì yɛ si kuyɛɛu, à yɛi bɛi ijui Aɔ̃ Lafɛ̃ɛ iyi wa cɔ mii iyi wa ce si ilɛu ihɛ̃ fei.

Kɔrɛnti 1, 1:27

Amma Ilaaɔ̃ í cica mii ŋa iyi inɛi andunya ŋa à waa cɔ bɛi hai nɛ yaase ŋa í dasiò ilu bisi ŋa anyɔ, nɔ í cica mɔngɔi andunya ŋa í dasiò ilu gbugbã ŋa anyɔ.