Neemi 4:1 - Bibeli do fee

¹ Iyi Sanbala do Tobiya do inɛi Arabi ŋa do inɛi Asidodi ŋa à gbɔ iyi icɛi bindii Zeruzalɛmu ku teese ku mau wa mɔsi, nɔ à waa dĩ foo ŋa iyi à wa bɛu, ŋɔi idɔ nŋa í kɔ̃ hee í caa.

Neemi 4:1 Iomraidhean Croise

Neemi 13:28

Inɛ akãi amai Yoyada, tɔkui Eliasibu woo wee nlau í nɛ abo gɔ iyi Sanbala inɛi Horɔ̃ɔui í jɛ baaɛ. Ŋɔi ǹ lele amai Yoyadau í jĩò bi tom.

Neemi 2:10

Ŋɔi Sanbala inɛi Horɔ̃ɔ do Tobiya inɛi Amɔɔ iyi í jɛ minjisiaɛu, à gbɔ ideu nɔ inɔ nŋa í fɔ ntɔ ntɔ do bɛi inɛ gɔ wa naa inɛi Izirɛli ŋa ku cea jiida.

Neemi 2:19

Iyi Sanbala inɛi Horɔ̃ɔu do Tobiya inɛi Amɔɔ iyi í jɛ minjisiaɛu do Gesɛmu inɛi ilɛi Arabiu à gbɔ ideu, ŋɔi à nyaanyi wa à waa yaako wa. À waa ni nwa, mii ì waa ce bɛ ŋa ya. Ì waa bi i dedeò ide ku kɔ̀ bi ilaaluu ŋai ba.

Neemi 6:15

À kpa irii bindiu si ajɔ kaafɛtũsiai cukpai Eluli si afei ajɔ ciitaa do minji.

Neemi 6:16

Iyi mbɛɛ nwa ŋau fei do inɛi ilɛ ŋa iyi à wa kɔkɔ nwa ŋau à gbɔ, ŋɔi zigii aŋa fei í da nɔ anyɔ í mu ŋa ntɔ ntɔ. Waati bɛɛbɛi à mà iyi Aɔ̃ Lafɛ̃ɛi í jɔ̀ icɛu í ce.

Zeremi 38:19

Ŋɔi ilaalu Sedesiasi í sɔ̃ Zeremi í ni, zigiidam í wai si gãmɛi inɛi Zudaa ŋa iyi à so ara nŋa à daa inɛi Kaladee ŋau si awɔ. Zigim wa dai a maa na a som a da nŋa si awɔ nɔ a wahalam.

Matie 2:16

Ŋɔi ilaalu Herodu í yɛ iyi woo mà leleaɔ̃ ŋau à lɛlɛ nŋui, ŋɔi idɔɛ í kɔ̃ jiida jiida. Ŋɔi í ce dooi waati iyi woo mà ŋau à yɛ leleaɔ̃u í fita, ŋɔi í jɔ̀ à koo à kpa ama inɛmɔkɔ kpɔtɔɔ ŋa hee ku koo si do amai adɔ̃ minji ŋa fei si ilui Betelehɛmu do ilɛɛkoɛ ŋa fei.

Matie 27:29

Nɔ à ba fulai agũ à lea si iri, nɔ à naa kpokpoo si awɔ njɛɛ, à bɛi à gulɛ si wajuɛ à waa yaakoɛ à waa ni, fɔɔ ilaalui Zuifu ŋa.

Woo bɛ ŋa 5:17

Amma woo wee nlai Ilaaɔ̃u do inɛ ŋa iyi à wa si igbɛi Sadusi ŋa iyi à wa bi tɛɛu fei à dedeò igu si gãmɛi woo bɛ ŋau.

Ebɛɛ 11:36

À yaako inɛ gɔ ŋa nɔ à tɛ nŋa kpɔtɔɔ. À dĩ inɛ gɔ ŋa do sesee à dasi ŋa piisɔ̃ɔ.