Neemi 3:8 - Bibeli do fee

⁸ Do kɔkɔ nŋa bɛi Uziɛli woo ce icɛi wura amai Haraya wa ce icɛ, nɔ do cingaai nŋu mɔ Hanania woo ce tunzãm nɔui wa ce icɛ bɛ. Aŋai à teese Zeruzalɛmu hee ku bɔ tengi bii bindiu í koo í cĩu.

Neemi 3:8 Iomraidhean Croise

Kusintii Andunya 50:2

Si anyiɛ nɔ í kpe lokotoo ŋa iyi à waa ceaa icɛu í ni a teese arai baai nŋu ku ba ku maà sãmi. Nɔ lokotoo ŋau à ce ajɔ ciiji à ya maa jɔsi arau iwɔ si bɛi í jɛ dɔ̃ɔnɛ nŋa. Nɔ inɛi Ezibiti ŋau à ce akũi Zakɔbu ajɔ kitaò fɛɛwa.

Neemi 12:38

Ŋɔi woo kɔ̃ iri ŋau ikɔ akã iyi ihɔ̃u mɔ í nɛ wa bɔ ikpa awɔ canga. Nɔ amu Neemi ǹ wa do anyi nŋa wa awaò bubui zamaau si antaii bindiu. À too do bi ku degbe iyi à ya kpe bi ku sɔ̃ kaa ŋau hee ku bɔ bii bindiu í koo í cĩu,

Kufita 30:25

Mii ŋau bɛi aa na a ceò ikpo iyi aa nya ikã ku jɛ titom si yaase bɛi woo ce tuae ŋau à ya ce. Ikpou bɛi aa ya fãsi inɛ ŋa do mii ŋa iyi à cica a jɛ ti Aɔ̃ Lafɛ̃ɛ.

Woo lasabu 10:1

Bii cĩcĩ ŋa à dasi inɔ tuae nɔ à ku, à ya jɔ̀ ku bɛjɛi nɔ ku maa nu konkombi. Bɛɛbɛ mɔi kuce hai nɛ yaase akã á bɛjɛ bisii amanɛ do bɛɛrɛɛ.

Ezai 46:6

Inɛ gɔ ŋa à ya sinda mii ndii bɔgɔ nŋa ŋai, nɔ a wã kuwoi isɔ fũfũ do ti wura nŋa ŋa. Si anyiɛ à ya so woo mà icɛi wura ku cei ku ba ku ce nŋa iwɛ̃ gɔ iyi aa ya sɛɛbata si wajuɛ a maa tɔɔɛ.