Ŋɔi í bɛ inɛ gɔ Tekoa í ni koo kpea nŋu abo ilu bisiu wa. Iyi abou í to wa nɔ í sɔ̃ɔ í ni, ce bɛi inɛ iyi inɔɛ í fɔ, dasi jĩnɛi akũ ŋa, maà ti i jɔ ikpo, nɔ i ce bɛi abo iyi wa kpata akũ gɔ hai ku kpɛ wa.
Do cingaa nŋa Meremɔti amai Uri tɔkui Hakotii wa ce icɛ bɛ. Kɔkɔɛ bɛi Mɛsulamu amai Berekia tɔkui Mesezabeɛli wa ce icɛ. Do cingaai nŋu mɔ bɛi Sadɔku amai Baana wa ce icɛ.
Yoyada amai Pasea do Mɛsulamu amai Besodia ŋai à teese anu koofa iyi à ya kpe anu koofa nwou. Aŋai à dasi jĩi ndii anu koofau, nɔ à dasi gamboɛ ŋau do sɔkɔɛ ŋau do isɔ ku gaauɛ ŋau.
Ide bɛɛbɛ ŋai ǹ sɔ̃ Sedesiasi ilaalui Zudaau cau cau. Ǹ sɔ̃ɔi ǹ ni, i toa ilaalui Babilɔni kɔ̃ɔ nŋɛ ŋa ku da nŋɛ si zuugu. I ceaa icɛ ŋa nŋu do zamaaɛu ku ba i maa wɛɛ si hunde ŋa.
Bii dimi gɔ walakɔ ilɛ gɔ kù waa cea Nebukanɛsaa ilaalui Babilɔni icɛ, nɔ kù jɛsi ku to kɔ̃ɔɛ ku so zuugui ilaalui Babilɔniu, an jɔ̀ igũ do ari do patapoo ku naa siɛ. Amu Aɔ̃ Lafɛ̃ɛ, bɛi ǹ fɔ mbɛ, nɔ do yaase bɛɛbɛi an kpaò irii dimiu.
I sa hai inɔ ilu Zeruzalɛmu ŋa, iŋɛ inɛi Bɛnzamɛɛ ŋa. I fã kuu ilui Tekoa ŋa. I wu nyinda gɔ ilui Bɛti-Kerɛmu ŋa, domi laalɔ wa naa hai do awɔ njɛi kpãai inunu wa do nfe ku ce nla nla.
Amɔsu woo sɛ̃ angudã ŋai wa jɛ, nɔ inɛi ilui Tekoai. Aɔ̃ Lafɛ̃ɛ í baa ide ku fɔ si kuyɛ ŋa iyi í ce si gãmɛi inɛi Izirɛli ŋa. Waati bɛɛbɛ, ilɛ ku yaya iyi í ceu wa gbe adɔ̃ minji. Waati nŋu, Oziasii wa jɛ ilaalu si ilɛi Zudaa, nɔ Zeroboamu amai Zoasi mɔi wa jɛ ilaalu si ilɛi Izirɛli.
Debɛi, na mii í ce ì waa cã idɔi Ilaaɔ̃ nsɛi ŋa, ì waa bi i kãa hai jɛ Zuifu ŋa iyi à waa too kpãai Jesuu aso iyi bala nwa ŋa do awa taka nwa à mɔngɔ ku so.