Neemi 3:3 - Bibeli do fee

³ Amai Senaa ŋai à ma anu koofa iyi à ya kpe anu koofai cɛ̃ɛ ŋau. Aŋai à dasi jĩi ndii anu koofau à bɛi à dasi gamboɛ ŋa do sɔkɔɛ ŋa do isɔ ku gaauɛ ŋa.

Neemi 3:3 Iomraidhean Croise

Bomma 2, 33:14

Si anyiɛ í ma bindi kugboka gɔ do anyii ilui Davidi waatɔ Zeruzalɛmu do nunui alɛi idoi Gihɔ̃ɔ. Bindiu í sinti hai lɔɔmai Sedorɔ̃ɔ nɔ í kaako mbɔi iluu iyi à ya kpe Ofɛli í bɔ hee anu koofai Cɛ̃ɛ ŋau. Ŋɔi í jilɛ inɛ ngboi sooge ŋa má si ilu ku nɛ gbugbãi Zudaa ŋau fei.

Ɛsidarasi 2:35

inɛi Senaa ŋa, aŋa dubu mɛɛta do cĩɔ mɛɛfa do kuntaa (3.630).

Neemi 12:39

à bɛi à kua do lelei anu koofai Efaraimu, do gambo nwou, do anu koofa iyi à ya kpe anu koofai cɛ̃ɛ ŋa do ile bi ku degbe iyi à kpe Hananeɛli do ile bi ku degbe iyi à kpe Mea hee ku koo si anu koofa iyi à ya kpe anu koofai angudã ŋau. Nɔ à leekĩ bi anu koofa iyi à ya kpe anu koofai woo degbe ilaalu.

Neemi 2:8

Si anyiɛ nɔ a nam tia akã má iyi á jɛ ti Azafu woo degbe agboɛu ku ba ku nam jĩi ŋa iyi aa ka ceò gamboi ile ku nɛ gbugbã iyi í ya wa kɔkɔi kpasɛ̃i Aɔ̃ Lafɛ̃ɛu do ti bindii iluu do ti ile bii an koo n wa. Ŋɔi ilaaluu í nam tia ŋau, domi awɔ jiidai Ilaaɔ̃ Lafɛ̃ɛm wa bii anyim.

Neemi 3:4

Do cingaa nŋa Meremɔti amai Uri tɔkui Hakotii wa ce icɛ bɛ. Kɔkɔɛ bɛi Mɛsulamu amai Berekia tɔkui Mesezabeɛli wa ce icɛ. Do cingaai nŋu mɔ bɛi Sadɔku amai Baana wa ce icɛ.

Neemi 3:6

Yoyada amai Pasea do Mɛsulamu amai Besodia ŋai à teese anu koofa iyi à ya kpe anu koofa nwou. Aŋai à dasi jĩi ndii anu koofau, nɔ à dasi gamboɛ ŋau do sɔkɔɛ ŋau do isɔ ku gaauɛ ŋau.

Neemi 6:1

Sanbala do Tobiya do Gesɛmu inɛi ilɛi Arabi do mbɛɛ nwa ŋa iyi à gbe ŋau à gbɔ iyi ǹ ma bindiu ǹ tã nɔ foo kù gbe bii kãma má. Gamboi anu koofa ŋau ku dasi nŋu akãi í gbe.

Neemi 7:1

Iyi bindiu í tã nɔ ǹ jɔ̀ à dasi gamboi anu koofa ŋau, ŋɔi ǹ jilɛ woo degbe anu koofa ŋau do woo kɔ̃ iri ŋau do inɛi Levii ŋau si icɛ nŋa.

Neemi 7:38

inɛi ilui Senaa ŋa, aŋa dubu mɛɛta do cĩɔ mɛɛsã do kuntaa (3.930).

Iri ku kɔ̃ 147:13

domi nŋui í jɔ̀ andɛ koofaɛ ŋa à nɛ gbugbã, nɔ í weea amaɛ ŋa iyi à wa bi tɛɛ.

Sofoni 1:10

Aɔ̃ Lafɛ̃ɛ í ni, ajɔ nŋu bɛ, aa maa gbɔ anu ku dɔ̃ ŋai hai anu koofai cɛ̃ɛ ŋau, do anu ku dɔ̃ ŋa má ikpa ice titɔ̃i iluu, do iba nla nla ikpa iri kuta ŋau.