Neemi 3:1 - Bibeli do fee

¹ Ŋɔi Eliasibu woo wee nlau í dede, nŋu do woo wee mmu ŋau à ma anu koofa iyi à ya kpe anu koofai angudã ŋau. Ŋɔi à ce si kuwee ku ba ku jɛ ti Ilaaɔ̃. Nɔ aŋai à na à dasi gambo minji ŋau má. Nɔ à ma bindii iluu hee ku bɔ si bi ku degbei Mea, nɔ à mɔsi má hee bi ku degbei Hananeɛliu. Nɔ à ce si bindiu mɔ kuwee.

Neemi 3:1 Iomraidhean Croise

Neemi 12:10

Zozuei í bí Yoyakimu. Yoyakimu mɔi í bí Eliasibu. Eliasibu mɔi í bí Yoyada.

Neemi 12:30

Ŋɔi woo wee ŋau do inɛi Levii ŋau à ce buki iyi á jɔ̀ a maajuu. Nɔ à cea zamaau mɔ. Si anyiɛ nɔ à cea gambo ŋau do bindiu.

Neemi 12:39

à bɛi à kua do lelei anu koofai Efaraimu, do gambo nwou, do anu koofa iyi à ya kpe anu koofai cɛ̃ɛ ŋa do ile bi ku degbe iyi à kpe Hananeɛli do ile bi ku degbe iyi à kpe Mea hee ku koo si anu koofa iyi à ya kpe anu koofai angudã ŋau. Nɔ à leekĩ bi anu koofa iyi à ya kpe anu koofai woo degbe ilaalu.

Neemi 13:28

Inɛ akãi amai Yoyada, tɔkui Eliasibu woo wee nlau í nɛ abo gɔ iyi Sanbala inɛi Horɔ̃ɔui í jɛ baaɛ. Ŋɔi ǹ lele amai Yoyadau í jĩò bi tom.

Neemi 13:4

Hee nŋu bɛ ku maa ce, à cica Eliasibu woo weeu tã ku maa cɔ ile ŋa iyi à wa kpasɛ̃i Aɔ̃ Lafɛ̃ɛ nwau. Eliasibuu nyaanzei Tobiyai wa jɛ.

Neemi 3:20

Si anyiɛ nɔ Baruku amai Zabai í teese bii gɔi bindiu do himma, hai bi gontau hee ku bɔ anu koofai kpasɛ̃i Eliasibu woo wee nlau.

Neemi 3:21

Si anyiɛ nɔ Meremɔti amai Uri tɔkui Hakoti í teese hai anu koofau hee ku bɔ kɔɔi kpasɛ̃u.

Neemi 3:32

Nɔ woo ce icɛi wura ŋa iyi à gbe ŋau do sĩa ŋau à ce icɛ si afei bi ku degbe iyi í wa tengii gontai bindiu do bi anu iyi à ya kpe anu koofai angudã ŋau.

Neemi 6:1

Sanbala do Tobiya do Gesɛmu inɛi ilɛi Arabi do mbɛɛ nwa ŋa iyi à gbe ŋau à gbɔ iyi ǹ ma bindiu ǹ tã nɔ foo kù gbe bii kãma má. Gamboi anu koofa ŋau ku dasi nŋu akãi í gbe.

Neemi 7:1

Iyi bindiu í tã nɔ ǹ jɔ̀ à dasi gamboi anu koofa ŋau, ŋɔi ǹ jilɛ woo degbe anu koofa ŋau do woo kɔ̃ iri ŋau do inɛi Levii ŋau si icɛ nŋa.

Iri ku kɔ̃ 30:1

Iri iyi à kɔ̃ si waatii kpasɛ̃i Aɔ̃ Lafɛ̃ɛu ku cĩ. Iriu ihɛ̃ ti Davidii.

Iri ku kɔ̃ 48:12

Inɛi iri kutai Siɔ̃ɔ ŋa do inɛi ilui Zudaa ŋa à wɛɛò inɔ didɔ̃ nla nla na kiitiɛ ŋa iyi à jɛ dee dee.

Mɔnda ŋa 3:6

Jɔ̀ Aɔ̃ Lafɛ̃ɛ kú maa nɛòɛ si mii iyi ì waa ce fei. Bii ì waa ce bɛɛbɛ, nŋui á teeseɛ kpãaɛ.

Mɔnda ŋa 3:9

Si mii iyi ì nɛ fei, i ya tako i na Aɔ̃ Lafɛ̃ɛ iyi í nɛ ku jɛ tɛɛ hee do amaajɛ sinteɛ ŋa.

Zeremi 31:38

Aɔ̃ Lafɛ̃ɛ í nyi í fɔ má í ni ajɔ ŋa à waa naa bii aa teese a maa nŋu Aɔ̃ Lafɛ̃ɛ iluu má. Aa maai hai bi ile kugbokai Hananeɛliu hee ku bɔ anu koofa iyi í wa bi gontau.

Daniɛli 9:25

Na nŋu, iyi ì nɛ i mà nɔ i gbɔ yaaseɛ wee. Ajɔ nŋu ì gbɔ laabaau gɔ iyi wa fɔ idei kubaai aru ŋa do idei Zeruzalɛmu ku teese ku ma. To, hai waati bɛɛbɛ hee ku naa si inɛ ngbo iyi Ilaaɔ̃ í cicau, adɔ̃ mɛɛje ikɔ mɛɛje mbɛ. Si adɔ̃ mɛɛje ikɔ kita do minjii aa teese a ma iluu do bindi ku nɛ gbugbã ŋau, amma waatiu á jɛ waati kugaabu ŋa.

Zakari 14:10

Ilɛu fei á baa ku yɛi bɛi Araba. Hai Geba hee ku bɔ Rimɔɔ. Zeruzalɛmu nŋu akãi á maa wa si agbɛɛ si antaii iri kutau. Á na isɛi hai anu koofai Bɛnzamɛɛ ku bɔ anu koofa sinteu hee ku bɔ si anu koofa iyi í wa si gontau. Nɔ á na isɛi má hai bi ku degbei Hananeɛli hee ku bɔ bi ku fɔ̃ inyii rezɛ̃ɛi ilaalu.

Laabaau jiida iyi Zãa í kɔ 5:2

Wee Zeruzalɛmu bɛ, bi ku lɔò inɔ iluu í kpɔ. Andɛ akãi à ya kpe Andɛi angudã ŋa. Kɔkɔi andɛu bɛi fatama nla gɔ í wa. Nɔ à ma si ile iyi í nɛ andɛ miiu. À ya kpoo Bɛtizada do feei Ebɛɛ.

Wooda ku kɔsi 20:5

Si anyiɛ, inɛ ngboi sooge ŋau aa sɔ̃ sooge ŋaui a ni, yooi í ma ile titɔ̃ nɔ kù ba kù sũ si titã. Lafɛ̃ɛ ku sinda ku nyi ide, domi á yɔkɔ ku jɛ aa na a kpaa nɔ ileu ku baa ku jɛ ti inɛ mmu gɔ.