Neemi 2:8 - Bibeli do fee

⁸ Si anyiɛ nɔ a nam tia akã má iyi á jɛ ti Azafu woo degbe agboɛu ku ba ku nam jĩi ŋa iyi aa ka ceò gamboi ile ku nɛ gbugbã iyi í ya wa kɔkɔi kpasɛ̃i Aɔ̃ Lafɛ̃ɛu do ti bindii iluu do ti ile bii an koo n wa. Ŋɔi ilaaluu í nam tia ŋau, domi awɔ jiidai Ilaaɔ̃ Lafɛ̃ɛm wa bii anyim.

Neemi 2:8 Iomraidhean Croise

Kusintii Andunya 32:28

Ŋɔi mɔkɔu í beeɛ í ni, irei iriɛ. Nɔ í jɛ í ni, amui Zakɔbu.

Ɛsidarasi 5:5

Amma Ilaaɔ̃ í wɛɛ do inɛ ngboi Zuifu ŋau. Na ŋɔi í jɔ̀ inɛ ŋau a kù ganji icɛu, à waa degbe hee à sambaa ilaalu Dariusi tia ku ba a gbɔ bɛi nŋu mɔ á dɔ̃ si ideu.

Ɛsidarasi 6:22

Si anyiɛ nɔ à jɛ jingaui Pɛ̃ɛ hai nɛ levɛ̃ɛu ajɔ mɛɛje do inɔ didɔ̃. Ilaaɔ̃ í jɔ̀ à wɛɛò inɔ didɔ̃ si bɛi í jɔ̀ ilaaluu í cɔ ŋa do iju jiida í mu nŋa gbugbã si icɛi kpasɛ̃i Ilaaɔ̃ Lafɛ̃ɛi inɛi Izirɛli ŋa ku ma.

Ɛsidarasi 6:8

Na nŋu, wooda iyi ǹ wa n na ŋɛ si yaase bɛi aa sobiò inɛ ngboi Zuifu ŋau si icɛi kpasɛ̃u ku teese ku ma ŋa wee. Fia iyi inɛ ŋa iyi à wa cingaai idou do ikpa ihɔ̃ à ya sãa ilaaluu, nŋui aa na inɛ ŋau ku ba icɛu ku maà leekĩ.

Ɛsidarasi 7:6

Ɛsidarasiu hai ilɛi Babilɔnii í naa. Í jɛ inɛ gɔ iyi í ce cio í nɛ kumài wooda iyi Aɔ̃ Lafɛ̃ɛi inɛi Izirɛli ŋa í na Moiziu sãa sãa. Mii ŋa iyi í tɔɔ fei ilaaluu í naa si bɛi awɔi Ilaaɔ̃ í wa siɛ.

Neemi 7:2

Ŋɔi ǹ jilɛ ifɔm Hanani í jɛ inɛ ngboi Zeruzalɛmu, nŋu do Hanania inɛ ngboi woo degbe ile ku nɛ gbugbãi iluu. Hananiau í jɛ ilu naanɛ í re inɛ nkpɔ nkpɔ nɔ í jɛ inɛ iyi wa jirima Ilaaɔ̃.

Mɔnda ŋa 21:1

Idɔi ilaalu í yɛi bɛi acãi inyi si awɔi Aɔ̃ Lafɛ̃ɛ. Nŋui í ya maa sindaɛ bɛi í bi.

Woo lasabu 2:5

Nɔ ǹ ce lambo nkpɔ nkpɔ nɔ ǹ lɔ si jĩi dimi ikã ikã baa yooma fei iyi á so iso jiida.

Woo lasabu 2:6

Nɔ ǹ tua aram dimii fatama gɔ ŋa iyi an maa n fãsiò ama jĩi ŋau inyi.

Ezai 66:14

Ntɔ ntɔ, aa yɔɔ nɔ i wɛɛò inɔ didɔ̃ ŋa, nɔ ikɔ̃ nŋɛ ŋa aa nyi a teese a ba gbugbã mái bɛi fɔfɔ. Inɛ ŋa iyi à jɛ inɛi Aɔ̃ Lafɛ̃ɛ ŋau aa yɛ gbugbãɛ, nɔ mbɛɛɛ ŋau mɔ aa yɛ idɔɔkɔ̃ɛ.

Daniɛli 1:9

Ŋɔi Ilaaɔ̃ í jɔ̀ inɛ ngboi akawe nla ŋau í jɛsi kutɔɔi Daniɛliu do bɛɛrɛ do jiida ku jɛ.

Woo bɛ ŋa 26:22

Amma Ilaaɔ̃i í nyam hee do nnyi fei nɔ ǹ wa ihɛ̃ ǹ wa n jɛ sɛɛda si wajui amanɛ ŋa hai keeke do nla fei. N kù wa n fɔ ide gɔ bii kù jɛ iyi Moizi do walii ŋa à ni á na ku ceu baasi.

Woo bɛ ŋa 7:10

ŋɔi í nyaa hai si wahalaɛ fei. Í muaa bisi nɔ í jɔ̀ í nɛ bɛɛrɛ bi Faraɔ̃ ilaalui Ezibitiu. Ŋɔi Faraɔ̃ í coo minjisiaɛ si ilɛu nɔ í jɔ̀ í jɛ inɛ ngboi kpasɛ̃ɛ má.

Kɔrɛnti 2, 8:16

Ǹ wa n saabu Ilaaɔ̃, nŋu iyi í jɔ̀ Titee í bi ŋɛ bɛi awa taka nwa à bi ŋɛ.