Neemi 2:5 - Bibeli do fee

⁵ ǹ bɛi ǹ jɛa ilaaluu ǹ ni bii á dɔ̃a si, nɔ bii í cɔ amu woo ce icɛɛ do iju jiida, kú jɔ̀ n bɔ ilɛi Zudaa si ilu bii à si balam ŋau ku ba n koo n teese n maa.

Neemi 2:5 Iomraidhean Croise

Samuɛli 2, 14:22

Ŋɔi Zoabu í sɛɛbata nɔ í weea ilaaluu. Nɔ í ni má, nnyii ǹ mà iyi ǹ ba didɔ̃ si wajuɛ, amu woo ce icɛɛ, si na iyi í jɔ̀ awɔ ilaalu lafɛ̃ɛm ì waa ceò idem icɛ.

Ɛsidarasi 5:17

Na nŋu, nsɛi bii awɔ ilaalu ì bi, wusɛ tiai ide ŋa iyi í ce si bommau i cɔ bii í jɛ Sirusi ilaalui Babilɔnii í na wooda í ni a teese a ma kpasɛ̃i Ilaaɔ̃ Zeruzalɛmu. Si anyiɛ nɔ i sɔ̃ wa bɛi ì waa lasabu si ideu.

Neemi 2:4

Ŋɔi í beem í ni, mii ì bi n ce. Nɔ gbakã ǹ tɔɔ Ilaaɔ̃ iyi í wa lele titã

Neemi 2:6

Ajɔ nŋu aboi ilaaluu í wa kɔkɔɛ wa buba. Ŋɔi ilaaluu í beem má í ni ajɔ fɛloi an koo n ce bɛ nɔ waati yoomai an baa. Ŋɔi ǹ sɔ̃ɔ ajɔi kubaam. Ŋɔi ilaaluu í jɛsi n koo.

Ɛsitɛɛ 1:19

Awɔ ilaalu, bii ì yɔɔ iyi í sĩa, na wooda iyi kaa nɛ ku kpaasi Vasiti ku maà naa bi tɛɛ má, nɔ i jɔ̀ a fɔ woodau si bantuma, nɔ a kɔɔ si woodai inɛi Pɛɛsi ŋa do inɛi Mɛɛdi ŋa. Nɔ i cica inaabo gɔ iyi í nɛ jirima í re i naa bommau.

Ɛsitɛɛ 5:8

Bii í jɛ ǹ ba didɔ̃ si wajuɛi, nɔ bii ì tã sɔɔlu i nam mii iyi ǹ bi feii, ǹ bi awɔ do Hamaa i nyi wa i naa i jɛ jingau iyi an ce nŋɛ má ala. Waati bɛɛbɛ an sɔ̃ɛ mii iyi ǹ bi.

Ɛsitɛɛ 7:3

Ŋɔi Ɛsitɛɛ í jɛaa í ni, bii í jɛ ǹ ba didɔ̃ si wajuɛi, nɔ bii ì yɔɔ iyi í sĩa, jɔ̀ n ba kuwɛɛ, amu do inɛm ŋa. Mii iyi ǹ bi mbɛ.

Ɛsitɛɛ 8:5

í ni, bii í jɛ ì yɔɔ iyi í sĩa nɔ bii í jɛ ǹ ba didɔ̃ si wajuɛi, bii í jɛ í dɔ̃ɛ si nɔ bii ǹ jɛ jiida si wajuɛi, kɔ tia i ganji ide iyi Hamaa amai Hamedata tɔkui Agagi í jilɛu, si bɛi í kɔɔ í jilɔɔ si a kpa Zuifu ŋa iyi à wa si ilɛu fei.

Mɔnda ŋa 3:4

Do yaase bɛɛbɛ aa jɛ ilu laakai nɔ i ba didɔ̃ bi Ilaaɔ̃ do bi amanɛ ŋa.

Daniɛli 9:25

Na nŋu, iyi ì nɛ i mà nɔ i gbɔ yaaseɛ wee. Ajɔ nŋu ì gbɔ laabaau gɔ iyi wa fɔ idei kubaai aru ŋa do idei Zeruzalɛmu ku teese ku ma. To, hai waati bɛɛbɛ hee ku naa si inɛ ngbo iyi Ilaaɔ̃ í cicau, adɔ̃ mɛɛje ikɔ mɛɛje mbɛ. Si adɔ̃ mɛɛje ikɔ kita do minjii aa teese a ma iluu do bindi ku nɛ gbugbã ŋau, amma waatiu á jɛ waati kugaabu ŋa.

Matie 23:27

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì yɛ ŋai bɛi balɛ iyi à jɔsi mii fũfũ ku ba anyiɛ ku sĩa, amma inɔɛ kũkũi amanɛ do konkombii wa kɔ̃ si.

Ruutu 2:13

Nɔ Ruutu í jɛaa í ni, ǹ ba jiida ku jɛ si wajuɛ awɔ lafɛ̃ɛm, domi si ide ku fɔɛ ì tũ idɔm ntɔ ntɔ, amu iyi n kù to baa inɛ akãi woo ce icɛɛ ŋa.