Neemi 2:4 - Bibeli do fee

⁴ Ŋɔi í beem í ni, mii ì bi n ce. Nɔ gbakã ǹ tɔɔ Ilaaɔ̃ iyi í wa lele titã

Neemi 2:4 Iomraidhean Croise

Samuɛli 2, 15:31

Ŋɔi à naa à sɔ̃ Davidi à ni, Ahitofɛli í wa bi Abusalɔmu si inɔi inɛ ŋa iyi à jɛ woo zamba ŋau. Ŋɔi Davidi í ce kutɔɔ í ni, Aɔ̃ Lafɛ̃ɛ ku ce nfei ikɔi Ahitofɛli ŋau.

Ilaalu 1, 3:5

Gabaɔ̃ɔ bɛi Aɔ̃ Lafɛ̃ɛ í naa si Salomɔɔ si ala idũ nɔ í sɔ̃ɔ í ni, tɔɔ mii iyi ì bi n muuɛ.

Neemi 1:11

Lafɛ̃ɛ, jɔ̀ i sotĩ i gbɔ kutɔɔm, amu woo ce icɛɛ, do ti woo ce icɛɛ ŋa iyi à bi aŋa a mà bɛɛrɛɛ. Jɔ̀ isɛɛnɛm nɔu ku dɔ̃ bi ilaaluu, nɔ ku cɔm do iju jiida. Waati bɛɛbɛ amui ǹ jɛ woo bu atɛ̃i ilaaluu.

Neemi 1:4

Iyi ǹ gbɔ ide ŋau ŋɔi ǹ buba ǹ kpata, nɔ ǹ ce ajɔ bututu si inɔ kufɔ. Ǹ dĩ anu, nɔ ǹ tɔɔ Ilaaɔ̃ iyi í wa lele

Neemi 1:5

ǹ ni, Aɔ̃ Lafɛ̃ɛ, awɔ Ilaaɔ̃ iyi ì wa lele, ì la nɔ ì nɛ amboe. Awɔi ì waa mu akabuuɛ, nɔ ì ya ce araarei inɛ ŋa iyi à biɛ nɔ à waa jirima woodaɛ ŋa.

Neemi 2:20

Ŋɔi ǹ jɛ nŋa ǹ ni, Ilaaɔ̃ nŋu iyi í wa lele á jɔ̀ ka kpa irii icɛu. Awa iyi à jɛ woo ce icɛɛ ŋau aa ka dede nɔ ka maa. Amma iŋɛ, i kù nɛ baa kãma si ilui Zeruzalɛmu ŋa, i kù nɔ i kù nɛ kpãai inɛ ngbo gɔ ku jɛ si iluu ŋa. Inɛ kãma kaa nɔ kú ye gigi nŋɛ si ilui Zeruzalɛmuu.

Neemi 2:5

ǹ bɛi ǹ jɛa ilaaluu ǹ ni bii á dɔ̃a si, nɔ bii í cɔ amu woo ce icɛɛ do iju jiida, kú jɔ̀ n bɔ ilɛi Zudaa si ilu bii à si balam ŋau ku ba n koo n teese n maa.

Ɛsitɛɛ 5:3

Ŋɔi ilaaluu í beeɛ í ni, mii í ce Ɛsitɛɛ. Mii ì bi. Ǹ tã sɔɔlu n naɛ baa bubui bommam.

Ɛsitɛɛ 5:6

Iyi à jɛ à tã ŋɔi ilaaluu í bee Ɛsitɛɛ í ni, mii aa tɔɔm. Ǹ tã sɔɔlu n ceɛ mii iyi ì bi fei. Baa bii bubui bommam nii ì bi an yɔkɔ n naɛ.

Iri ku kɔ̃ 136:26

I saabu Ilaaɔ̃ nŋu iyi í wa leleu ŋa, domi kubiɛ í ya maa wɛɛi hee do ajɔ fei.

Mɔnda ŋa 3:6

Jɔ̀ Aɔ̃ Lafɛ̃ɛ kú maa nɛòɛ si mii iyi ì waa ce fei. Bii ì waa ce bɛɛbɛ, nŋui á teeseɛ kpãaɛ.

Maaku 10:51

Nɔ Jesu í beeɛ í ni, mii ì bi n ceɛ. Ŋɔi fɛɛjuu í jɛaa í ni, Mɛɛtu, ǹ bi n yɛ ilui.

Woo bɛ ŋa 23:19

Ŋɔi inɛ ngboi igũu í mu awɔi awaasũu í bɔòɛ kɔkɔlɛ í beeɛ í ni, ide mii ì waa bi i sɔ̃m.

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.