Neemi 2:12 - Bibeli do fee

¹² n kù sɔ̃ inɛ kãma mii iyi Aɔ̃ Lafɛ̃ɛ í daam si idɔ n cea Zeruzalɛmu. Si anyiɛ ǹ dede idũ gɔ awaò inɛ gɔ ŋa. N kù kooò mɛɛmu kãma bii kù jɛ gbankɛlɛm.

Neemi 2:12 Iomraidhean Croise

Ɛsidarasi 7:27

Ŋɔi Ɛsidarasi í ni, ka saabu Ilaaɔ̃ Lafɛ̃ɛi bala nwa ŋa si bɛi í ce icɛ si idɔi ilaaluu í jɔ̀ í mà bɛɛrɛi kpasɛ̃ɛ iyi í wa Zeruzalɛmu.

Neemi 2:11

Waati iyi ǹ to Zeruzalɛmu ǹ ce ajɔ mɛɛta bɛ,

Neemi 2:13

Idũ lajai ǹ fita hai do bi anu koofa iyi à ya kpe anu koofai lɔɔmau ǹ wa n bɔ ikpa isɔ̃ iyi à ya kpe isɔ̃i akandamau do ikpa anu koofa iyi à ya kpe anu koofai iri ankitãu, ǹ wa n cɔò bindii Zeruzalɛmu ŋau bɛi í nɛ foo ŋa do gamboɛ ŋa iyi à jou.

Iri ku kɔ̃ 122:6

I tɔɔ Ilaaɔ̃ ŋa ku ba mii fei ku maa nɛ dee dee si ilui Zeruzalɛmu. I ce kutɔɔ ŋa na inɛ ŋa iyi à bi Zeruzalɛmu a wɛɛò laakai ku sũ.

Iri ku kɔ̃ 51:18

I kù bi kuwee ŋa. Bii ì bi wo, an naaɛ wa. Baa kuwee ŋa iyi à jo si ina fei sãa sãa i kù bi.

Mɔnda ŋa 12:23

Woo saku í ya singa kumàɛi titã, amma nnyɛi í ya nyisi nnyɛi ku jɛɛi.

Woo lasabu 3:7

Waatii acɔ ku ga í wɛɛi nɔ waatii acɔ ku sɔ í wɛɛi. Waatii ku coko í wɛɛi nɔ waatii ide ku fɔ í wɛɛi.

Zeremi 31:33

Amma akabuu iyi an dĩ do inɛi kpasɛ̃i Izirɛli ŋa si anyii ajɔ nŋu ŋau bɛ wee. An jɔ̀ woodam ku wa si ŋai. Woodau, an kɔɔi si idɔ nŋa. An jɛ Aɔ̃ Lafɛ̃ɛ nŋa, nɔ aŋa mɔ aa jɛ inɛm ŋa.

Zeremi 32:40

An dĩ akabuu iyi kù nɛ ku tã do aŋa, n kaa n fũsi ŋa awɔ má. Jiidai an maa n ce nŋa. An jɔ̀ a maa jirimam nɔ a maà jĩim má.

Amɔsu 5:13

Na ŋɔi í ce si waati dimi bɛɛbɛ ilu bisi í ya maa cokoi, domi waati gɔi iyi í gaabu.

Misee 7:5

I maà dasi inɛi kɔkɔ nŋɛ naanɛ ŋa. I maà naanɛ baa kpaasi jiida nŋɛ ŋa. Baa aboɛ, maà ya fɔ ide fei si wajuɛ.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.

Matie 2:14

Na ŋɔi í jɔ̀ Zozɛfu í dede idũ í so amau do iyeɛ í nɛò ŋa Ezibiti.

Kɔrɛnti 2, 8:16

Ǹ wa n saabu Ilaaɔ̃, nŋu iyi í jɔ̀ Titee í bi ŋɛ bɛi awa taka nwa à bi ŋɛ.

Zozue 10:9

Ŋɔi Zozue í koo í boe ŋa anu akã. Idũi í dede hai Giligali hee inya wa bɔ ku má í bɛi í to si ŋa.

Kuyɛi Zãa 17:17

Aa ce bɛɛbɛi si na iyi í jɔ̀ Ilaaɔ̃ í jɔ̀ à ce idɔɔbiɛ. Bɛɛbɛi aa ce anu akã ku ba a so ilaalu ku jɛ nŋa a na mɛɛmuu. Aa maa jirima mɛɛmuui hee idei Ilaaɔ̃ koo ceò.

Woo kiiti ŋa 6:27

Ŋɔi Zedeɔ̃ í cica amanɛ mɛɛwa si inɔi woo ce icɛɛ ŋa nɔ í ce bɛi Aɔ̃ Lafɛ̃ɛ í fɔu. Amma si bɛi wa ce njoi inɛi kpasɛ̃ɛ ŋa do inɛi ilu ŋau, idũi í ce icɛu.

Woo kiiti ŋa 9:32

Na nŋu, dede idũ awɔ do inɛɛ ŋa i koo i si nŋa ŋa inɔ sako.