Neemi 2:1 - Bibeli do fee

¹ Ilaalu Aatakusɛɛsi wa jɛ ajɔ nŋu gɔ si adɔ̃ kɔnfiasiai bomma ku jɛɛ si cukpai Nisãa. Ŋɔi ǹ bu atɛ̃ vɛ̃ɛ ǹ naa. Amma waati bɛɛbɛu, inɔ kufɔ nla nlai ǹ wɛɛò. Ajɔ kãma n kù leekĩ si wajuɛ do inɔ kufɔ.

Neemi 2:1 Iomraidhean Croise

Kusintii Andunya 40:11

Ǹ yɛ ǹ wa n mu kɔɔfui Faraɔ̃ si awɔm. Nɔ ǹ ka isoi rezɛ̃ɛ ŋau ǹ fɔ̃ inyiɛ si kɔɔfuu nɔ ǹ soo ǹ na Faraɔ̃.

Kusintii Andunya 40:21

Nɔ í sindo inɛ iyi í ya bu atɛ̃ ku náau si icɛɛ.

Ɛsidarasi 4:7

Si anyii nŋu si waati iyi Aatakusɛɛsi í na í jɛ ilaalui Pɛɛsi, Biselamu do Miteredaa do Tabɛli do kpaasi nŋa ŋa iyi à gbe à ceaa tia wa. À kɔ tiaui do feei Arameɛ̃ɛ do si yaasei kukɔ nŋa.

Ɛsidarasi 7:1

Si anyii adɔ̃ nkpɔ, si waati iyi Aatakusɛɛsi wa jɛ ilaalu si ilɛi Pɛɛsi, inɛ gɔ í to wa Zeruzalɛmu à ya kpoo Ɛsidarasi. Amai Serayai wa jɛ, Seraya mɔ amai Azariai, Azaria mɔ amai Hilikiyai.

Ɛsidarasi 7:7

Inɛi Izirɛli nkpɔ do woo wee ŋau do inɛi Levii ŋau do woo kɔ̃ iri ŋau do woo degbe andɛ koofa ŋau do woo ce icɛi kpasɛ̃i Ilaaɔ̃ ŋau, aŋa mɔ à naa Zeruzalɛmu si adɔ̃ mɛɛjesiai bomma ku jɛi ilaalu Aatakusɛɛsi.

Neemi 1:1

Idei Neemi amai Hakalia wee. Si adɔ̃ kɔnfiasiai bomma ku jɛi ilaalu Aatakusɛɛsi, si cukpai Kisile, amu Neemi ǹ wa Suze ilu ku nɛ gbugbãu.

Neemi 1:11

Lafɛ̃ɛ, jɔ̀ i sotĩ i gbɔ kutɔɔm, amu woo ce icɛɛ, do ti woo ce icɛɛ ŋa iyi à bi aŋa a mà bɛɛrɛɛ. Jɔ̀ isɛɛnɛm nɔu ku dɔ̃ bi ilaaluu, nɔ ku cɔm do iju jiida. Waati bɛɛbɛ amui ǹ jɛ woo bu atɛ̃i ilaaluu.

Ɛsitɛɛ 3:7

Si adɔ̃ maateejisiai bomma ku jɛi ilaalu Asuerusi, si cukpa sinte iyi à ya kpe Nisãa, Hamaa í jɔ̀ à ta kpasa gɔ iyi à ya kpe Purimu ku ba ku mà si cukpa do si ajɔ iyi á sĩa nŋu ku kpa ŋa. Ŋɔi í koo í cuku si cukpa maateejisia iyi à ya kpe Adaa.

Daniɛli 9:25

Na nŋu, iyi ì nɛ i mà nɔ i gbɔ yaaseɛ wee. Ajɔ nŋu ì gbɔ laabaau gɔ iyi wa fɔ idei kubaai aru ŋa do idei Zeruzalɛmu ku teese ku ma. To, hai waati bɛɛbɛ hee ku naa si inɛ ngbo iyi Ilaaɔ̃ í cicau, adɔ̃ mɛɛje ikɔ mɛɛje mbɛ. Si adɔ̃ mɛɛje ikɔ kita do minjii aa teese a ma iluu do bindi ku nɛ gbugbã ŋau, amma waatiu á jɛ waati kugaabu ŋa.