Neemi 11:1 - Bibeli do fee

¹ Ŋɔi inɛ ngboi zamaa ŋau à buba Zeruzalɛmu. Nɔ à taa zamaa iyi í gbeu kpasa ku ba a so inɛ akã si inɔi inɛ mɛɛwa fei koo buba Zeruzalɛmu ilu kumáu. Nɔ inɛ mɛɛsã mɛɛsã iyi à gbe a koo a buba si ilu nŋa ŋa.

Neemi 11:1 Iomraidhean Croise

Bomma 1, 26:13

À ta kpasai si nyaanze ŋau a ba a mà anu koofa bii inɛ fei á degbe, hai awaasũ ŋa do mɔkɔ ngbo fei.

Bomma 1, 8:28

Inɛ ŋau bɛi à jɛ inɛ ngboi kpasɛ̃ nŋa ŋa do ti nyaanze nŋa ŋa. Inɛ nŋu ŋau, Zeruzalɛmui à wa.

Bomma 1, 9:1

À kɔ irii inɛi Izirɛli ŋau fei si tiai ilaalui Izirɛli ŋau kpasɛ̃ do kpasɛ̃. Nɔ à na à mu inɛi Zudaa ŋa aru à nɛò ŋa ilɛi Babilɔni si na iyi í jɔ̀ a kù leekĩ do Ilaaɔ̃ nŋu akã.

Bomma 1, 9:2

Inɛ ŋa iyi à tako à baa à buba si ilɛ nŋau do si ilu nŋa ŋaui à jɛ inɛi Izirɛli ŋau, do woo wee ŋau do inɛi Levii ŋau do woo ce icɛ si kpasɛ̃i Aɔ̃ Lafɛ̃ɛu ŋa.

Bomma 1, 9:3

Inɔ ilu Zeruzalɛmui inɛi Zudaa ŋa à naa à buba do inɛi Bɛnzamɛɛ ŋa do inɛi Efaraimu ŋa do inɛi Manasee ŋa.

Neemi 10:34

Amuaui á jɛ mii iyi aa ya raò pɛ̃ɛ iyi aa ya jilɛa Aɔ̃ Lafɛ̃ɛ ajɔ fei, do kuweei iyafũ iyi à ya ce ajɔ fei, do kuwee iyi à ya jo si ina fei sãa sãa ajɔ fei, do kuweei ajɔi kusĩmi ŋau fei, do ti cukpa titɔ̃ ŋau do ti jingau ŋau do ti kuwee mmu ŋa iyi à jɛ ti Ilaaɔ̃ do ti kuwee ŋa iyi à ya kpaò idei dulum dii inɛi Izirɛli ŋa do ti mii ŋa iyi à ya ce kpasɛ̃i Aɔ̃ Lafɛ̃ɛ nwau fei.

Neemi 11:18

Inɛi Levii ŋa iyi à wa inɔ ilu kumáu à dedei aŋa cĩɔ minji do cinɛ do mɛɛ (284).

Iri ku kɔ̃ 122:5

Bɛi kitãi bommau í wa. Bɛi Davidi do tɔkuɛ ŋa à ya jɛ bomma, nɔ bɛi à ya kiiti zamaau.

Iri ku kɔ̃ 122:6

I tɔɔ Ilaaɔ̃ ŋa ku ba mii fei ku maa nɛ dee dee si ilui Zeruzalɛmu. I ce kutɔɔ ŋa na inɛ ŋa iyi à bi Zeruzalɛmu a wɛɛò laakai ku sũ.

Mɔnda ŋa 16:33

Amanɛ ŋa à ya sɔ acĩ kpasai a ceò kubee, amma mii iyi á na ku ce fei í wa awɔi Aɔ̃ Lafɛ̃ɛ.

Ezai 48:2

Iŋɛ iyi ì ya nɛ inɔ didɔ̃ ŋa bii à waa kpe ŋɛ do irii ilu kumáu. Iŋɛ iyi gbugbã nŋɛ si Aɔ̃ Lafɛ̃ɛi Izirɛliui í wa, nŋu iyi iriɛi í jɛ Aɔ̃ Lafɛ̃ɛi lele do ilɛ, i sotĩ i gbɔ iyi ihɛ̃ ŋa.

Ezai 52:1

Zeruzalɛmu, jĩ, jĩ hai si iri njoo. Siɔ̃ɔ, jɔ̀ gbugbãɛ ku teese ku baa. Dasi ibɔ kusĩaɛ ŋa, awɔ Zeruzalɛmu ilu kumáu, domi hai ce bango do inɛ iyi í nɛ riisi kãma kaa lɔ wa bi tɛɛ má.

Matie 4:5

Nɔ Seetam í bɔòɛ Zeruzalɛmu, ilu kumáu, nɔ í gũòɛ hee si antaii ile lelei kpasɛ̃i Ilaaɔ̃u.

Woo bɛ ŋa 1:24

Ŋɔi à ce kutɔɔ à ni, Lafɛ̃ɛ, awɔ iyi ì mà idɔi inɛ fei, nyisi wa inɛ iyi ì cica. Si inɔi mɔcɔ minjiɛ ŋau ihɛ̃

Woo bɛ ŋa 1:26

Ŋɔi à ta nŋa kpasa. Nɔ kpasau í so Matiasi. Ŋɔi à dasiɛ si inɔi woo bɛ maatakã ŋau.

Zozue 18:10

Nɔ Zozue í ta nŋa kpasau Siloo bɛ si wajui Aɔ̃ Lafɛ̃ɛ, nɔ í cea inɛi Izirɛli ŋau ikpɛ̃i ilɛu, í na dimi fei iyi í jɛ tɛɛ.