Neemi 1:5 - Bibeli do fee

⁵ ǹ ni, Aɔ̃ Lafɛ̃ɛ, awɔ Ilaaɔ̃ iyi ì wa lele, ì la nɔ ì nɛ amboe. Awɔi ì waa mu akabuuɛ, nɔ ì ya ce araarei inɛ ŋa iyi à biɛ nɔ à waa jirima woodaɛ ŋa.

Neemi 1:5 Iomraidhean Croise

Ilaalu 1, 8:23

Si kutɔɔɛu í ni, Aɔ̃ Lafɛ̃ɛi inɛi Izirɛli ŋa, inɛ kãma kù wa lele walakɔ ilɛ iyi í yɛ bɛi awɔ. Ì ya kɔ̃ akabuuɛ nɔ ì ya leekĩ dee dee bi woo ce icɛɛ ŋa iyi à waa jirimaɛ do idɔ nŋa fei.

Bomma 1, 17:21

Dimi yoomai í wɛɛ má si andunya iyi í yɛ bɛi zamaaɛ inɛi Izirɛli ŋau. Iwɛ̃ yoomai í ya inɛ ŋa ku ba ku ce ŋa zamaaɛ nɔ ku nya iri na saabu nŋa. Iwɛ̃ yoomai í ce maamaake ŋa í leleò dimi mmu ŋa si waju nŋa. Awɔ akãi ì ce bɛɛbɛ ì nya waò hai ilɛi Ezibiti.

Ɛsidarasi 1:2

Aɔ̃ Lafɛ̃ɛi lele í daam bommai ilɛ ŋau fei si awɔ amu Sirusi ilaalui Pɛɛsi, nɔ í cicam n teese n maa nŋu kpasɛ̃ ilui Zeruzalɛmu si ilɛi Zudaa.

Neemi 2:4

Ŋɔi í beem í ni, mii ì bi n ce. Nɔ gbakã ǹ tɔɔ Ilaaɔ̃ iyi í wa lele titã

Neemi 4:14

Bii ì gbɔ imui kuu ŋa, i ya tɔtɔɔ wa bi tu wa do ikpa bii ì gbɔɔu ŋa. Aɔ̃ Lafɛ̃ɛ nwa á ja nwa.

Neemi 4:8

Ŋɔi ǹ dede ǹ koo ǹ cɔ inɛ ŋa iyi ǹ jilɛ ŋau, si anyiɛ nɔ ǹ sɔ̃ inɛ ngbo ŋau do woo ce kiiti ŋa do inɛ ŋa iyi à gbe fei ǹ ni, i maà ce njo ŋa. I ye gigi ŋa iyi Aɔ̃ Lafɛ̃ɛ í la nɔ í nɛ amboe. I jaa kpaasi nŋɛ ŋa do ama nŋɛ ŋa do abo nŋɛ ŋa do kpasɛ̃ nŋɛ ŋa.

Neemi 9:32

Awɔ Aɔ̃ Lafɛ̃ɛ nwa, ì la nɔ ì nɛ gbugbã do amboe. Akabuu iyi ì dĩ do awau ì waa muu, nɔ ì nɛ araare nwa. Hai waatii ilaalui Asiri ŋau wa hee ku baa nnyi à wa si wahala awa do ilaalu nwa ŋa do inɛ ngbo nwa ŋa do woo wee nwa ŋa do walii nwa ŋa do bala nwa ŋa do zamaaɛ fei. Aɔ̃ Lafɛ̃ɛ, maà cɔ wahala nwa ŋau bɛi mii keeke.

Iri ku kɔ̃ 47:2

Iŋɛ inɛi andunya ŋa fei i dakpɛa Ilaaɔ̃ ŋa, i dɔ̃a Ilaaɔ̃ anu do inɔ didɔ̃ ŋa,

Iri ku kɔ̃ 76:8

Awɔi ì jɛ inɛ iyi í to a ce njoɛ, yooi á yɔkɔ ku leekĩ si wajuɛ si waatii idɔɔkɔ̃ɛ.

Iri ku kɔ̃ 89:2

Aɔ̃ Lafɛ̃ɛ, ǹ bi n kɔ̃ irii n maa n fɔ jiida ku jɛɛ ajɔ fei. An maa n fɔ dee dee ku jɛɛi ajɔ fei.

Iri ku kɔ̃ 89:3

Ǹ ni, jiida ku jɛɛ á maa wɛɛi do ajɔ fei. Ì jilɛ dee dee ku jɛɛi ikpa lelei Aɔ̃.

Iri ku kɔ̃ 89:8

Ilaaɔ̃ í nɛ yiiko nla nla si kutɔtɔɔi amalekaɛ ŋa. Í nɛ zigiida bi inɛ ŋa iyi à waa kaakoɛ fei.

Kufita 20:6

Amma inɛ ŋa iyi à bim nɔ à waa jirima woodam ŋa an ce araare nŋa hee ku koo si tɔku dubusia nŋa ŋa.

Wooda ku kɔsi 7:12

Bii ì ce laakai ì waa gbɔ idei woodaɛ ŋau ŋa, bii ì waa jirima ŋa ì waa ceò icɛ ŋa, Aɔ̃ Lafɛ̃ɛ nŋɛ á jɔ̀ araareɛ do akabuu iyi í dĩ do bala nŋɛ ŋau a maa wɛɛi.

Wooda ku kɔsi 7:21

Debɛi i maà jɔ̀ njo ku mu ŋɛ na iri nŋa má ŋa, domi Aɔ̃ Lafɛ̃ɛ nŋɛ nŋu iyi í wa anini nŋɛ í la nɔ í to a ce njoɛ.

Wooda ku kɔsi 7:9

I jɔ̀ i mà ŋa iyi Aɔ̃ Lafɛ̃ɛ nŋu akãi í jɛ Ilaaɔ̃ nɔ í jɛ Lafɛ̃ɛ nŋɛ do ntɔ. Nŋui í jɛ dee dee, í nɛ araare, nɔ akabuuɛ í ya maa wɛɛi hee koo to si tɔku dubusia bi inɛ ŋa iyi à buu nɔ à waa jirima woodaɛ ŋa.