Neemi 1:11 - Bibeli do fee

¹¹ Lafɛ̃ɛ, jɔ̀ i sotĩ i gbɔ kutɔɔm, amu woo ce icɛɛ, do ti woo ce icɛɛ ŋa iyi à bi aŋa a mà bɛɛrɛɛ. Jɔ̀ isɛɛnɛm nɔu ku dɔ̃ bi ilaaluu, nɔ ku cɔm do iju jiida. Waati bɛɛbɛ amui ǹ jɛ woo bu atɛ̃i ilaaluu.

Neemi 1:11 Iomraidhean Croise

Kusintii Andunya 24:42

Iyi í fɔ bɛɛbɛ í tã, ŋɔi ǹ dasi kpãa wa, nɔ nnyi ǹ to wa bi lɔgɔu. Waati iyi ǹ to wa bɛ, ŋɔi ǹ ce kutɔɔ ǹ ni, Aɔ̃ Lafɛ̃ɛ, awɔ iyi lafɛ̃ɛm Aburahamu wa tɔɔ, jɔ̀ isɛɛnɛm nɔu ku dɔ̃.

Kusintii Andunya 32:11

Amu woo ce icɛɛ n kù to bɛi an yɛ didɔ̃ nlaɛ do bɔɔcĩiɛ iyi ì waa nyisim. Golo nŋu akãi ǹ wa n mu si awɔm ǹ kuaò idoi Zuudɛ̃ɛ wo, nɔ nsɛi si kubaam, inɛm do mɛɛmum ŋa à kpɔ ntɔ ntɔ hee à kpɛ̃ à ce wuaa minji.

Kusintii Andunya 32:28

Ŋɔi mɔkɔu í beeɛ í ni, irei iriɛ. Nɔ í jɛ í ni, amui Zakɔbu.

Kusintii Andunya 40:1

Si anyii nŋu ŋau bɛ fei inɛ minji gɔ ŋa iyi à jɛ inɛ ngboi woo ce icɛi ilaalui Ezibitiu à raraa. Inɛ akã woo bu atɛ̃ɛi, inɛ akã mɔ inɛ ngboi woo ce pɛ̃ɛi.

Kusintii Andunya 40:2

Ŋɔi idɔi Faraɔ̃ í kɔ̃ do amanɛ minjiɛ ŋau,

Kusintii Andunya 40:21

Nɔ í sindo inɛ iyi í ya bu atɛ̃ ku náau si icɛɛ.

Kusintii Andunya 40:23

Amma woo bu atɛ̃ɛu í gbɛjɛ idei Zozɛfuu kpata kpata.

Kusintii Andunya 41:9

Ŋɔi bɛbɛi woo bu atɛ̃i Faraɔ̃u í sɔ̃ɔ í ni, nnyi ǹ ye gigi iyi ǹ rara.

Kusintii Andunya 43:14

Aɔ̃ Lafɛ̃ɛ ilu gbugbã fei ku jɔ̀ inɛɛu ku ce araare nŋɛ, nɔ ku jɔ̀ iŋɛ do Bɛnzamɛɛ do igbãɛ i baa ŋa. Bi ti amu, bɛbɛi bii ǹ kua amam ŋa, kù jɛ taale.

Bomma 2, 6:40

Bɛbɛi, Aɔ̃ Lafɛ̃ɛm, jɔ̀ i cĩ ijuɛ ŋa nɔ i gbɔ kutɔɔ iyi ǹ wa n ce si inyau ihɛ̃ fei.

Ɛsidarasi 1:1

Si adɔ̃ sintei bomma ku jɛi Sirusi ilaalui Pɛɛsi, Aɔ̃ Lafɛ̃ɛ í dasi idɔ nŋu ku jɔ̀ ide iyi nŋu í tako í jɔ̀ walii Zeremi í fɔu ku ce. Na ŋɔi í ce í jɔ̀ Sirusi í dasi idɔ í fɔ ideɛ si bommaɛ fei nɔ í kɔ tia má í ni,

Ɛsidarasi 7:6

Ɛsidarasiu hai ilɛi Babilɔnii í naa. Í jɛ inɛ gɔ iyi í ce cio í nɛ kumài wooda iyi Aɔ̃ Lafɛ̃ɛi inɛi Izirɛli ŋa í na Moiziu sãa sãa. Mii ŋa iyi í tɔɔ fei ilaaluu í naa si bɛi awɔi Ilaaɔ̃ í wa siɛ.

Neemi 1:6

Cĩ ijuɛ ŋa nɔ i de itĩ i gbɔ kutɔɔ iyi amu woo ce icɛɛ ǹ wa n ce dasãò idũ. Ǹ wa n tɔɔɛi, kpa idei dulum du wa, awa inɛi Izirɛli woo ce icɛɛ ŋa. Ntɔ ntɔ, amu do kpasɛ̃i baam à ce dulum.

Neemi 2:1

Ilaalu Aatakusɛɛsi wa jɛ ajɔ nŋu gɔ si adɔ̃ kɔnfiasiai bomma ku jɛɛ si cukpai Nisãa. Ŋɔi ǹ bu atɛ̃ vɛ̃ɛ ǹ naa. Amma waati bɛɛbɛu, inɔ kufɔ nla nlai ǹ wɛɛò. Ajɔ kãma n kù leekĩ si wajuɛ do inɔ kufɔ.

Neemi 2:8

Si anyiɛ nɔ a nam tia akã má iyi á jɛ ti Azafu woo degbe agboɛu ku ba ku nam jĩi ŋa iyi aa ka ceò gamboi ile ku nɛ gbugbã iyi í ya wa kɔkɔi kpasɛ̃i Aɔ̃ Lafɛ̃ɛu do ti bindii iluu do ti ile bii an koo n wa. Ŋɔi ilaaluu í nam tia ŋau, domi awɔ jiidai Ilaaɔ̃ Lafɛ̃ɛm wa bii anyim.

Iri ku kɔ̃ 106:46

Í jɔ̀ inɛ ŋa iyi à waa mu ŋa aru ŋau fei à ce araare nŋa.

Iri ku kɔ̃ 130:2

Lafɛ̃ɛ, gbɔ imum. De itĩ i gbɔ bɛi ǹ dɔ̃ anu ǹ wa n tɔɔ faaba.

Iri ku kɔ̃ 61:5

Ǹ bi n maa n wai si kpasɛ̃ɛ do ajɔ fei, ku ba i biim do ikpaɛ ŋa. Kusĩmi.

Iri ku kɔ̃ 86:6

Aɔ̃ Lafɛ̃ɛ, de itĩ si kutɔɔm, nɔ i gbɔ kukpatam.

Mɔnda ŋa 1:29

An ce bɛɛbɛi si na iyi í jɔ̀ ì cé kumà ŋa, nɔ i kù dɛdɛ i mà bɛɛrɛi Aɔ̃ Lafɛ̃ɛ ŋa.

Mɔnda ŋa 21:1

Idɔi ilaalu í yɛi bɛi acãi inyi si awɔi Aɔ̃ Lafɛ̃ɛ. Nŋui í ya maa sindaɛ bɛi í bi.

Zeremi 42:12

An nyisi ŋɛ araarem, nɔ nŋu mɔ á ce araare nŋɛ nɔ ku jɔ̀ i baa si ilɛ nŋɛu ŋa.

Malasi 3:16

Ŋɔi inɛ ŋa iyi à waa jirima Aɔ̃ Lafɛ̃ɛ ŋa à fɔ si njɛ. Aɔ̃ Lafɛ̃ɛ í de si ŋa itĩ í gbɔ ide nŋa. Nɔ à jilɛ tia gɔ iyi í jɛ ti gigi ku ye si wajuɛ si bii à kɔ irii inɛ ŋa iyi à mà bɛɛrɛɛ nɔ à waa jirimaɛ.

Ebɛɛ 13:18

I ya ce nwa kutɔɔ ŋa. À mà kãm kãm iyi idɔ nwa kù waa yɛ taale nwa domi à bi ka ce isɛɛnɛ nwa dee dee si mii fei.