Misee 1:3 - Bibeli do fee

³ Aɔ̃ Lafɛ̃ɛ í fita wa hai si bi kuwaɛ, í kita wa, nɔ wa nɛ si geetei ilɛ ŋa.

Misee 1:3 Iomraidhean Croise

Zɔɔbu 40:12

Cɔ ilu faau ŋau do iju nɔ i jɔ̀ a dasi anyɔ, nɔ i tɛɛsɛ inɛ laalɔ ŋau anu akã.

Iri ku kɔ̃ 115:3

Ilaaɔ̃ Lafɛ̃ɛ nwa lelei í wa. Nɔ mii iyi í bi feii í ya ce.

Ezai 25:10

Ntɔ ntɔ, awɔi Aɔ̃ Lafɛ̃ɛ í wa si iri kutau ihɛ̃, amma Moabu, aa tɛɛsɛɛi bɛi à ya jojo si fɔfɔ si inɔ isa a jɔ̀ ku ce taasi.

Ezai 26:21

domi Aɔ̃ Lafɛ̃ɛ í fita hai bi kuwaɛ ku ba ku kpã inɛi andunya ŋau iju na kurara nŋa. Ilɛ á jɔ̀ inɛ ŋa a yɛ njɛ iyi í ya tako ku maa bii wou, nɔ kaa singa inɛ ŋa iyi à tako à kpau má.

Ezekiɛli 3:12

Ŋɔi hundei Ilaaɔ̃ í dedem hai ilɛ nɔ do anyim ǹ wa n gbɔ ibai anu ku dɔ̃ nla gɔ wa ni, saabu ku jɛ ti Aɔ̃ Lafɛ̃ɛ tengi bii í wa wa nyisiò amboeɛ.

Amɔsu 4:13

Amɔsu í ni, inɛ iyi í ce iri kuta ŋa nɔ í taka fufu, nɔ í ya jɔ̀ amanɛ ku mà lasabuɛ ŋa, nɔ í ya kpaasi amɛɛjuumá ku baa ilu kuku, nɔ í ya maa nɛ si geete ŋa, iriɛi í jɛ Aɔ̃ Lafɛ̃ɛi lele do ilɛ.

Amɔsu 9:5

Nɔ Amɔsu í ni má, waati iyi Aɔ̃ Lafɛ̃ɛi lele do ilɛ í lu ilɛ, ilɛu í ya yayai, nɔ inɛɛ ŋa fei à ya wa si inɔ kufɔi ikui. Ilɛu í ya dedei fei mam mam bɛi idoi Nili iyi í wa Ezibitiu, nɔ í ya na ku kayei bɛi inyii idou.

Abakuku 3:19

Aɔ̃ Lafɛ̃ɛ, awɔi ì jɛ gbugbãm, awɔi ì ya jɔ̀ kutɛm ku yɛ bɛi ti kulu nɔ ì ya maa nɛɛm hee lele si iri kuta ŋa. Iriu bɛi à kɔ̃a inɛ ngboi woo kɔ̃ iri ŋa do mɔɔlɔ.

Zakari 14:4

Waati bɛɛbɛ á leekĩi si geetei Olivie iyi í wa kɔkɔi Zeruzalɛmu ikpa nunui daakɔi iluu. Nɔ ku kpalɔɛ geeteu minji hai nunui daakɔ hee ku bɔ nunui alɛ. Ikpa akã ku nɛ ikpa awɔ njɛi kpãai inunu, nɔ akã mɔ ku nɛ ikpa awɔ cangai kpãai inunu, nɔ angbɔɔ nla ku ce si afei iri kuta minjiu.

Wooda ku kɔsi 32:13

Í jɔ̀ à koo à bubai si ilɛi iri kuta ŋau, nɔ wa wo ŋa do amaajɛi iko ŋa. Í jɔ̀ à ba nyikɔ̃ iyi wa cã wa hai si isai kuta ŋa à waa jɛ, nɔ í jɔ̀ jĩi ndii olivi ŋa à fita si ilɛ ku nɛ kuta ŋa.

Wooda ku kɔsi 33:29

Iŋɛ ilu inɔ didɔ̃ ŋai iŋɛ inɛi Izirɛli ŋa. Iŋɛ akãi ì jɛ zamaa iyi Aɔ̃ Lafɛ̃ɛ í faaba. Aɔ̃ Lafɛ̃ɛi í jɛ tɛli iyi wa degbe ŋɛ. Nŋui í jɛ taakuba iyi í jɔ̀ ì waa jɛ igũ ŋa. Mbɛɛ nŋɛ ŋa aa ya naa a tɔɔ i ce araarei aŋai, nɔ iŋɛi aa kɛkɛ faau nŋa ŋa.