Matie 9:2 - Bibeli do fee

² Ŋɔi inɛ gɔ ŋa à naa wɛɛgɛ gɔ wa, wa sũ si makɛɛ. Iyi Jesu í yɛ naanɛ ku dasi nŋau, nɔ í sɔ̃ wɛɛgɛu í ni, baakɔɔm, maà ce njo, ǹ kpa idei dulum dɛɛ.

Matie 9:2 Iomraidhean Croise

Woo lasabu 9:7

Na nŋu, jɔ̀ i jɛ sɔndaɛ nɔ i mɔ vɛ̃ɛɛ do inɔ didɔ̃, domi Ilaaɔ̃ í saabu si icɛɛ tã.

Ezai 44:22

Ǹ nya kuraraɛ ŋai bɛi kudũi ijĩ í ya nya, nɔ do yaase bɛɛbɛ mɔi ǹ nyaò dulum dɛɛ ŋa mɔ. Na nŋu, sinda i nyi wa bi titom, domi amui ǹ yaɛ.

Matie 14:27

Bɛ gbakã Jesu í ba ŋa ide ku fɔ í sɔ̃ ŋa í ni, i sũ laakai nŋɛ. Amui Jesu, i maà ce njo ŋa.

Matie 4:24

Nɔ baauɛ í fangaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛgɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.

Matie 6:12

Kpa idei dulum du wa bɛi awa mɔ à ya ka kpa idei kurara iyi inɛ ŋa à ce nwa.

Matie 8:10

Iyi Jesu í gbɔ ideu í biti nɔ í sɔ̃ inɛ ŋa iyi à waa tooɛu í ni, ntɔ ntɔ, baa si inɔi inɛi Izirɛli ŋa fei n kù yɛ inɛ iyi í yɔkɔ í dasim naanɛ nla bɛi inɛɛu ihɛ̃.

Matie 8:16

Iyi alɛ í lɛ, à naa Jesu inɛ ŋa iyi à nɛ inɛi inɔɔko ŋa wa nkpɔ nkpɔ. Nɔ í lele inɛi inɔɔko ŋau do ide ku fɔ, nɔ inɛ ŋa iyi à waa ce bɔ̃ɔ fei í jɔ̀ à ba iri.

Matie 9:22

Ŋɔi Jesu í sinda í cɔɔ nɔ í ni, abooyi, maà ce njo, naanɛɛi í faabaɛ. Bɛ gbakã abou í ba iri.

Matie 9:5

Si ide minji ŋau ihɛ̃, yoomai kufɔɛ í faala í re, inɛ ku sɔ̃ inɛ gɔ ku ni nŋu í kpa idei dulum dɛɛ, walakɔ ku ni ku dede ku nɛ.

Matie 9:6

Amma ǹ bi i mà ŋa iyi amu Amai Amanɛ ǹ nɛ gbugbã n kpa idei dulum dii inɛ ŋa si andunya. Iyi í fɔ bɛɛbɛ í tã ŋɔi í sɔ̃ wɛɛgɛu í ni, dede i so makɛɛɛ i bɔ kpasɛ̃.

Maaku 1:32

Alɛ ajɔ nŋu iyi inunu í lɔ ŋɔi inɛ ŋa à naaa Jesu bɔ̃ɔ ŋa wa do inɛ ŋa iyi à nɛ inɛi inɔɔko ŋa fei.

Maaku 10:49

Ŋɔi Jesu í leekĩ í ni a kpoo wa. Nɔ à kpe fɛɛjuu à sɔ̃ɔ à ni, maà jɔ̀ inɔɛ ku fɔ, dede wa. Jesu wa kpeɛ.

Maaku 5:34

Nɔ Jesu í sɔ̃ɔ í ni, abooyi, naanɛɛi í faabaɛ. Koo nɛ do laakai ku sũ, ì ba iri si bɔ̃ɔɛu mbɛ.

Maaku 6:50

Aŋa fei à yɔɔ ŋɔi njo wa mu ŋa. Ŋɔi gbakã Jesu í ba ŋa ide ku fɔ í sɔ̃ ŋa í ni, i sũ laakai nŋɛ ŋa. Amui Jesu, i maà ce njo ŋa.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Laabaau jiida iyi Zãa í kɔ 2:25

Kù bee hee a sisia nŋu daai amanɛ domi nŋu takaɛ í mà mii iyi í wa si idɔi amanɛ fei sãa sãa.

Laabaau jiida iyi Zãa í kɔ 21:5

Ŋɔi Jesu í bee ŋa í ni, iŋɛ awaasũ ŋau bɛ, i kù mu nkãma ŋa de. Ŋɔi à ni, aawo.

Woo bɛ ŋa 14:9

Si bɛi Pɔlu wa ba inɛ ŋa ide ku fɔ mɔkɔu wa gbɔ. Ŋɔi Pɔlu í kã siɛ iju nɔ í yɛ iyi naanɛɛ á yɔkɔ ku jɔ̀ ku ba iri.

Woo bɛ ŋa 19:12

Na ŋɔi í jɔ̀ jaaɛ iyi í lu araɛ fei, bii à so à lea bɔ̃ɔ ŋa si ara à ya ba irii. Inɛ ŋa mɔ iyi à nɛ inɛi inɔɔko ŋa, bii à lu ŋaò, inɛi inɔɔko ŋau à ya fitai.

Woo bɛ ŋa 23:11

Idũ ajɔ nŋu Lafɛ̃ɛ í naa í sɔ̃ Pɔlu í ni, maà mɔngɔ munya. Si bɛi ì jɛɛm sɛɛda Zeruzalɛmu ihɛ̃, bɛɛbɛ mɔi aa jɛɛm sɛɛda Romu má.

Romu 5:11

Iyi í re mɔm, Lafɛ̃ɛ nwa Jesu Kirisi, nŋu iyi í jɔ̀ à dɔ̃ do Ilaaɔ̃, í nyi í jɔ̀ à nɛ inɔ didɔ̃ má si Ilaaɔ̃.

Zaaki 2:18

Inɛ gɔ á yɔkɔ ku ni, inɛ ihɛ̃ í dasi naanɛ, inɛ ihɔ̃ mɔ wa ce kookoosuɛ. Amma amu an jɛaa n ni, nyisim naanɛ ku dasiɛ iyi kù jɛ do kookoosu, nɔ amu mɔ n nyisi naanɛ ku dasim do kookoosuɛ.