Matie 9:1 - Bibeli do fee

¹ Iyi inɛ ŋau à tɔɔɛ ku fita hai ilɛi ide nŋa ŋɔi Jesu í lɔ akɔi inyi í kua icei tenkuu má. Í nɛ ilui nŋu takaɛ.

Matie 9:1 Iomraidhean Croise

Matie 4:13

Amma iyi í to Nazarɛti, kù buba bɛ, Kapɛranumui í koo í buba, ilu iyi í wa kɔkɔi tenku iyi à ya kpe Galilee, si ilɛi Zabulɔ̃ɔ do Nɛfitali.

Matie 7:6

I maà nyɔ lɛgɛ jiida nŋɛ ŋa si wajui kuusɔɔ ŋa ku ba a maà tɛɛsɛɛ. Nɔ i maà ti i na aja ŋa mii kumá ŋa ku ba a maà na a sinda a ŋɔ ŋɛ.

Matie 8:18

Ajɔ nŋu gɔ, zamaa nla gɔ í kaako Jesu. Iyi Jesu í yɛ ŋa ŋɔi í sɔ̃ mɔcɔɛ ŋau í ni aŋa a bɔ icei tenkuu do ikpa ihɔ̃.

Matie 8:23

Si anyii nŋu, Jesu í lɔ akɔi inyi nɔ mɔcɔɛ ŋa mɔ à lɔ à tooɛ.

Maaku 5:21

Jesu í baa hai ice ikpa ihɔ̃ do akɔi inyiu. Í wa itĩi tenkuu bɛ nɔ zamaa nla gɔ í naa í tɔtɔɔ bi tɛɛ.

Luku 8:37

Ŋɔi inɛi ilɛi Zerazee ŋa fei à tɔɔ Jesu suuru à ni ku nɛ hai bɛ, domi njo í mu ŋa ntɔ ntɔ. Nɔ Jesu í lɔ akɔi inyiu wa bi ku nɛ.

Luku 8:40

Iyi Jesu í baa hai ilɛi Zerazee nɔ zamaa í wasi ku coo fɔɔ, domi aŋa fei à waa degbeɛi.

Kuyɛi Zãa 22:11

Inɛ iyi wa ce laalɔ ku hanya ku maa ce laalɔɛ, inɛ mɔ iyi wa ce daa sãmi ku hanya ku maa ce daa sãmiɛ. Inɛ mɔ iyi wa ce jiida ku hanya ku maa ce jiidaɛ, inɛ mɔ iyi í jɛ inɛ kumá ku jɔ̀ ku má ku maa koo.