Matie 8:3 - Bibeli do fee

³ Ŋɔi Jesu í yɔ awɔɛ í luu nɔ í ni, ǹ bi. Ba iri nɔ i jɛ inɛ kumaaju. Bɛ gbakã í ba iri hai si bɔ̃ɔɛu.

Matie 8:3 Iomraidhean Croise

Kusintii Andunya 1:3

Ŋɔi Ilaaɔ̃ í ni, inya kumá ku ce, nɔ inya kumá í ce.

Ilaalu 2, 5:11

Ŋɔi idɔi Naama í kɔ̃. Nɔ í sinda wa nɛ wa ni, ǹ wa n tamaa bɛi á fita wa nŋu takaɛ ku naa ku cɔm, nɔ ku tɔɔ Aɔ̃ Lafɛ̃ɛɛi, nɔ ku to awɔ wo si tengi bii bɔ̃ɔu í wa nɔ n ba iri.

Ilaalu 2, 5:14

Ŋɔi Naama í bɔ idoi Zuudɛ̃ɛu nɔ í wɛ isɛ gbɛɛje bɛi waliii Ilaaɔ̃ í sɔ̃ɔu. Ŋɔi batai araɛ í baa í yɛ bɛi ti ama keeke nɔ í maaju.

Iri ku kɔ̃ 33:9

Iyi í fɔ fei í ya cei, bii í ni ngɔgɔ ku ce í ya cei.

Kufita 4:7

Nɔ Aɔ̃ Lafɛ̃ɛ í ni, sindo awɔɛ si gɛndɛɛ má nɔ í sindo awɔɛu si gɛndɛɛ. Iyi í na í nyaa nɔ í baa dee dee bɛi í wɛɛ wo.

Matie 12:13

Nɔ Jesu í sɔ̃ mɔkɔu í ni, tɛ awɔɛ. Iyi í tɔɔ nɔ í baa dee dee bɛi awɔ akãu má.

Maaku 1:41

Ŋɔi Jesu í ce araareɛ. Í yɔ awɔɛ í luu nɔ í ni, ǹ bi. Ba iri nɔ i jɛ inɛ kumaaju.

Maaku 4:39

Iyi Jesu í jĩ, ŋɔi í la si fufuu, nɔ í sɔ̃ tenkuu í ni, í to bɛɛbɛ, i coko. Nɔ fufuu í leekĩ nɔ inyau í coko cau.

Maaku 5:41

Ŋɔi Jesu í mu awɔi amau í fɔ do feeɛ í ni, talita kumi, waatɔ ama inaabo, dede. Amui, ǹ sɔ̃ɛ.

Maaku 7:34

Nɔ í wu iju lele í jilɛ idɔ í fɔ do fee nŋa í ni, efata, waatɔ, cĩ.

Maaku 9:25

Iyi Jesu í yɛ akpɔi inɛ ŋau wa kɔ̃ɔsi à sɛi à waa naa bi ti nŋu ŋɔi í lasi inɛi inɔɔkou í ni, awɔ iyi ì ya dasi inɛ dekĩ ku mɔngɔ ide ku fɔ, amui ǹ ni, fita si amau nɔ i maà nyi wa siɛ má.

Luku 4:27

Nɔ dintɛ nkpɔ mɔi í wɛɛ wo si ilɛi Izirɛli si waatii Elizee waliiu. Do nŋu fei, kù jɔ̀ gɔgɔ nŋa gɔ ku ba iri, bii kù jɛ Naama inɛi ilɛi Siriu.

Luku 5:13

Ŋɔi Jesu í yɔ awɔɛ í luu nɔ í ni, ǹ bi. Ba iri nɔ i jɛ inɛ kumaaju. Bɛ gbakã bɔ̃ɔi dintɛu í nya.

Luku 7:14

Ŋɔi í sɛkɛɛ si ŋa í lu mii ku so ikuu nɔ inɛ ŋa iyi à waa soou à leekĩ. Nɔ Jesu í ni, awɔ awaasũ, ǹ wa n sɔ̃ɛi, dede.

Laabaau jiida iyi Zãa í kɔ 11:43

Iyi í fɔ bɛɛbɛ í tã ŋɔi í la hee lele í ni, Lazaa, fita wa hai bɛ.

Laabaau jiida iyi Zãa í kɔ 15:24

Inɛ kãma kù ce mii iyi ǹ ce si anini nŋa. Bii n kù ce mii ŋau bɛ wo, dulum du ŋa kaa wa si iri nŋa. Amma wee nsɛi à yɛ fei ndɛɛ nɔ do nŋu fei à cé amu do Baam.

Laabaau jiida iyi Zãa í kɔ 5:21

Ntɔ ntɔ, si bɛi Ilaaɔ̃ Baaba í ya jĩ iku ŋa nɔ ku ce ŋa ilu hunde, bɛɛbɛ mɔi amu Amaɛu an mua inɛ ŋa iyi ǹ cica kuwɛɛ.