Matie 7:2 - Bibeli do fee

² Ntɔ ntɔ, ǹ wa n sɔ̃ ŋɛi, do yaase bɛi ì ya maa kiiti inɛ ŋa, bɛɛbɛ mɔi Ilaaɔ̃ mɔ á na ku kiiti ŋɛ. Nɔ si gũa bii ì wãaò inɛ ŋa, si bɛ mɔi aa wãa iŋɛ mɔ.

Matie 7:2 Iomraidhean Croise

Samuɛli 2, 21:5

Ŋɔi à jɛa ilaaluu à ni, Saulu wa bi ku kpa dimi nwai wo si dimii Izirɛli ŋa.

Iri ku kɔ̃ 109:17

Í bi ikpe ntɔ ntɔ. Ikpeu ku naa siɛ. Kù bi kuwee. Kuweeu ku jĩòɛ.

Kufita 21:24

Bii inɛ í lɛgɛ ijui inɛ gɔ, aa lɛgɛ ti nŋu mɔi. Bii í cɛ inyíi inɛ gɔ, aa cɛ ti nŋu mɔi. Bii í cɛ awɔi inɛ gɔ, aa cɛ ti nŋu mɔi. Bii isɛi inɛ gɔ mɔi í cɛ, aa cɛ ti nŋu mɔi.

Ezai 33:1

Inɔ kufɔi á jɛ ti awɔ iyi ì waa ce asɔɔ, nɔ a kù ce asɔɔi awɔ mɔ, do awɔ iyi ì waa zamba kpaasi ŋa, nɔ a kù zamba awɔ mɔ. Waati iyi aa ce asɔɔu i tã, waati bɛɛbɛi aa ce asɔɔi awɔ mɔ. Nɔ waati iyi aa ce zambaɛ ŋau i tã, waati bɛɛbɛi aa zamba awɔ mɔ.

Zeremi 34:17

Na ŋɔi í jɔ̀ Aɔ̃ Lafɛ̃ɛ í sɔ̃ ŋa í ni, i kù jirimam ŋa si gãmɛi kpaasi nŋɛ ŋa do inɛi kɔkɔ nŋɛ ŋa iyi ì ni aa jɔ̀ ŋa a nɛ ara nŋa ŋau ŋa. Na nŋu, amu Aɔ̃ Lafɛ̃ɛ ǹ wa n sɔ̃ ŋɛi iyi an naa nŋɛ ara ku nɛ wa do wahala dimi ikã ikã baa yooma fei. Hai igũ do patapoo do ari. Nɔ an jɔ̀ kuwɛɛ nŋɛ ku jɛaa bomma ŋa iyi à wa si andunya fei zigiidai.

Zeremi 51:24

Amma Aɔ̃ Lafɛ̃ɛ í ni, an jɔ̀ inɛi Babilɔni ŋa do inɛi Kaladee ŋau a sã mii ŋa iyi à cea inɛi Siɔ̃ɔ ŋau fei si waju nŋɛ bɛ.

Abudiasi 1:15

Ajɔi amu Aɔ̃ Lafɛ̃ɛ í maai wa, si bii an kiiti dimi fei. Bɛi ì cea inɛ ŋa, bɛɛbɛi an cea awɔ mɔ. Laalɔ iyi ì ce, si iriɛi á cuku si.

Matie 6:14

Nɔ í nyi í ni má, bii ì ya kpa idei kurara iyi inɛ ŋa à ce nŋɛ, Ilaaɔ̃ Baa nŋɛ mɔ á kpa idei dulum du ŋɛ.

Maaku 4:24

Ŋɔi í sɔ̃ ŋa má í ni, i ce laakai ŋa do ide iyi ì gbɔ ŋa. Si gũa iyi ì wãaò inɛ ŋa, si bɛi aa wãa iŋɛ mɔ nɔ a kɔ̃ɔsi má ku re bɛɛbɛ.

Luku 6:38

I ya mua njɛ ŋa nɔ Ilaaɔ̃ mɔ á mu nŋɛ. Si gũa nla nlai á ce nŋɛ amua. Á yagaɛ ku kitigbaɛ ku kɔ̃ hee andɛɛ, nɔ ku cuu nŋɛ si bɔgɔ. Ntɔ ntɔ gũa iyi ì wãaò inɛ ŋa, nŋui Ilaaɔ̃ mɔ á wã nŋɛ do.

Kɔrɛnti 2, 9:6

I kù mà ŋa, inɛ iyi í gbɛ̃ keeke, keekei í ya da? Inɛ mɔ iyi í nɔ í gbɛ̃ í la, nla nlai í ya da.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Kuyɛi Zãa 18:6

Bɛi í cea inɛ ŋa, i sãa bɛɛbɛ isɛ gbeeji. Wahala iyi í dasi inɛ ŋa, i sãa ikɔ minji.

Woo kiiti ŋa 1:7

Ŋɔi Adoni-Bezɛki í ni, ilaalu kitaò fɛɛwai à bu amaawɔ ngbo nŋa do amaasɛ ngbo nŋa ŋa nɔ à ya maa ko buubuui ijɛ iyi wa cuku hai si taabum. Ilaaɔ̃i í sãam mii iyi ǹ ce. Ŋɔi à bɔòɛ Zeruzalɛmu nɔ í ku bɛ.

Woo kiiti ŋa 5:27

Ŋɔi Sisera í cuku si wajui Yaɛli wa kakaa ilɛ bɛ. Tengi bii í cuku wa sũu, bɛ mɔi í ku.

Samuɛli 1, 15:33

Amma Samuɛli í sɔ̃ɔ í ni, do taakubaɛi ì kpaò inɛ ŋa ì jɔ̀ iyei amu ŋa à kua ama nŋa ŋa. Bɛɛbɛ mɔi iyeɛ á kua amaɛ. Nɔ Samuɛli í cafeɛ si wajui Aɔ̃ Lafɛ̃ɛ Giligali bɛ.