Matie 5:3 - Bibeli do fee

³ ilu inɔ didɔ̃ ŋai inɛ ŋa iyi à waa tɔɔ Ilaaɔ̃ do ara kukaye, domi aŋai à jɛ inɛi bommai Ilaaɔ̃ ŋa.

Matie 5:3 Iomraidhean Croise

Bomma 2, 33:12

Waati iyi í wa si inɔ kufɔ, ŋɔi í tɔɔ Aɔ̃ Lafɛ̃ɛɛ, nɔ í kaye araɛ mam mam si wajui Aɔ̃ Lafɛ̃ɛi balaɛ ŋau.

Bomma 2, 33:19

Hai kutɔɔɛ do yaase bɛi Ilaaɔ̃ í jɛaa do dulum ŋa iyi í ce do dee dee hai jɛɛ do si inya ŋa bii í ce bi kuweea iwɛ̃ si geete ŋau do bii í gũa iwɛ̃ Asera jĩi ŋa do kuta ŋa hee ku maa kaye araɛu à kɔ ŋa si tiai Hozai.

Bomma 2, 33:23

Ŋɔi í kɔ̀ ku kaye araɛ si wajui Aɔ̃ Lafɛ̃ɛ bɛi baaɛ Manasee í ceu, amma í kɔ̃ɔsi kuraraɛ wa kooi.

Bomma 2, 34:27

ideu í to siɛ. Ì kaye araɛ si wajum waati iyi ì gbɔ ide iyi ǹ ni á na ku ba iluu bɛ do inɛɛ ŋa fei. Si bɛi ì kaye araɛ si wajum, nɔ ì ga ibɔɛ ŋa na inɔ kufɔ nɔ ì kpata si wajum. Na nŋu, amu mɔ ǹ gbɔ kutɔɔɛu,

Bomma 2, 7:14

nɔ zamaam iyi à waa kpe do irim nɔu í kaye araɛ wa ce kutɔɔ, nɔ wa dɛdɛɛm, nɔ í sinda wa hai si kpãa laalɔɛ ŋau, an jɛaa wa hai lele. An ceaa suurui dulum dɛɛu, nɔ n jɔ̀ ilɛɛu ku ba iri.

Zɔɔbu 42:6

Na ŋɔi í ce iyi ǹ fɔ wo n kù fɔ má. Nɔ ǹ kaye aram ǹ koo ǹ wa n buba si sãa do si ilúlu.

Iri ku kɔ̃ 1:1

Ilu inɔ didɔ̃i inɛ iyi kù waa too si idei ilu inɔ kukã ŋa, inɛ iyi kù waa too si kpãai ilu dulum ŋa, inɛ iyi kù waa buba do woo yaako inɛ ŋa.

Iri ku kɔ̃ 112:1

I saabu Aɔ̃ Lafɛ̃ɛ ŋa. Ilu inɔ didɔ̃i inɛ iyi í mà bɛɛrɛi Aɔ̃ Lafɛ̃ɛ, nɔ í bi woodaɛ ŋa.

Iri ku kɔ̃ 128:1

Iri ku kɔ̃i kutɔɔ ku bɔ ku ce. Ilu inɔ didɔ̃ ŋai inɛ ŋa iyi à mà bɛɛrɛi Aɔ̃ Lafɛ̃ɛ fei nɔ à waa too kpãaɛ ŋa.

Iri ku kɔ̃ 146:5

Ilu inɔ didɔ̃i inɛ iyi Aɔ̃ Lafɛ̃ɛi Zakɔbu í jɛ woo faabaɛ, nɔ kpãa ku cɔɛ í wa si Aɔ̃ Lafɛ̃ɛɛ.

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Iri ku kɔ̃ 34:18

Aɔ̃ Lafɛ̃ɛ í ya gbɔ anu ku dɔ̃i inɛ dee dee ŋa. Nɔ ku nya ŋa hai si wahala baa yooma fei.

Iri ku kɔ̃ 41:1

Iriu ihɛ̃ ti inɛ ngboi woo kɔ̃ iri ŋai do Davidi.

Iri ku kɔ̃ 51:17

Aɔ̃ Lafɛ̃ɛ, cĩ gɛlɛm ku ba n maa n saabuɛ.

Iri ku kɔ̃ 84:12

domi Aɔ̃ Lafɛ̃ɛ í yɛi bɛi inunu do tɛli. Aɔ̃ Lafɛ̃ɛi í ya mua inɛ didɔ̃ do bɛɛrɛ. Ci ya kɔ̀a inɛ ŋa iyi à waa ce isɛɛnɛ si dee dee ku jɛ didɔ̃ɛ.

Mɔnda ŋa 16:19

Á sĩa i nɛ idɔi ara ku kaye nɔ i maa wa inɔi ilu are ŋa do iyi aa koo i maa ba ilu faau ŋa amani ku kpɛ̃.

Mɔnda ŋa 29:23

Faaui amanɛi í ya too do anyɔ, amma inɛ iyi í ya kaye araɛ á ba saabu.

Mɔnda ŋa 8:32

Amu laakai ǹ ni, na nŋu iŋɛ amam ŋa, i sotĩ i gbɔ idem ŋa. Ilu inɔ didɔ̃ ŋai inɛ ŋa iyi à waa too kpãam.

Ezai 30:18

Na ŋɔi í jɔ̀ Aɔ̃ Lafɛ̃ɛ wa degbe ku ba ku ce nŋɛ didɔ̃. Aɔ̃ Lafɛ̃ɛ á dedei ku ce araare nŋɛ, domi í jɛ dee dee. Ilu inɔ didɔ̃ ŋai inɛ ŋa iyi kpãa ku cɔ nŋa fei í wa siɛ.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Matie 11:25

Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa.

Matie 11:6

Ilu inɔ didɔ̃i inɛ iyi kaa nyiò anyi si naanɛ ku dasiɛ na irim.

Matie 13:16

Amma Jesu í sɔ̃ mɔcɔɛ ŋau í ni, iŋɛ ilu inɔ didɔ̃ ŋai, si na iyi í jɔ̀ iju nŋɛ wa yɛ ilu, nɔ itĩ nŋɛ wa gbɔ ide má.

Matie 19:14

Ŋɔi Jesu í sɔ̃ ŋa í ni, i jɔ̀ amu ŋau a naa bi tom, i maà ganji ŋa, domi bommai Ilaaɔ̃ í jɛ ti inɛ ŋa iyi à jɔ ŋa.

Matie 24:46

Inɔ didɔ̃i á jɛ ti amaacɛu bii lafɛ̃ɛɛ í bàa í na í báa wa ce bɛɛbɛ.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.

Matie 3:2

Í ni, i kpaasi idɔ nŋɛ ŋa domi waati í maai iyi Ilaaɔ̃ á na ku jɛ bommaɛ.

Matie 8:11

An sɔ̃ ŋɛ, hai jɛ Zuifu nkpɔ á na ku naa hai do bii fei a buba si bommai Ilaaɔ̃. Aŋai aa jɛ do Aburahamu do Izaaki do Zakɔbu bala nŋɛ ŋa ajɔ.

Maaku 10:14

Iyi Jesu í yɛ mii iyi à waa ceu, ŋɔi idɔɛ í kɔ̃, í sɔ̃ ŋa í ni, i jɔ̀ amu ŋau a naa bi tom, i maà ganji ŋa, domi bommai Ilaaɔ̃ í jɛ ti inɛ ŋa iyi à jɔ ŋa.

Luku 11:28

Ŋɔi Jesu í jɛaa í ni, í tia i ni ilu inɔ didɔ̃ ŋai inɛ ŋa iyi à waa gbɔ idei Ilaaɔ̃, nɔ à waa ceò icɛ.

Luku 18:14

Jesu í ni, ǹ wa n sɔ̃ ŋɛi, hai bɛ inɛɛu ihɛ̃ í baa í jɛ dee dee si wajui Ilaaɔ̃ í nyiò ideɛ. Amma Farisiu kù jɛ dee dee, domi inɛ iyi í so araɛ lele aa kaye lafɛ̃ɛi, inɛ mɔ iyi í kaye araɛ aa soo lelei.

Luku 22:29

Na nŋu, si bɛi Baaba í jilɛɛm bommau, bɛɛbɛ mɔi amu mɔ ǹ wa n jilɛ nŋɛ

Luku 22:30

ku ba i jɛ nɔ i mɔ do amu si bommam ŋa, nɔ i buba si batai amanlu ŋa i kiitiò dimi maateejii Izirɛli ŋau.

Luku 4:18

Hundei Aɔ̃ Lafɛ̃ɛ í wa sim. Í cicam n sisiaò ilu are ŋa laabaau jiidau. Í bɛm n koo n sɔ̃ inɛi piisɔ̃ɔ ŋa n ni aa jɔ̀ ŋa a nɛ nɔ n sɔ̃ fɛɛju ŋa n ni aa yɛ ilu má, nɔ n jɔ̀ inɛ ŋa iyi inɛ ŋa à waa taa gbugbã a nɛ ara nŋa.

Laabaau jiida iyi Zãa í kɔ 20:29

Ŋɔi Jesu í sɔ̃ɔ í ni, debɛi ì dasi naanɛ si na iyi í jɔ̀ ì yɛm, mà irei. Ilu inɔ didɔ̃ ŋai inɛ ŋa iyi a kù yɛm nɔ do nŋu fei à dasi naanɛ.

Wooda ku kɔsi 8:2

I ye gigii isɛɛnɛ sisɔ iyi Aɔ̃ Lafɛ̃ɛ nŋɛ í jɔ̀ ì ce ŋa adɔ̃ ciiji si gbaau ku ba ku cɔ laakai nŋɛ nɔ ku mà mii iyi í wa si idɔ nŋɛ, nɔ ku mà bii í jɛ aa yɔkɔ i jirima woodaɛ ŋa walakɔ bii í jɛ i kaa yɔkɔ ŋa.

Zaaki 1:10

Ilu fia mɔ ku tɔɔ fufu na irii kukayeɛ domi á na ku lɔ bɛi kokoi jĩi.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Kuyɛi Zãa 19:9

Ŋɔi amalekau í sɔ̃m í ni, kɔ iyi ihɛ̃. Ilu inɔ didɔ̃ ŋai inɛ ŋa iyi à kpe ku jɛ bi ku ce abɔdɔ̃i ama angudãu. Nɔ í sɔ̃m má í ni, ideu ide ku fɔi Ilaaɔ̃ takaɛi.

Kuyɛi Zãa 22:14

Ilu inɔ didɔ̃ ŋai inɛ ŋa iyi kuwɛɛ nŋa í má bɛi jĩnɛ iyi à fɔ sãa sãa, ku ba a ba kpãa a jɛ isoi jĩi ndii kuwɛɛu nɔ a lɔ inɔ iluu hai do andɛɛ.

Kuyɛi Zãa 3:17

Ì ya fɔ i ni ŋa ì jɛ ilu fia ŋa, ì ba amani ŋa, nɔ i kù waa ce arei ngɔgɔ ŋa. Amma ǹ wa n sɔ̃ ŋɛ iyi idɔ nŋɛ wa ce bɔ̃ɔ, ì jɛ ilu araare ŋa do ilu are do fɛɛju do basĩ ŋa.