Matie 4:9 - Bibeli do fee

⁹ Nɔ í ni, bii ì gulɛ ì tɔɔm, mii ŋau ihɛ̃ fei an muuɛ.

Matie 4:9 Iomraidhean Croise

Iri ku kɔ̃ 72:11

Ilaalu ŋau fei aa sɛɛbatai si wajuɛ, nɔ dimi ŋau fei aa sũa iri ilɛi,

Mɔnda ŋa 8:15

Do saabum nii ilaalu ŋa à jɛ bomma, nɔ amanlu ŋa à waa jilɛa inɛ ŋa wooda ŋa iyi à jɛ dee dee.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Matie 26:15

í bee ŋa í ni, mii aa muum ŋa bii ǹ da nŋɛ Jesu si awɔ. Nɔ à ka fia isɔ fũfũ ara kuntaa à naa.

Matie 4:10

Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Laabaau jiida iyi Zãa í kɔ 12:31

Nsɛi ajɔ í to wa mbɛ si bii Ilaaɔ̃ á kiiti inɛi andunya ŋa. Bɛbɛii aa lele Seetam ilaalui andunyau.

Laabaau jiida iyi Zãa í kɔ 13:3

Jesu takaɛ í mà iyi Ilaaɔ̃ Baaba í daa nŋu mii fei si awɔ, í nɔ í mà iyi nŋu í naai hai bi Ilaaɔ̃ nɔ nŋu wa nyi bɛ má.

Laabaau jiida iyi Zãa í kɔ 14:30

N kaa n ba n sɔ̃ ŋɛ ide nkpɔ má si na iyi í jɔ̀ Seetam ilaalui andunyau wa naa, amma kù nɛ gbugbã kãma sim.

Laabaau jiida iyi Zãa í kɔ 16:11

Nɔ á jɔ̀ a mà iyi Ilaaɔ̃ á kiiti inɛ ŋa domi í kiiti Seetam amanlui andunya tã mɔm.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Timɔtee 1, 3:6

Nɔ kù sĩa ku jɛ inɛ iyi í dasi Jesu naanɛ titɔ̃ titɔ̃, domi á yɔkɔ ku na ku nɛ faau nɔ Ilaaɔ̃ á yɛ taaleɛ bɛi í yɛ taalei Seetam.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.