Matie 4:5 - Bibeli do fee

⁵ Nɔ Seetam í bɔòɛ Zeruzalɛmu, ilu kumáu, nɔ í gũòɛ hee si antaii ile lelei kpasɛ̃i Ilaaɔ̃u.

Matie 4:5 Iomraidhean Croise

Bomma 2, 3:4

Kusɔi anu koofai wajuu í nɛ agbãawɔ kɔnfia nɔ í mungaò gonta kandaai ileu. Nɔ kugbokaɛ í nɛ agbãawɔ cifa (120). Nɔ Salomɔɔ í jɔ̀ à bii idĩi inɔu do wura alala.

Neemi 11:1

Ŋɔi inɛ ngboi zamaa ŋau à buba Zeruzalɛmu. Nɔ à taa zamaa iyi í gbeu kpasa ku ba a so inɛ akã si inɔi inɛ mɛɛwa fei koo buba Zeruzalɛmu ilu kumáu. Nɔ inɛ mɛɛsã mɛɛsã iyi à gbe a koo a buba si ilu nŋa ŋa.

Neemi 11:18

Inɛi Levii ŋa iyi à wa inɔ ilu kumáu à dedei aŋa cĩɔ minji do cinɛ do mɛɛ (284).

Ezai 48:2

Iŋɛ iyi ì ya nɛ inɔ didɔ̃ ŋa bii à waa kpe ŋɛ do irii ilu kumáu. Iŋɛ iyi gbugbã nŋɛ si Aɔ̃ Lafɛ̃ɛi Izirɛliui í wa, nŋu iyi iriɛi í jɛ Aɔ̃ Lafɛ̃ɛi lele do ilɛ, i sotĩ i gbɔ iyi ihɛ̃ ŋa.

Ezai 52:1

Zeruzalɛmu, jĩ, jĩ hai si iri njoo. Siɔ̃ɔ, jɔ̀ gbugbãɛ ku teese ku baa. Dasi ibɔ kusĩaɛ ŋa, awɔ Zeruzalɛmu ilu kumáu, domi hai ce bango do inɛ iyi í nɛ riisi kãma kaa lɔ wa bi tɛɛ má.

Daniɛli 9:16

Lafɛ̃ɛ, teese i nyisi wa jiida ku jɛɛ ŋau má. Jɔ̀ idɔɔkɔ̃ nla nlaɛ si gãmɛi Zeruzalɛmu iluɛ iyi í jɛ iri kuta kumáɛu ku sũ. Na dulum du wa ŋa do ti bala nwa ŋau, ilɛ ŋa iyi à kaako wa ŋau à waa bu Zeruzalɛmu do inɛɛ ŋa.

Daniɛli 9:24

Adɔ̃ kitaò fɛɛwa ikɔ mɛɛjei à daa zamaaɛ do ilu kumáɛu ku ba a kpa irii wooda ku kua do dulum ŋau. Aa kpa kurara mɔi nɔ a naaò dee dee ku jɛ wa hee do ajɔ fei ku ba kuyɛ do idei walii ŋau a kɔ̃, nɔ a nya ile iyi í re do kumáu ikã.

Luku 4:9

Nɔ Seetam í gbãa í bɔòɛ Zeruzalɛmu nɔ í gũòɛ hee si antaii ile lelei kpasɛ̃i Ilaaɔ̃ nɔ í sɔ̃ɔ í ni, bii awɔ amai Ilaaɔ̃i, fo i dingaa ilɛ,

Laabaau jiida iyi Zãa í kɔ 19:11

Ŋɔi Jesu í jɛaa í ni, i kaa nɛ gbugbã kãma sim, bii kù jɛ Ilaaɔ̃i í naɛ wa. Nŋui í jɔ̀ inɛ iyi í dasim si awɔɛ, dulum dɛɛ í re baa tɛɛ.

Kuyɛi Zãa 11:2

Amma maà wã bantumaɛ, domi à mua dimi mmu ŋa, aŋa iyi aa tɛɛsɛ ilu kumáu si afei cukpa ciiji do minji.