Matie 4:4 - Bibeli do fee

⁴ Ŋɔi Jesu í jɛaa í ni, kukɔi idei Ilaaɔ̃ í ni, amanɛ ci ya wɛɛ na ijɛ nŋu akã, amma á maa wɛɛi na ide iyi Ilaaɔ̃ wa fɔ fei.

Matie 4:4 Iomraidhean Croise

Kufita 16:15

Iyi inɛi Izirɛli ŋau à yɔɔ a kù màa nɔ à waa bee njɛ à waa ni, mii ihɛ̃. Ŋɔi Moizi í sɔ̃ ŋa í ni, pɛ̃ɛ iyi Aɔ̃ Lafɛ̃ɛ í na ŋɛ wau mbɛ, nŋui í jɛ ijɛ nŋɛ.

Kufita 16:35

Inɛi Izirɛli ŋau à jɛ manau zakai adɔ̃ ciiji hee à koo à to si ilɛ bii inɛ ŋa à wa. À waa jɔ́ɔi hee à koo à to bi ku koi ilɛi Kanaã.

Kufita 23:15

Jingau sinte iyi aa ya ce ŋa nŋui í jɛ jingaui Pɛ̃ɛ hai nɛ levɛ̃ɛ. Si ajɔ mɛɛje ŋa iyi ǹ dau si cukpa sinte iyi à ya kpe Abibu pɛ̃ɛ hai nɛ levɛ̃ɛi aa ya jɛ ŋa si bɛi ǹ sɔ̃ ŋɛ wo. Si cukpau bɛi ì fita hai si ilɛi Ezibiti ŋa. Nɔ i maà ya naa bi tom awɔ ngbɛ ŋa.

Matie 15:11

Kù jɛ mii iyi wa lɔ hai do gɛlɛi amanɛi í ya dasiɛ riisi. Amma mii iyi í ya fita hai si gɛlɛi amanɛi á dasiɛ riisi.

Matie 4:10

Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Matie 4:7

Nɔ Jesu í jɛaa í ni, amma kukɔi idei Ilaaɔ̃ í ni má, maà ti i sii Aɔ̃ Lafɛ̃ɛɛ.

Maaku 7:20

Nɔ í ni má, mii iyi wa fita hai si idɔi amanɛi í ya dasiɛ riisi,

Luku 4:12

Ŋɔi Jesu í jɛaa í ni, kukɔi idei Ilaaɔ̃ í ni, maà ti i sii Aɔ̃ Lafɛ̃ɛɛ.

Luku 4:4

Nɔ Jesu í jɛaa í ni, kukɔi idei Ilaaɔ̃ í ni, amanɛ ci ya wɛɛ na ijɛ nŋu akã.

Luku 4:8

Nɔ Jesu í jɛaa í ni, kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Laabaau jiida iyi Zãa í kɔ 15:26

Amma an bɛ nŋɛ Hundei Ilaaɔ̃ wa, nŋui á jɔ̀ inɛ ŋa a mà ntɔu. Nŋui í jɛ Woo mua gbugbãu, nɔ hai bi Ilaaɔ̃ Baabai á naa. Bii í to wa nŋui á jɛ nŋɛ sɛɛdam.

Laabaau jiida iyi Zãa í kɔ 6:63

Hundei í ya mua inɛ kuwɛɛ, gbugbãi amanɛ kù jɛ nkãma. Nɔ ide iyi ǹ sɔ̃ ŋɛu wee hundei, nɔ nŋui í jɛ kuwɛɛ.

Romu 15:4

Mii iyi à kɔ tako fei wo, à kɔɔi ku ba ku kɔ wa nɔ ka nɛ kpãa ku cɔ hai si kukɔi idei Ilaaɔ̃, iyi wa mu nwa gbugbã do temua.

Efɛɛzu 6:17

I gba faabau bɛi fulai isɔ, nɔ idei Ilaaɔ̃ mɔ i gbaa ŋa bɛi taakubai Hundei Ilaaɔ̃.

Wooda ku kɔsi 8:3

Aɔ̃ Lafɛ̃ɛ í jɔ̀ ì ba wahala ŋa ntɔ ntɔ. Í jɔ̀ ari í kpa ŋɛ. Amma si anyiɛ, í wo ŋɛ do dimii sɔnda gɔ iyi à ya kpe mana iyi i kù tako i kù mà ŋa wo, nɔ bala nŋɛ ŋa mɔ a kù màa, ku ba ku nyisi ŋɛ iyi amanɛ ci ya wɛɛ na ijɛ nŋu akã. Amma amanɛ í ya wɛɛi na ide iyi Aɔ̃ Lafɛ̃ɛ wa fɔ fei.