Matie 4:3 - Bibeli do fee

³ Ŋɔi Seetam woo lɛlɛu, í naa siɛ í ni, bii awɔ Amai Ilaaɔ̃i do ntɔ, jɔ̀ kuta ŋau ihɛ̃ a kpɔò pɛ̃ɛ.

Matie 4:3 Iomraidhean Croise

Kufita 16:3

À ni, bii í jɛ Aɔ̃ Lafɛ̃ɛ í kpa wa ilɛi Ezibiti bɛ mɔ wo, iyi bɛ á daama, domi bɛ njɛ à ya ka ba iŋa ka ŋɔ, nɔ à ya ka jɛ ka yo. Amma wee iŋɛ ì gbã wa wa ŋai si gbaau ihɛ̃ i na i jɔ̀ awa fei ka ku do ari.

Matie 14:33

Nɔ inɛ ŋa iyi à wa si inɔi akɔu à gulɛ si wajui Jesu à ni, ntɔ ntɔ, awɔ Amai Ilaaɔ̃i.

Matie 16:16

Nɔ Simɔɔ Piɛɛ í jɛaa í ni, awɔ Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.

Matie 26:63

Amma Jesu wa cokoɛ. Ŋɔi woo wee nlau í sɔ̃ɔ í ni, do irii Ilaaɔ̃ nŋu iyi í wɛɛ, fɔ bii awɔ ì jɛ Amai Ilaaɔ̃ inɛ iyi Ilaaɔ̃ í cicaui.

Matie 3:17

Nɔ à gbɔ ide ku fɔ gɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.

Maaku 1:1

Kusintii laabaau jiidai Jesu Kirisi Amai Ilaaɔ̃ wee.

Maaku 3:11

Nɔ bii inɛ ŋa iyi à nɛ inɛi inɔɔko ŋa à yɔɔ à ya na a gulɛ si wajuɛi a dɔ̃ anu a maa ni, awɔi ì jɛ Amai Ilaaɔ̃.

Maaku 5:7

Ŋɔi í dɔ̃ anu hee lele í ni, mii í wa gãmɛi awaɛ, Jesu, awɔ Amai Ilaaɔ̃. Ilaaɔ̃ í re fei, nɔ ǹ wa n tɔɔɛ do iriɛ, maà wahalam.

Luku 1:35

Ŋɔi amalekau í jɛaa í ni, Hundei Ilaaɔ̃i á naa siɛ, nɔ gbugbãɛ ku biiɛ bɛi jĩjĩ. Nŋui í jɔ̀ ama iyi aa na i bíu á jɛ inɛ kumá nɔ a kpoo Amai Ilaaɔ̃.

Luku 22:70

Ŋɔi aŋa fei à ni, debɛi, awɔ Amai Ilaaɔ̃i? Ŋɔi í jɛ nŋa í ni, iŋɛi ì fɔɔ ŋa.

Luku 4:3

Nɔ Seetam í sɔ̃ɔ í ni, bii awɔ Amai Ilaaɔ̃i do ntɔ, jɔ̀ kutau ihɛ̃ ku kpɔò pɛ̃ɛ.

Luku 4:41

Inɛi inɔɔko ŋa mɔ à fita hai si inɛ nkpɔ, à dɔ̃ò anu à waa ni, awɔi ì jɛ Amai Ilaaɔ̃. Amma Jesu í la si ŋa nɔ wa ganji ŋa ide ku fɔ domi à mà iyi nŋuu inɛ iyi Ilaaɔ̃ í cicai.

Luku 4:9

Nɔ Seetam í gbãa í bɔòɛ Zeruzalɛmu nɔ í gũòɛ hee si antaii ile lelei kpasɛ̃i Ilaaɔ̃ nɔ í sɔ̃ɔ í ni, bii awɔ amai Ilaaɔ̃i, fo i dingaa ilɛ,

Laabaau jiida iyi Zãa í kɔ 1:34

Ǹ yɔɔ, nɔ ǹ wa n jɛa inɛ ŋa sɛɛda iyi nŋui í jɛ Amai Ilaaɔ̃.

Laabaau jiida iyi Zãa í kɔ 1:49

Ŋɔi Nataniɛli í ni, Mɛɛtu, awɔ Amai Ilaaɔ̃i, awɔ ilaalui Izirɛlii.

Laabaau jiida iyi Zãa í kɔ 20:31

Amma ide iyi ihɛ̃ ŋai à kɔ ku ba i dasi naanɛ ŋa iyi Jesui í jɛ Kirisi Amai Ilaaɔ̃ ku ba naanɛ iyi ì dasiɛ ŋau ku jɔ̀ i ba kuwɛɛ hai tã ŋa.

Laabaau jiida iyi Zãa í kɔ 9:35

Iyi Jesu í gbɔ à lele inɛɛu ŋɔi í koo í yɔɔ í beeɛ í ni, ì dasi Amai Amanɛ naanɛ?

Woo bɛ ŋa 9:20

Gbakã í bɔ ile bii Zuifu ŋa à ya ce kutɔtɔɔ ŋa wa waazo wa fɔ iyi Jesu Amai Ilaaɔ̃i.

Kɔrɛnti 2, 1:19

Ntɔ ntɔ, Jesu Kirisi amai Ilaaɔ̃, nŋu iyi amu do Silasi do Timɔtee à waazo nŋɛu, kù naa do idɔ minji. Amma í naai do ide ntɔi Ilaaɔ̃,

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Tɛsalonika 1, 3:5

Ŋɔi í jɔ̀ waati iyi idɔm í kɔ̀ ku sũ, ǹ bɛ Timɔtee bi tu ŋɛ bɛ ku ba n mà bɛi naanɛ ku dasi nŋɛ wa yɛ. Ǹ wa n ce njo Seetam woo lɛlɛ inɛu ku maa na ku lɛlɛ ŋɛ i ce dulum ŋa, nɔ icɛ nwa ku na ku jɛ ngbɛ.

Ebɛɛ 12:16

I ce laakai ŋa ku ba inɛ gɔ ku maà ce sakara, nɔ inɛ gɔ ku maà na ku kɔ̀ ku mà bɛɛrɛi mii jiida ŋa. Bɛɛbɛi Esau í ce waati iyi í so yemma ku jɛɛ í taa na ijɛ jɛɛ akã.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Ebɛɛ 7:3

Inɛ gɔ kù mà baaɛ walakɔ iyeɛ walakɔ balaɛ gɔ. A kù ce faajii kubíɛ hee má jɛ faajii ikuɛ. Si bɛɛbɛ í jɔ Amai Ilaaɔ̃, nɔ í jɛ woo wee do ajɔ fei.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.