Matie 4:10 - Bibeli do fee

¹⁰ Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Matie 4:10 Iomraidhean Croise

Bomma 1, 21:1

Seetam í dedeò laalɔ ku cea inɛi Izirɛli ŋa, nɔ í tale si Davidi ku ka inɛi Izirɛli ŋau.

Zɔɔbu 1:12

Ŋɔi Aɔ̃ Lafɛ̃ɛ í sɔ̃ Seetam í ni, andi mii iyi Zɔɔbu í nɛ fei wee í wa awɔɛ. Koo i ceaa bɛi ì bi, amma maà na i lesi nŋu takaɛ awɔ. Ŋɔi Seetam í tɛkɛɛ hai bi Aɔ̃ Lafɛ̃ɛ.

Zɔɔbu 1:6

Ŋɔi ajɔ nŋu gɔ amalekai Ilaaɔ̃ ŋa à naa bi Aɔ̃ Lafɛ̃ɛ, nɔ Seetam mɔ í wa inɔ nŋa wa.

Zɔɔbu 2:1

Ŋɔi amalekai Ilaaɔ̃ ŋa à naa bi Aɔ̃ Lafɛ̃ɛ má ajɔ nŋu gɔ, nɔ Seetam mɔ í wa inɔ nŋa wa.

Iri ku kɔ̃ 109:6

À ya fɔ si gãmɛm nii a maa ni, ka jɔ̀ inɛ gɔ ku yɛ taaleɛ nɔ lafɛ̃ɛ ku maa leekĩ do awɔ njɛɛ.

Kufita 23:25

Amu akãi aa tɔɔ ŋa, amui ǹ jɛ Aɔ̃ Lafɛ̃ɛ nŋɛ. Bii ì waa ce bɛɛbɛ ŋa an wee ŋɛ n jɔ̀ i ba ijɛ do inyi ŋa nɔ an jɔ̀ bɔ̃ɔ ku jĩò nŋɛ.

Ezai 30:22

Isɔ fũfũ iyi ì so ì biiò iwɛ̃ nŋɛ ŋa, do wura ŋa iyi ì bii ŋa do ŋa, aa jilɛ ŋai si mii hai maaju ŋa. Nɔ hee do buubuu nŋa ŋau fei, aa jilɛ ŋai si mii riisi ŋa. Aa nya ŋai i fitaò hai si anini nŋɛ.

Matie 16:23

Amma Jesu í sinda í sɔ̃ Piɛɛ í ni, sɛkɛɛ hai bi tom Seetam. Ì waa bi i jɛɛm bi ku koosɛ, domi i kù waa ce lasabui Ilaaɔ̃, í gbe ti amanɛ ŋa.

Maaku 1:13

Bɛi í ce ajɔ ciiji nɔ Seetam wa lɛlɛɛ ku ce laalɔ. Í wa bɛ do mɛɛmui sako ŋa nɔ amaleka ŋa à sobiɛ.

Luku 10:18

Nɔ Jesu í sɔ̃ ŋa í ni, ǹ yɛ Seetam wa cuku wa hai lele bɛi kuŋɔi ijĩ.

Luku 11:18

Bɛɛbɛ mɔi bii Seetam wa ja do araɛ, bɛirei bommaɛ á ce ku bɔ waju. Ǹ ni bɛɛbɛi si na iyi í jɔ̀ ì waa ni ŋa do gbugbãi Bɛɛlizebui ǹ wa n leleò inɛi inɔɔko ŋa.

Luku 13:16

Abou ihɛ̃ mɔ dimii Aburahamui. Nɔ wee Seetam wa dũu hai zakai adɔ̃ maatũ do mɛɛta. Kù sĩa a fũu si ajɔi kusĩmi?

Luku 22:3

Ŋɔi Seetam í lɔ idɔi Zudasi iyi à ya kpe Isikariɔti. Zudasiu inɛ akãi mɔcɔ maateeji ŋaui.

Luku 22:31

Ŋɔi Jesu í ni, Simɔɔ, Simɔɔ, Seetam í tɔɔ kpãa ku ba ku fɛɛ bɛi iya.

Luku 4:8

Nɔ Jesu í jɛaa í ni, kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Laabaau jiida iyi Zãa í kɔ 13:27

Hai waati iyi Zudasi í gba pɛ̃ɛu gbakã Seetam í lɔ siɛi. Ŋɔi Jesu í sɔ̃ɔ í ni, mii iyi aa ce, coo do njuma.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Woo bɛ ŋa 5:3

Iyi í na ŋa fiau ŋɔi Piɛɛ í beeɛ í ni, Ananiasi, bɛirei í ce ì jɔ̀ Seetam í lɔ si idɔɛ hee ì waa sɔa Hundei Ilaaɔ̃ ibo nɔ ì jɔ̀ bubui fiai ikou ndɛɛ.

Kɔrɛnti 1, 5:5

i so inɛɛu i daa Seetam si awɔ, ku kpãa iju ku ba hundeɛ ku ba faaba si ajɔi Lafɛ̃ɛ Jesu.

Kɔrɛnti 1, 7:5

I maà ya kɔ̀ ku sũò njɛ ŋa bii kù jɛ iŋɛ minji feii ì gbɔsi njɛ ì yɔɔ ŋa iyi á sĩa i jɔ̀ɔ titã ŋa si waati keeke ku ba i na ara nŋɛ i ce kutɔɔ ŋa. Nɔ si anyiɛ i tɔtɔɔ má ŋa. Bii kù jɛ bɛɛbɛ á yɔkɔ ku jɛ i kaa na i yɔkɔ i mu ara nŋɛ nɔ Seetam á na ku lɛlɛ ŋɛ.

Kɔrɛnti 2, 11:14

Nkãma kù wa bɛ iyi á biti inɛ, domi Seetam takaɛ á yɔkɔ ku kpaasi araɛ bɛi amalekai Ilaaɔ̃.

Kɔrɛnti 2, 12:7

Amma ku ba n maà n ce faau na kukɔsi nlau, bɔ̃ɔ gɔ í na í sɔkɛ sim bɛi agũ. Í naai bɛi woo bɛi Seetam ku na ku cãm nɔ ku ganjim faau ku ce.

Kɔrɛnti 2, 2:11

ku ba Seetam ku maà zamba wa. Ntɔi, à mà sãa sãa iyi wa bi ku ce.

Wooda ku kɔsi 10:20

I jirima Aɔ̃ Lafɛ̃ɛ nŋɛ nɔ i ya ceaa icɛ ŋa. Nŋui aa bi ŋa nɔ i ya ce kugbasi do iriɛ ŋa.

Zaaki 4:7

Na nŋu, i sũa Ilaaɔ̃ iri ilɛ. I kɔ̀si Seetam á sa nŋɛ ku jĩ.

Zozue 24:14

Ŋɔi Zozue í ni má, na nŋu nsɛi, iŋɛi ì nɛ i jirima Aɔ̃ Lafɛ̃ɛ bɛbɛi, nɔ i ceaa icɛ do idɔ nŋɛ fei ŋa, do dee dee ku jɛ. I jɔ̀ iwɛ̃ ŋa iyi bala nŋɛ ŋau à tako à waa tɔɔ waati iyi à wa icei idoi Efaratau do si waati iyi à na à wa ilɛi Ezibitiu, nɔ i na ara nŋɛ si icɛi Aɔ̃ Lafɛ̃ɛ ku ce ŋa.

Piɛɛ 1, 5:9

I kɔò ara nŋɛ si wajuɛ do naanɛ ku dasi nla nla domi ì mà ŋa kpaasi woo dasi Jesu naanɛ nŋɛ ŋa iyi à fangaa si andunya fei, ijuukpã dimi akãu bɛi à waa yɛ.

Samuɛli 1, 7:3

Ŋɔi Samuɛli í sɔ̃ ŋa í ni, bii í jɛ do idɔ nŋɛ feii ì waa nyi wa bi Aɔ̃ Lafɛ̃ɛ ŋa, i jɔ̀ iwɛ̃ Asitaate ku tɔɔ ŋa do iwɛ̃ ŋa iyi à gbe fei. I sinda idɔ nŋɛ wa si Aɔ̃ Lafɛ̃ɛ nɔ i tɔɔ nŋu akã ŋa, nɔ ku nya ŋɛ hai si awɔi inɛi Filisi ŋa.