Matie 4:1 - Bibeli do fee

¹ Si anyii nŋu, ŋɔi Hundei Ilaaɔ̃ í bɔò Jesu si gbaa ku ba Seetam ku lɛlɛɛ.

Matie 4:1 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Ilaalu 1, 18:12

Bii ǹ sɛkɛɛ ǹ jɔ̀ɛ má nsɛi, hundei Aɔ̃ Lafɛ̃ɛ á na ku soɛ ku bɔòɛ bii n kù mà. Waati iyi ǹ koo n sɔ̃ Akabu nɔ kù na ku yɛɛ á kpam. Nɔ wee amu woo ce icɛɛ ǹ wa n jirima Aɔ̃ Lafɛ̃ɛi jiida jiida hai awaasũm.

Ilaalu 2, 2:16

Nɔ à sɔ̃ɔ à ni, wee si inɔi woo ce icɛɛ ŋau ihɛ̃, inɛmɔkɔ kaasãanɛ ciitaa gɔ ŋa à wa ihɛ̃. Ì bi a koo a dɛdɛɛ mɛɛtuɛ wa? Á yɔkɔ ku jɛ hundei Aɔ̃ Lafɛ̃ɛ í soo nɔ í koo í nyɔɔ si antaii iri kuta gɔ walakɔ si lɔɔma gɔ. Ŋɔi í jɛ nŋa í ni, i maà bɛ inɛ kãma ŋa.

Ezekiɛli 11:1

Ŋɔi hundei Ilaaɔ̃ í dedem hai ilɛ í bɔɔm anu koofai kpasɛ̃i Aɔ̃ Lafɛ̃ɛ iyi wa cɔ ikpa nunui daakɔu. Ŋɔi ǹ ba wee kɔkɔi anu koofai kpasɛ̃u, amanɛ kɔnfia do miiu gɔ ŋa à wa bɛ. Si inɔ nŋa ǹ yɛ Yaazania amai Azuu do Pelatia amai Benaya. Aŋai à jɛ inɛ ngbo ŋau.

Ezekiɛli 11:24

Ŋɔi si kuyɛu hundeu í som í bɔɔm ikpa ilui Kaladee tengi bii inɛi Zudaa aru ŋau à wa. Nɔ waati bɛɛbɛ kuyɛu í leekĩ.

Ezekiɛli 3:12

Ŋɔi hundei Ilaaɔ̃ í dedem hai ilɛ nɔ do anyim ǹ wa n gbɔ ibai anu ku dɔ̃ nla gɔ wa ni, saabu ku jɛ ti Aɔ̃ Lafɛ̃ɛ tengi bii í wa wa nyisiò amboeɛ.

Ezekiɛli 3:14

Hunde iyi í dedem nɔu í nɛɛm. Ŋɔi gbugbãi Aɔ̃ Lafɛ̃ɛ í naa sim ntɔ ntɔ nɔ ǹ dasi kpãa ǹ wa n nɛ do idɔɔkɔ̃ do inɔ kufɔ.

Ezekiɛli 40:2

Si kuyɛ iyi Ilaaɔ̃ í jɔ̀ ǹ ce, ǹ yɛ Ilaaɔ̃ í bɔòm ilɛi Izirɛli í koo í jilɛm hee si iri kuta kugboka gɔ. Nɔ do ikpa awɔ cangai kpãai inunu ǹ yɛ ile ŋa bɛ iyi à jɔ ilu gɔ.

Ezekiɛli 43:5

Ŋɔi hundeu í som í bɔòm si bantumai inɔ kpasɛ̃u. Nɔ ǹ ba wee amboei Aɔ̃ Lafɛ̃ɛu í kɔ̃ inɔ ileu.

Ezekiɛli 8:3

Ŋɔi í yɔ ngɔgɔ wa bɛi awɔ í mu ntoi irim. Ŋɔi si kuyɛ iyi Ilaaɔ̃ í jɔ̀ ǹ ceu, hundeɛ í bɔɔm hee Zeruzalɛmu si anu koofai inɔ kpasɛ̃ɛu do ikpa awɔ njɛi kpãai inunu tengi bii à jilɛ iwɛ̃ gɔ iyi í dede idɔɔkɔ̃ɛu.

Laabaau jiida iyi Zãa í kɔ 14:30

N kaa n ba n sɔ̃ ŋɛ ide nkpɔ má si na iyi í jɔ̀ Seetam ilaalui andunyau wa naa, amma kù nɛ gbugbã kãma sim.

Woo bɛ ŋa 8:39

Iyi à fita hai si inɔ inyiu, ŋɔi Hundei Aɔ̃ Lafɛ̃ɛ í nɛò Filipu. Nɔ akaweu kù yɔɔ má, amma í dasi kpãa wa nɛ do inɔ didɔ̃.

Romu 8:14

domi inɛ ŋa iyi Hundei Ilaaɔ̃ wa gbã fei, aŋai à jɛ amai Ilaaɔ̃ ŋa.

Ebɛɛ 2:18

Do yaase bɛɛbɛ á yɔkɔ ku sobi inɛ ŋa iyi à wa si kulɛlɛ, domi nŋu takaɛ í yɛ ijuukpã si kulɛlɛ.

Zaaki 1:14

Amma waati iyi binɛi inɛ í faa í muu, nŋu bɛi í jɛ kulɛlɛ.