Matie 3:9 - Bibeli do fee

⁹ I maà tamaa mà aa ba faaba ŋa si na iyi í jɔ̀ ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.

Matie 3:9 Iomraidhean Croise

Ezekiɛli 33:24

awɔ amanɛ, inɛ ŋa iyi à gbe si ilu ŋa iyi à lɛgɛ si ilɛi Izirɛliu à waa ni, Aburahamu nŋu akãi, do nŋu fei í gba ilɛu fei í buba si. Awai à kpɔ à re, nɔ awa feii à na ilɛu í jɛ tu wa.

Maaku 7:21

domi hai si idɔi amanɛi lasabu laalɔ do icu ku ko, do ile ku ce, do inɛ ku kpa,

Luku 12:17

Ŋɔi mɔkɔu í lasabu í ni, bɛirei an ce. Wee n kù nɛ bii an dasi ijɛu.

Luku 16:24

Ŋɔi í dɔ̃ anu í ni, baaba Aburahamu, ce araarem. Bɛ Lazaa wa ku sɔsi amaawɔɛ si inyi ku na ku tũ amɛm, domi ǹ wa n yɛ ijuukpã nla nla si amɛi inau ihɛ̃.

Luku 19:40

Ŋɔi Jesu í ni, ǹ wa n sɔ̃ ŋɛi, baa bii inɛ ihɛ̃ ŋa à coko, kuta ŋa aa dɔ̃ anu.

Luku 3:8

Na nŋu, i ce kookoosu jiida i nyisiò iyi ì kpaasi idɔ ŋa, nɔ i maà tamaa mà aa ba faaba ŋa si na iyi í jɔ̀ ì ya maa ni iŋɛ ì jɛ dimii Aburahamu ŋa. Ǹ wa n sɔ̃ ŋɛi, Ilaaɔ̃ á yɔkɔ ku so kuta ŋau ihɛ̃ ku ce ŋa dimii Aburahamu ŋa.

Luku 5:22

Amma Jesu í mà lasabui idɔ nŋa, ŋɔi í bee ŋa í ni, na mii í jɔ̀ ì waa ce dimii lasabu bɛɛbɛ si idɔ nŋɛ ŋa.

Luku 7:39

Farisi iyi í kpe Jesu ku jɛu, iyi í yɔɔ, ŋɔi í fɔ si idɔɛ í ni, bii mɔkɔu ihɛ̃ waliii, á mà dimii inaabo iyi wa luu ihɛ̃ domi woo ta icui.

Laabaau jiida iyi Zãa í kɔ 8:33

Ŋɔi à jɛaa à ni, awa tɔkui Aburahamu ŋai a kù nɔ a kù jɛ arui inɛ gɔ ajɔ kãma. Bɛirei í ce ì waa sɔ̃ wa ì ni aa ka nɛ ara nwa.

Laabaau jiida iyi Zãa í kɔ 8:37

Ǹ mà iyi iŋɛ tɔkui Aburahamu ŋai. Amma ì waa dɛ ku kpam ŋa si na iyi í jɔ̀ i ci ya jɔ̀ idem ku buba si idɔ nŋɛ.

Laabaau jiida iyi Zãa í kɔ 8:53

Bala nwa Aburahamu í ku. Mà ì tamaa awɔ ì la ì rooi? Nɔ walii ŋau mɔ à ku. To, yooi awɔ ì waa tamaa ì jɛ.

Woo bɛ ŋa 13:26

To, iŋɛ kpaasi ŋa, iŋɛ iyi ì jɛ dimii Aburahamu ŋa, do dimi mmu ŋa iyi ì waa jirima Ilaaɔ̃, iŋɛi à sambaa idei faabau ihɛ̃ wa.

Woo bɛ ŋa 15:14

Simɔɔ í sisi nŋɛ bɛi Ilaaɔ̃ í ce hai sinte í cicaò inɛ gɔ ŋa hai si inɔi dimi mmu ŋau a kpe ŋa inɛɛ ŋa.

Romu 4:1

Bɛirei aa ka fɔ nsɛi do idei Aburahamu bala nwa. Mii í ba.