Matie 3:8 - Bibeli do fee

⁸ Na nŋu, i ce kookoosu jiida i nyisiò iyi ì kpaasi idɔ ŋa.

Matie 3:8 Iomraidhean Croise

Zeremi 26:13

Bɛbɛi, i teese isɛɛnɛ nŋɛ ŋa nɔ i kpaasi kuce nŋɛ ŋa. I sotĩ i gbɔ idei Aɔ̃ Lafɛ̃ɛ nŋɛ ŋa ku ba ku fũsi laalɔ iyi í dasi idɔ nŋu ku ce nŋɛu awɔ.

Zeremi 36:3

Á yɔkɔ ku jɛ inɛi Zudaa ŋa aa gbɔ iyi ǹ wa n bi n jɔ̀ wahala ku naa si aŋai, nɔ á yɔkɔ ku jɛ aa fũsi laalɔ ku ce nŋa awɔ, nɔ n ce nŋa suurui kurara nŋa do dulum du ŋa.

Matie 21:32

Ǹ wa n fɔ bɛɛbɛi si na iyi í jɔ̀ Zãa í naa ku nyisi ŋɛ kpãa jiida, nɔ i kù dasiɛ naanɛ ŋa. Woo gba fiai lɛmpoo do woo ta icu ŋai à dasiɛ naanɛ. Amma iŋɛ, do iyi ì yɛ idɔ ku kpaasi nŋa ŋa fei i kù kpaasi idɔ nŋɛ hee i dasiɛ naanɛ ŋa.

Luku 3:8

Na nŋu, i ce kookoosu jiida i nyisiò iyi ì kpaasi idɔ ŋa, nɔ i maà tamaa mà aa ba faaba ŋa si na iyi í jɔ̀ ì ya maa ni iŋɛ ì jɛ dimii Aburahamu ŋa. Ǹ wa n sɔ̃ ŋɛi, Ilaaɔ̃ á yɔkɔ ku so kuta ŋau ihɛ̃ ku ce ŋa dimii Aburahamu ŋa.

Woo bɛ ŋa 26:20

Sinte titã ǹ ce waazo Damasi, si anyiɛ nɔ ǹ ce Zeruzalɛmu do si ilɛi Zudee fei do bi dimi mmu ŋa. Ǹ sɔ̃ ŋa ǹ ni a kpaasi idɔ a sinda si Ilaaɔ̃, nɔ a ce icɛ iyi á jɔ̀ a yɛ si ŋa iyi à kpaasi idɔ.

Efɛɛzu 5:8

Iŋɛ taka nŋɛ, si ilu kukui ì wa ŋa wo, amma nsɛi, ì wa si inya kumá ŋa na anu akã nŋɛ do Lafɛ̃ɛ. Na nŋu, i jɔ̀ isɛɛnɛ nŋɛ ku jɔ ti inɛ ŋa iyi à waa nɛ si inya kumá,

Efɛɛzu 5:9

domi bii à waa nɛ si inya kumá kuce iyi aa ka ce nŋui í jɛ daa didɔ̃ baa yooma fei do dee dee ku jɛ do ntɔ ku fɔ.

Filipi 1:11

nɔ icɛ jiida nŋɛ ŋa iyi ì waa ce ŋa na saabui Jesu Kirisiu ku kɔ̃, nɔ ku jɔ̀ inɛ ŋa a yɛ amboei Ilaaɔ̃ nɔ a maa saabuɛ.