Matie 3:7 - Bibeli do fee

⁷ Farisi ŋa do Sadusi ŋa mɔ à waa naa bi tɛɛ aŋa nkpɔ nkpɔ ku ba ku dasi ŋa inyi. Iyi Zãa í yɛ ŋa ŋɔi í sɔ̃ ŋa í ni, iŋɛ inɛ buu ŋa bɛi njo wukuku, yooi í sɔ̃ ŋɛ í ni i saa idɔɔkɔ̃i Ilaaɔ̃ iyi í maai wa.

Matie 3:7 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Mɔnda ŋa 28:4

Woo fũsi wooda ŋa awɔ à ya maa saabu inɛ laalɔ ŋai. Amma woo jirima wooda ŋa à ya maa ba ŋa ku jai.

Ezai 59:5

Nɔ lasabui mii ŋa mɔ iyi ì waa lele ku ce ŋa fei, laalɔi í ya naaò wa bɛi njɛ ŋa iyi njo í ye. Inɛ baa yooma iyi í jɔɔ fei, á kui tengi bɛ gbakã. Hai njɛu wa lɛgɛ gbakã, njo wukukui í ya maa fita wa. Ikũ ŋa iyi ì waa wɔ̃ ŋa fei, à yɛi bɛi ikũi dadaa. Inɛ kaa yɔkɔ ku soo ku ceò ibɔ, hee má jɛ ku ceò acɔ ku bii, amma inɔ kufɔi í ya naaò wa. Icɛ iyi awɔ nŋɛ ŋa à waa ce fei, icɛi inɔ kukãi í ya jɛ.

Zeremi 51:6

I sa i fita hai ilɛi Babilɔni ŋa, nɔ inɛ fei ku saò hundeɛ. I maà jɔ̀ i maa coko ŋa na kuraraɛu, domi waatii gbese ku sãi Aɔ̃ Lafɛ̃ɛ mbɛ. Aɔ̃ Lafɛ̃ɛ á sãa mii iyi í nɛ ku baai.

Zeremi 6:10

Yooi an ba ide ku fɔ, mà yooi an so sɛɛda ku ba a gbɔɔm. Wee a kù lu nŋa itĩ. Nɔ a ci ya ce laakai si ide iyi à waa sɔ̃ ŋa. Idei Aɔ̃ Lafɛ̃ɛ wee í baa í jɛ nŋa idei anyɔ. A ci ya nɛ inɔ didɔ̃ si baa keeke.

Matie 12:24

Amma iyi Farisi ŋau à gbɔ ideu, à ni, mɔkɔu ihɛ̃ wa lele inɛi inɔɔko ŋai do gbugbãi Bɛɛlizebu ilaalu nŋa.

Matie 12:34

Iŋɛ inɛ buu ŋai bɛi njo wukuku. Iŋɛ inɛ laalɔ ŋa, bɛirei aa ce i fɔ ide jiida ŋa. Mii iyi wa kɔ̃ si idɔi amanɛ nŋui gɛlɛɛ í ya fɔ.

Matie 15:12

Nɔ mɔcɔɛ ŋau à na à sɔ̃ɔ à ni, i kù mà ide iyi ì fɔu bɛ í jɛa Farisi ŋau taale?

Matie 16:1

Si anyii nŋu, Farisi do Sadusi ŋa à naa bi Jesu a cɔ laakaiɛ. À tɔɔɛ ku ce maamaake iyi á nyisi iyi gbugbãɛ hai bi Ilaaɔ̃i wa naa.

Matie 16:6

Ŋɔi Jesu í sɔ̃ ŋa í ni, i ce laakai do levɛ̃ɛi Farisi ŋa do ti Sadusi ŋau.

Matie 22:15

Waati bɛɛbɛ Farisi ŋa à koo à tɔtɔɔ à waa busi njɛ a ba a lea Jesu taai ide.

Matie 22:23

Si ajɔ akãu Sadusi gɔ ŋa mɔ à naa bi Jesu má. Aŋai à ya maa ni iku ŋa a kaa jĩ. Iyi à to wa bi Jesu ŋɔi à beeɛ à ni,

Matie 22:34

Ŋɔi Farisi ŋau à gbɔ iyi Jesu í kãmia Sadusi ŋau si ideu nɔ à tɔtɔɔ má.

Matie 23:33

Iŋɛ inɛ buu ŋai bɛi njo wukuku. I kù nɛ bɛi aa ce i saa ina iyi ci ya kuu ŋa.

Matie 5:20

Ǹ wa n sɔ̃ ŋɛi, i kaa jɛ inɛi bommai Ilaaɔ̃ ŋa bii kù jɛ ì waa ce mii iyi Ilaaɔ̃ í bi i ce ŋa ku re woo kɔ inɛ ŋa si wooda ŋa do Farisi ŋau.

Maaku 12:13

Ŋɔi inɛ ngboi Zuifu ŋau à bɛ Farisi gɔ ŋa do inɛi Herodu gɔ ŋa bi Jesu a koo a lea taai ide.

Maaku 12:18

Ŋɔi Sadusi gɔ ŋa à naa bi Jesu. Aŋai à ya maa ni iku ŋa a kaa jĩ. Iyi à to wa bi Jesu ŋɔi à beeɛ à ni,

Maaku 8:15

Ŋɔi Jesu í sɔ̃ ŋa í ni, i ce laakai i nya ara nŋɛ hai bi levɛ̃ɛi Farisi ŋa do ti inɛi Herodu ŋa.

Luku 16:14

Wee Farisi ŋa fia ku bi nŋa í caa. Iyi à gbɔ ide ŋa iyi Jesu í fɔu fei ŋɔi à waa yaakoɛ.

Luku 18:11

Farisiu í leekĩ wa ce kutɔɔ wa ni, Ilaaɔ̃, ǹ saabuɛ do iyi n kù yɛ bɛi inɛ ŋa iyi à gbe, iyi à jɛ woo takii inɛ ŋa, do woo ce laalɔ ŋa, do woo ce sakara ŋa, do woo gba fiai lɛmpoo ŋa bɛi mɔkɔu ihɛ̃.

Luku 7:30

Amma Farisi ŋa do woo kɔ inɛ ŋa si wooda ŋa a kù jɛ Zãa ku dasi ŋa inyi. Bɛɛbɛ mɔi à kɔ̀si mii iyi Ilaaɔ̃ í dasi idɔ ku ce nŋa.

Laabaau jiida iyi Zãa í kɔ 1:24

Wee inɛ ŋa iyi à bɛ wa ŋau, hai bi Farisi ŋai à naa.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Laabaau jiida iyi Zãa í kɔ 9:40

Ŋɔi Farisi gɔ ŋa iyi à wa bɛu à gbɔ ideu ŋɔi à beeɛ à ni, awa mɔ fɛɛju ŋai?

Woo bɛ ŋa 15:5

Amma Farisi gɔ ŋa iyi à dasi Jesu naanɛ à dede à ni, tilasii a dasi hai jɛ Zuifu ŋa iyi à dasi Jesu naanɛu fei bango nɔ a sɔ̃ ŋa a too woodai Moizi.

Woo bɛ ŋa 20:31

Na nŋu, i wɔ njoo ŋa. I ye gigi ŋa bɛi amu takam ǹ ce adɔ̃ mɛɛta bi tu ŋɛ Efɛɛzu bɛ wo nɔ ǹ kɔ iŋɛ baa yooma fei alɛò daakɔ do cikãaju ŋa.

Woo bɛ ŋa 26:5

À màm hai ku kpɛ. Na nŋu, bii à bi aa yɔkɔ a jɛɛm sɛɛda iyi si kpãai Farisi ŋai ǹ la, aŋa iyi à re inɛ fei si kpãai Ilaaɔ̃ ku tɔɔ nwa.

Woo bɛ ŋa 5:17

Amma woo wee nlai Ilaaɔ̃u do inɛ ŋa iyi à wa si igbɛi Sadusi ŋa iyi à wa bi tɛɛu fei à dedeò igu si gãmɛi woo bɛ ŋau.

Romu 1:18

Do ntɔi, Ilaaɔ̃ wa nyisi idɔɔkɔ̃ɛ wa hai lele si gãmɛi inɛ ŋa iyi à waa ce laalɔ fei nɔ a kù mà bɛɛrɛɛ. Si laalɔ ku ce nŋau a kù jɔ̀ ntɔ kù waa ce icɛ.

Romu 5:9

Nsɛi, si na iyi í jɔ̀ njɛi Kirisi í jɔ̀ Ilaaɔ̃ í ce wa inɛ dee dee ŋa, kù nɛ sika kãma á faaba wa hai si idɔɔkɔ̃ɛ iyi á naa.

Tɛsalonika 1, 1:10

Nɔ à waa fɔ má bɛi ì waa degbe Jesu Amaɛu ku nyi wa hai lele ŋa. Nŋui í jɛ inɛ iyi Ilaaɔ̃ í jĩ hai si balɛ, nɔ á na ku faaba wa hai si idɔɔkɔ̃i Ilaaɔ̃ iyi wa naa.

Ebɛɛ 11:7

Na naanɛ ku dasii, Nowee í gbɔ idei Ilaaɔ̃ waati iyi í ni ku ce laakai si mii iyi á na ku naa iyi kù yɛ titã. Í jirima idei Ilaaɔ̃ nɔ í gbe akɔi inyi si bii nŋu do inɛi kpasɛ̃ɛ ŋa fei aa ba faaba. Do yaase bɛɛbɛi í yɛò taalei inɛi andunya ŋa nɔ Ilaaɔ̃ í ni í jɛ amanɛ dee dee.

Ebɛɛ 6:18

Na nŋu, idei kuwã do kugbasi, aŋa minjii à wɛɛ iyi kaa kpaasi, nɔ si ide minji ŋau bɛ Ilaaɔ̃ kaa yɔkɔ ku sɔ ibo. Si ide minji ŋau bɛi Ilaaɔ̃ wa mu nwa gbugbã ntɔ ntɔ, awa iyi à waa leekĩ si kpãa ku cɔ iyi í jilɛ nwa nɔ à ba bi ku manji nwa siɛ.

Zãa 1, 3:10

Nsɛi, aa ka yɔkɔ ka mà inɛ ŋa iyi à jɛ amai Ilaaɔ̃ ŋa do inɛ ŋa iyi à jɛ ti Seetam. Inɛ iyi kù waa ce mii iyi í jɛ dee dee fei, do inɛ iyi kù bi kpaasiɛ, kù jɛ ti Ilaaɔ̃.