Matie 3:6 - Bibeli do fee

⁶ À ce tuubai dulum du ŋa nɔ à jɔ̀ Zãa í dasi ŋa inyi si idoi Zuudɛ̃ɛu.

Matie 3:6 Iomraidhean Croise

Ɛsidarasi 10:1

Waati iyi Ɛsidarasi í gulɛ wa kpataò si wajui kpasɛ̃u wa tɔɔ Ilaaɔ̃ ku kpa idei dulum du ŋau, inɛi Izirɛli ŋa aŋa nkpɔ nkpɔi à tɔtɔɔ à kaakoɛ bɛ, hai inɛmɔkɔ ŋa do inaabo ŋa do ama keeke ŋa, aŋa fei à wasi ku kpata hee lele.

Iri ku kɔ̃ 32:5

Ŋɔi ǹ jɔ̀ ì mà dulum dom nɔ n kù singaɛ kuraram, ǹ ni, an ce tuubai kuraram ŋa bi Aɔ̃ Lafɛ̃ɛ. Nɔ ì kpa kuraram ŋa do dulum dom ŋau. Kusĩmi.

Mɔnda ŋa 28:13

Inɛ iyi wa singa kuraraɛ ŋa ci ya bɔ waju, amma inɛ iyi í ce tuubai kuraraɛ nɔ í jɔ̀ɔ à ya ce araareɛi.

Ezekiɛli 36:25

An fã si ŋɛ inyi kumá iyi á jɔ̀ i maaju ŋa. An jɔ̀ i maaju ŋai hai si riisi nŋɛ ŋa fei, do hai si riisi iyi iwɛ̃ nŋɛ ŋa à dasi ŋɛ fei.

Daniɛli 9:4

Amu Daniɛli, si kutɔɔm nɔu, ǹ wa n tɔɔ Aɔ̃ Lafɛ̃ɛ ku cea inɛm ŋau suurui kurara nŋa ŋai. Si kutɔɔm nɔu ǹ ni, Lafɛ̃ɛ Ilaaɔ̃, awɔ iyi ì la nɔ ì to njo, nɔ ì ya kɔ̃ akabuuɛ, dee dee ku jɛɛ í ya wa si gãmɛi inɛ ŋa iyi à biɛ nɔ à waa jirima woodaɛ ŋa.

Kuwee 16:21

Arɔ̃ɔ á lesi awɔ minjiɛi si irii iwo kombo njaawɛu nɔ ku ce tuubai dulum dii inɛi Izirɛli ŋau fei do ti wooda ku kua nŋa ŋau fei do ti kurara nŋa ŋau fei. Fei ndɛɛ fei si irii iwo kombou bɛi á kosi, si anyiɛ ku bɛi ku leleɛ ku nɛ gbaau. Inɛ iyi à cica ku ce icɛu, lafɛ̃ɛi á gbãa koo jɔ̀ɔ bɛ.

Kuwee 26:40

Amma inɛ ŋa iyi à gbe si hunde ŋau aa na a mà iyi aŋa do bala nŋa ŋa à ce dulum na kurara ŋa iyi à ceem, nɔ à nyi à ce ide ku kɔ̀ má si gãmɛm.

Kuka 5:7

Á ce tuubai dulum iyi í cei, nɔ koo sindo mii iyi í sou bi inɛ iyi í nɔɔu. Nɔ zaka bɛi ilu mii nɔu í ra mii ndɛɛ á kpɔ̃ɔi ikɔ miiu, nɔ ku lea si ikɔ akã.

Matie 3:11

Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ gɔ á na ku naa si anyim. Í rem do gbugbã ntɔ ntɔ, n kù to baa n bɔ baataɛ. Nŋui á da nŋɛ si Hundei Ilaaɔ̃ do ina.

Maaku 1:5

Nɔ inɛ ŋa à naa bi tɛɛ hai Zeruzalɛmu do hai ilɛi Zudee fei. À ce tuubai dulum du ŋa nɔ à jɔ̀ Zãa í dasi ŋa inyi idoi Zuudɛ̃ɛ.

Luku 1:16

Á jɔ̀ inɛi Izirɛli nkpɔ ku kpaasi idɔ nɔ a nyi wa bi Aɔ̃ Lafɛ̃ɛ nŋa.

Luku 3:16

Nɔ Zãa í sɔ̃ aŋa fei í ni, inyii amu ǹ wa n dasi ŋɛ, amma inɛ gɔ wa naa iyi í rem do gbugbã. N kù to n fũ baa ikũi baataɛ. Nŋui á da nŋɛ si Hundei Ilaaɔ̃ do ina.

Woo bɛ ŋa 1:5

Zãa nŋu, inyii í dasi ŋɛ wo, amma si ajɔ minjiu ihɛ̃ aa da nŋɛ si Hundei Ilaaɔ̃.

Woo bɛ ŋa 11:16

Ŋɔi ǹ ye gigii ide iyi Lafɛ̃ɛ í fɔu iyi í ni, Zãa í dasi inɛ ŋa inyi, amma Hundei Ilaaɔ̃i an da nŋɛ si.

Woo bɛ ŋa 19:18

Ŋɔi woo dasi Jesu naanɛ nkpɔ í naa í tuuba si bantuma. À fɔ mii iyi aŋa à ya ce wo.

Woo bɛ ŋa 22:16

Nsɛi, maà jɔ̀ ku kpɛ má. Dede i kpe irii Aɔ̃ Lafɛ̃ɛ, i jɔ̀ a dasiɛò inyi ku ba i wɛ i má hai si dulum dɛɛ ŋa.

Kɔrɛnti 1, 10:2

Kudũi ijĩu ku too do tenkuu ku kua í yɛi bɛi à dasi ŋa inyi nɔ à baa à jɛ mɔcɔi Moizi ŋa.

Kolosee 2:12

Ntɔi, si waati iyi à dasi ŋɛ inyi í yɛi bɛi à si ŋɛ do Kirisi. Nɔ à dede ŋɛ do nŋu, si na iyi í jɔ̀ ì naanɛ gbugbãi Ilaaɔ̃ iyi í jũu hai si balɛ ŋa.

Ebɛɛ 6:2

do idei ikɔi inyi ku dasi ikã ikã, do idei awɔ ku lea inɛ ŋa si iri, do idei kujĩi iku ŋa, do ide iyi Ilaaɔ̃ á jilɛ hee do ajɔ fei si kiitiu.

Ebɛɛ 9:10

Mii ŋau bɛ fei wa fɔ idei kujɛ do kumɔ do ara ku wiɛ dimi ikã ikã. Woodai ara nŋu akãi iyi Ilaaɔ̃ í jilɛ hee titɔ̃ɛ ku maa naa.

Zaaki 5:16

Na nŋu, iŋɛ fei i ce tuubai dulum du ŋɛ si wajui njɛ ŋa nɔ i ya cea njɛ kutɔɔ ŋa ku ba i ba iri ŋa. Kutɔɔi inɛ dee dee í nɛ gbugbã nla nla.

Zozue 7:19

Ŋɔi Zozue í sɔ̃ɔ í ni, kpaasim, jɔ̀ i mà kulai Aɔ̃ Lafɛ̃ɛi inɛi Izirɛli ŋa nɔ i jɔ̀ iriɛ ku nɛ bɛɛrɛ. Sɔ̃m ntɔ nsɛi. Sisiim mii iyi ì ce fei, maà singaam nkãma.

Piɛɛ 1, 3:21

Inyiu, í yɛi bɛi inyi ku dasi. Kù jɛ a ni wa nya riisii ara, amma wa nyisi iyi inɛ wa tɔɔ Ilaaɔ̃ ku jɔ̀ idɔi nŋu ku maà yɛ taalei nŋu. Inyi ku dasiui í faaba ŋɛ na saabui kujĩi Jesu Kirisi hai si balɛ,

Zãa 1, 1:9

Amma bii à ce tuubai dulum du wa, Ilaaɔ̃ ilu naanɛi, nŋu iyi í ya ce dee dee, á kpa idei dulum du wa nɔ ku jɔ̀ ka má hai si laalɔ ku ce nwa fei.