Matie 3:2 - Bibeli do fee

² Í ni, i kpaasi idɔ nŋɛ ŋa domi waati í maai iyi Ilaaɔ̃ á na ku jɛ bommaɛ.

Matie 3:2 Iomraidhean Croise

Ilaalu 1, 8:47

bii à kpaasi idɔ nɔ à sinda wa bi tɛɛ nɔ à waa tɔɔɛ suuru hai ilɛi inɛ ŋa iyi à mu ŋau à waa ni, à ce kurara, à ce dulum nɔ à ce laalɔ ŋa,

Zɔɔbu 39:12

Nŋui ì waa kaaba ku na ku baaò amaajɛɛ ŋa iyi ì dau wa bi ku kpokpoɛ?

Zɔɔbu 42:6

Na ŋɔi í ce iyi ǹ fɔ wo n kù fɔ má. Nɔ ǹ kaye aram ǹ koo ǹ wa n buba si sãa do si ilúlu.

Ezekiɛli 33:11

Na nŋu, koo i sɔ̃ ŋa iyi amu Aɔ̃ Lafɛ̃ɛ ǹ ni, hee do kuwɛɛm fei, n kù bi ikui inɛ laalɔ. Iyi ǹ bii í jɛ, ku jɔ̀ kpãa laalɔɛ nɔ ku wɛɛ. Iŋɛ inɛi Izirɛli ŋa, i jɔ̀ laalɔ ku ce nŋɛ. Na mii í jɔ̀ ì waa bi i ku ŋa.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Matie 10:7

I koo i waazo nŋa i ni, Ilaaɔ̃ í maai ku jɛ bommaɛ.

Matie 11:20

Nɔ Jesu í lɔsi ku gbagba si inɛi ilu ŋa bii í ce maamaake nkpɔ nkpɔ ŋau si na iyi í jɔ̀ a kù kpaasi idɔ.

Matie 12:41

Si ajɔi kiitiu, inɛi Ninivu ŋa aa dede si inɛi nnyi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Wee nsɛi mii gɔ í wa ihɛ̃ iyi í nɛ bɛɛrɛ í re Zonasi.

Matie 13:11

Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à gbe ŋau a màa.

Matie 13:24

Nɔ Jesu í kpa nŋa mɔnda má í ni, faaji iyi wa fɔ idei bommai Ilaaɔ̃ wee. Mɔkɔ gɔi í koo í gbɛ̃ dimi jiida si ilɛɛ.

Matie 13:31

Nɔ Jesu í kpa nŋa mɔnda gɔ má í ni, bommai Ilaaɔ̃ í yɛi bɛi ngboi mutaadi iyi inɛ gɔ í so í gbɛ̃ si ilɛɛ.

Matie 13:33

Nɔ Jesu í kpa nŋa mɔnda gɔ má í ni, bommai Ilaaɔ̃ í yɛi bɛi levɛ̃ɛ iyi abo gɔ í so í dasi iyafũi pɛ̃ɛ gũa mɛɛta, nɔ fei ndɛɛ í dede í kpante.

Matie 13:47

Jesu í ni má, bommai Ilaaɔ̃ í yɛi bɛi taao iyi à sɔsi inɔ inyi ku mu cɛ̃ɛ dimi ikã ikã fei.

Matie 13:52

Nɔ í sɔ̃ ŋa í ni, bɛɛbɛ mɔi, woo kɔ inɛ ŋa si wooda baa yooma fei iyi í mà idei bommai Ilaaɔ̃, í yɛi bɛi ilu kpasɛ̃ gɔ iyi wa fitaò mii titɔ̃ ŋa do mii nwo ŋa hai si bi ku jilɛ amaniɛ.

Matie 18:23

Sotĩ i gbɔ faaji gɔ iyi wa nyisi bɛi bommai Ilaaɔ̃ í yɛ. Ilaalu gɔ wa bi ku ce dooi gbeseɛ iyi amaacɛɛ ŋa à waa mu.

Matie 20:1

Jesu í kpa nŋa mɔndau ihɛ̃ í ni, idei bommai Ilaaɔ̃ í jɔ idei ilu kpasɛ̃ gɔ iyi í fita daadaakɔ wa dɛdɛ amaacɛ ŋa ku bɔò ŋa ikoɛ.

Matie 22:2

i gbɔ faaji gɔ iyi wa nyisi ŋɛ bɛi bommai Ilaaɔ̃ í yɛ. Ilaalu gɔ wa cea ama inɛmɔkɔɛ abɔdɔ̃,

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Matie 25:1

Jesu í ni, ajɔ iyi an naa n jɛ bommam á yɛi bɛi faajii mudɛ̃ɛ mɛɛwa gɔ ŋa iyi à so fitila nŋa ŋa à bɔ mɔkɔ titɔ̃ ku ko.

Matie 25:14

Jesu í sɔ̃ ŋa má í ni, bommai Ilaaɔ̃ í yɛi má bɛi faajii mɔkɔ gɔ iyi wa bi ku bɔ ilu koo kpɛ bɛ. Nɔ í kpe amaacɛɛ ŋa í so amaniɛ fei í da nŋa si awɔ.

Matie 4:17

Hai waati bɛɛbɛi Jesu í sinti ku waazo, í ni, i kpaasi idɔ nŋɛ si na iyi í jɔ̀ waati í maai wa iyi Ilaaɔ̃ á jɛ bommaɛ.

Matie 4:23

Nɔ Jesu í dabii si ilɛi Galilee fei wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, wa sisi nŋa laabaau jiida si bɛi Ilaaɔ̃ wa ce sɔɔlu ku na ku jɛ bommaɛ, nɔ í jɔ̀ inɛ ŋa à waa ba iri si bɔ̃ɔ dimi ikã ikã nŋa ŋa fei.

Matie 5:10

Ilu inɔ didɔ̃ ŋai inɛ ŋa iyi à kpã ŋa iju si na iyi í jɔ̀ à waa ce mii iyi Ilaaɔ̃ í bi, domi aŋai à jɛ inɛi bommai Ilaaɔ̃ ŋa.

Matie 5:3

ilu inɔ didɔ̃ ŋai inɛ ŋa iyi à waa tɔɔ Ilaaɔ̃ do ara kukaye, domi aŋai à jɛ inɛi bommai Ilaaɔ̃ ŋa.

Matie 6:10

Naa i jɛ bommaɛ. Jɔ̀ inɛ fei ku ce idɔɔbiɛ si ilɛu ihɛ̃ bɛi à waa ce lele.

Matie 6:33

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Maaku 1:15

Í ni, awaati í to iyi Ilaaɔ̃ á na ku jɛ bommaɛ. I kpaasi idɔ nŋɛ nɔ i dasi laabaau jiidau naanɛ ŋa.

Maaku 1:4

Bɛɛbɛi Zãa í naa si gbaa wa dasi inɛ ŋa iyi à koo bi tɛɛ inyi. Wa waazoa inɛ ŋa wa ni, i kpaasi idɔ ku ba Ilaaɔ̃ ku kpa idei kurara nŋɛ nɔ a dasi ŋɛ inyi.

Maaku 6:12

Nɔ mɔcɔ ŋau à nɛ nɔ à waa waazoa inɛ ŋa à waa ni a kpaasi idɔ.

Luku 1:16

Á jɔ̀ inɛi Izirɛli nkpɔ ku kpaasi idɔ nɔ a nyi wa bi Aɔ̃ Lafɛ̃ɛ nŋa.

Luku 11:20

Amma bii do gbugbãi Ilaaɔ̃i ǹ wa n leleò inɛi inɔɔko ŋau, nŋu bɛ wa nyisi iyi Ilaaɔ̃ í sinti ku jɛ bommaɛ si anini nŋɛ.

Luku 13:3

Aawo. Bɛɛbɛ mɔi ǹ wa n sɔ̃ ŋɛ, iŋɛ taka nŋɛ, bii i kù sinda idɔ ŋa, iŋɛ fei aa kui bɛi aŋa mɔ.

Luku 13:5

Aawo, ǹ wa n sɔ̃ ŋɛi, iŋɛ taka nŋɛ, bii i kù kpaasi idɔ ŋa, iŋɛ fei aa kui bɛi aŋa mɔ.

Luku 15:10

Bɛɛbɛ mɔi ǹ wa n sɔ̃ ŋɛ, amalekai Ilaaɔ̃ ŋa à ya wɛɛò inɔ didɔ̃ na ilu dulum akã iyi í kpaasi idɔ.

Luku 15:7

Ŋɔi Jesu í ni, bɛɛbɛ mɔi ǹ wa n sɔ̃ ŋɛ, inɔ didɔ̃i inɛi lele ŋa á la na ilu dulum akã iyi í kpaasi idɔ ku re inɛ dee dee cĩɔ fakã kù wa si iyi a kù nɛ bukaatai idɔ ku kpaasi.

Luku 16:30

Nɔ í ni, baaba Aburahamu, iyi bɛ nŋu akã kù to. Bii hai bi iku ŋai inɛ gɔ í koo bi tu ŋa, aa kpaasi idɔ nŋa.

Luku 21:31

Bɛɛbɛ mɔi bii iŋɛ mɔ ì yɛ mii ŋau bɛ wa ce, i mà ŋa iyi bommai Ilaaɔ̃i í maai wa.

Luku 24:47

Nɔ aa waazo do irim si dimi fei, aa sintii hai Zeruzalɛmu. Aa waazo a kpe inɛ ŋa a kpaasi idɔ nɔ Ilaaɔ̃ ku kpa idei dulum du ŋa.

Luku 6:20

Ŋɔi Jesu í cɔ mɔcɔɛ ŋau í ni, ilu inɔ didɔ̃ ŋai iŋɛ ilu are ŋa, domi iŋɛi ì jɛ inɛi bommai Ilaaɔ̃ ŋa.

Luku 9:2

Ŋɔi í bɛ ŋa a koo a waazo idei bommai Ilaaɔ̃ nɔ a jɔ̀ bɔ̃ɔ ŋa a ba iri.

Woo bɛ ŋa 11:18

Iyi inɛ ŋau à gbɔ ideu, ŋɔi idɔ nŋa í tũ, nɔ à saabu Ilaaɔ̃ à waa ni, debɛi, Ilaaɔ̃ í mua hee do dimi mmu ŋa mɔ kpãa a kpaasiò idɔ nŋa a baò kuwɛɛ hai tã.

Woo bɛ ŋa 17:30

Ilaaɔ̃ í temuaò amanɛ ŋa wo si kumà hai mà nŋa, amma nsɛi wa sɔ̃ inɛ ŋa tengi bii à wa fei a kpaasi idɔ nŋa.

Woo bɛ ŋa 2:38

Ŋɔi Piɛɛ í sɔ̃ ŋa í ni, iŋɛ fei i kpaasi idɔ nŋɛ i jɔ̀ a dasi ŋɛ inyi do irii Jesu Kirisi ku ba Ilaaɔ̃ ku kpa idei dulum du ŋɛ, nɔ aa ba amuai Ilaaɔ̃ má ŋa iyi í jɛ Hundeɛ.

Woo bɛ ŋa 20:21

Ǹ sɔ̃ Zuifu ŋa do hai jɛ Zuifu ŋa ǹ ni a kpaasi idɔ nŋa a sinda si Ilaaɔ̃ a dasi Lafɛ̃ɛ nwa Jesu naanɛ.

Woo bɛ ŋa 26:20

Sinte titã ǹ ce waazo Damasi, si anyiɛ nɔ ǹ ce Zeruzalɛmu do si ilɛi Zudee fei do bi dimi mmu ŋa. Ǹ sɔ̃ ŋa ǹ ni a kpaasi idɔ a sinda si Ilaaɔ̃, nɔ a ce icɛ iyi á jɔ̀ a yɛ si ŋa iyi à kpaasi idɔ.

Woo bɛ ŋa 3:19

Na nŋu, i kpaasi idɔ nŋɛ i sinda si Ilaaɔ̃ ŋa ku ba ku kpa idei dulum du ŋɛ.

Kɔrɛnti 2, 7:10

Ntɔ ntɔ, inɔ kufɔ iyi Ilaaɔ̃ wa ceò icɛ í ya jɔ̀ inɛ ku kpaasi daaɛ nɔ ku ba faaba. Dimii daa ku kpaasi bɛɛbɛ i kaa ni, bii ǹ mà. Amma inɔ kufɔi andunya í ya bí ikui.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Timɔtee 2, 2:25

Inɛ ŋa iyi a kù waa jɛsi ideɛ í sĩa ku ba ŋa ide ku fɔ do kurɔ. Á yɔkɔ ku jɛ Ilaaɔ̃ á mu nŋa kpãa a kpaasiò idɔ nŋa a mà ntɔ,

Ebɛɛ 6:1

Na nŋu, ka jɔ̀ ide sinte ŋau si gãmɛi Kirisi nɔ ka bɔ waju ka jɛ inɛ ŋa iyi à jĩa. A kaa ka jilɛ icui ideu ku kɔsi má. Ideui í jɛ idei idɔ ku kpaasi hai si kookoosui nfe ku ce, do idei naanɛ ku dasi si Ilaaɔ̃,

Piɛɛ 2, 3:9

Aɔ̃ Lafɛ̃ɛ ci ya jɔ̀ idei kuwãɛ iyi í jilɛu ku kpɛ ideu ku kɔ̃ò si bɛi inɛ gɔ ŋa à waa tamaa. Amma wa temua nŋɛi, domi kù bi baa inɛ akã ku ce nfe. Í bi mɔm ku jɛ inɛ fei ku kpaasi idɔ.

Kuyɛi Zãa 2:21

Ǹ muaa waati ku kpaasi idɔɛ, amma kù bi ku jɔ̀ sakara ku ceɛ.

Kuyɛi Zãa 2:5

Na nŋu, i ye gigi hai hee bii ì cuku wa ŋa, nɔ i kpaasi idɔ i ce bɛi ì sintiò wa ŋa. Bii i kù kpaasi idɔ ŋa, an na n so bi ku lesi fitila nŋɛ hai si agbɛɛ.