Matie 3:12 - Bibeli do fee

¹² Wa mu mii ku fɛ bileeɛ si awɔ, nɔ ku kpã bileeu bii à kpokpoɛ, nɔ ku ko yɔyɔu ku dasi aka, sakou mɔ ku dasi ina iyi ci ya ku.

Matie 3:12 Iomraidhean Croise

Zɔɔbu 21:18

Bii í yɔkɔ a yɛ bɛi wua kokoi iyi fufu í so wa dabiiò walakɔ bɛi fɔfɔ iyi fufu dabii í so.

Iri ku kɔ̃ 1:4

Amma ti ilu inɔ kukã ŋa kù jɛ bɛɛbɛ. À yɛ bɛi fɔfɔ iyi fufu wa fangaa.

Iri ku kɔ̃ 35:5

Jɔ̀ a yɛ bɛi fɔfɔ iyi fufu wa nɛò waati iyi amalekai awɔ Aɔ̃ Lafɛ̃ɛ wa lele ŋa.

Ezai 1:31

Inɛ iyi í re do gbugbã á yɛi bɛi jĩi ngbɛ, nɔ mii iyi wa ce á lai bɛi ina, aŋa minji fei aa joi ajɔ, nɔ inɛ kãma kaa yɔkɔ ku kpa inau.

Ezai 17:13

Zamaa nkpɔ nkpɔu wa ce ibai bɛi ibai inyi nla nla ŋa. Aɔ̃ Lafɛ̃ɛ í la si ŋa, nɔ à sa à waa nɛ hee jĩijĩ. Í lele ŋai bɛi fɔfɔ wɛwɛɛ ŋa iyi fufu wa tale hai si iri kuta ŋa, do bɛi ilulu iyi í dede na fufu dabii nla gɔ iyi í dede.

Ezai 27:4

Idɔɔkɔ̃ kaa wa sim má. Amma bii ǹ yɛ fɔfɔ ŋa do agũ ŋa si bɛ, an logoo ŋai, nɔ n jo ŋa fei.

Ezai 28:28

A ci ya kpokpo bilee hee ku caa. À ya dĩaa kɛtɛ ŋa sarɛtii nɔ a jɔ̀ a nɛ si zaka bɛi kaa lɛgɛ.

Ezai 30:24

Kɛtɛ ŋa do gbankɛlɛ ŋa iyi à waa fa ilɛu, aa ba fɔfɔ iyi í nɛ imu a jɛ. Mii iyi à ya fɛò bileeui aa fangaa nŋaò fɔfɔu si ilɛ.

Ezai 41:16

Aa fɛ ŋai fufu ku so ku nɛò ŋa, nɔ fufu nla nla gɔ ku fangaa ŋa. Amma awɔ, aa nɛ inɔ didɔ̃i si amu Aɔ̃ Lafɛ̃ɛ. Aa maa saabu araɛi na amu Inɛ Kumái Izirɛliu.

Ezai 5:24

Na nŋu, aa ce nfei bɛi fɔfɔ ngbɛ iyi wa leekĩ si icuɛ walakɔ bɛi tàkà iyi à dasi ina. Icã nŋa ŋa aa sãmii, nɔ koko nŋa ŋa a cuku a fangaa, domi à ce atafii si ikɔi Aɔ̃ Lafɛ̃ɛi lele do ilɛ, a kù saalu ideɛ, nŋu Inɛ Kumái Izirɛliu.

Ezai 66:24

Nɔ waati iyi aa ya na a fita, aa ya yɛ ikui inɛ ŋa iyi a kù jɛ ku jirimam ŋaui, nɔ kokoo ŋa iyi aa lɔ si ara nŋa ŋa a maa ŋɔ ŋa ŋau a kaa ku, nɔ ina iyi á maa jo ŋa ŋau mɔ, kaa ku. Inɛ ŋau, mii laalɔi aa jɛ bi inɛ fei.

Zeremi 15:7

Si ilui ilɛu fei, ǹ wu mii ku fɛm nii ǹ wa n fɛ ŋa. Ǹ jɔ̀ inɛm ŋau à kua ama nŋa ŋa, nɔ ǹ jɔ̀ à waa ku, aŋa iyi a kù jɛ ku fũsi kpãa nŋa ŋau awɔ.

Zeremi 17:27

Amma bii ì kɔ̀ ku gbɔ idem ŋa, nɔ ì ce atafii si ajɔi kusĩmiu ku nya ikã ku jɛ titom ŋa, bii ì ya so aso ŋa i maa naaò wa Zeruzalɛmu si ajɔi kusĩmiu ŋa, an dasi gamboi anu koofai iluu inai. Inau á jo kpasɛ̃ kusĩa ŋau, nɔ inau kaa ku má ajɔ kãma.

Zeremi 4:11

Waati nŋui Aɔ̃ Lafɛ̃ɛ á sɔ̃ zamaau do inɛi Zeruzalɛmu ŋau ku ni, fufu gbãa gɔ í dede wa hai do ikpa gbaau, si zamaam ŋau. Kù jɛ wa naa ku fɛ ijui amaajɛ walakɔ ku teeseɛ.

Zeremi 51:2

An jɔ̀ woo fɛ ŋa a naa si Babilɔni a naa a fɔɔ. Inɛ ŋau aa jɔ̀ iluu ku gbe ngbɛi, domi aa bii si iluu wai hai bii fei si ajɔi wahalau.

Zeremi 7:20

Na nŋu, amu Aɔ̃ Lafɛ̃ɛ ǹ ni, an jɔ̀ idɔɔkɔ̃ nlam ku naa si inyau, do si inɛ ŋa do si mɛɛmu ŋa do si jĩi ndii iko ŋa do si amaajɛi ilɛ ŋau. Á yɛi bɛi ina iyi á maa jo nɔ kaa ku.

Ozee 13:3

Na nŋu, aa yɛi bɛi kudũi ijĩi daakɔ walakɔ bɛi ikpã iyi í ya wɔ. Aa yɛi bɛi fɔfɔ iyi fufu í so wa nɛò walakɔ bɛi cua iyi wa fangaa.

Amɔsu 9:9

An na wooda n jɔ̀ a yaga inɛi Izirɛli ŋa si ilɛ bii à wa fei bɛi à ya tɛmɛ sãa nɔ kuta kãma ci ya cuku ilɛ.

Matie 13:30

I jɔ̀ aŋa fei a dede nŋa hee bii kumuɛ í to. Waati bɛɛbɛ an sɔ̃ woo mu ŋau a kpa fɔfɔ laalɔu titã a dũu a dasi ina, a bɛi a tɔtɔɔ dimi jiidau a dasi suum.

Matie 13:41

Amu Amai Amanɛ, an bɛ amalekam ŋa wa a na a nya inɛ ŋa iyi à waa dasi inɛ ŋa kurara do woo ce laalɔ ŋau a tekĩò ŋa hai tengi bii an na n jɛ bommam,

Matie 13:42

nɔ a dasi ŋa ina iyi ci ya ku. Tengi bɛi aa lesi awɔ si iri a kpataò.

Matie 13:43

Nɔ waati bɛɛbɛ inɛ ŋa iyi à waa dɛ idɔɔbii Ilaaɔ̃ ku ce aa maa má inyai bɛi inunu si bommai Ilaaɔ̃ Baa nŋa. Inɛ iyi í nɛ itĩ iyi á gbɔò ide, ku gbɔ.

Luku 3:16

Nɔ Zãa í sɔ̃ aŋa fei í ni, inyii amu ǹ wa n dasi ŋɛ, amma inɛ gɔ wa naa iyi í rem do gbugbã. N kù to n fũ baa ikũi baataɛ. Nŋui á da nŋɛ si Hundei Ilaaɔ̃ do ina.

Luku 3:17

Wa mu kaale ku fɛ bileeɛ si awɔ, nɔ ku kpã bileeu bii à kpokpoɛ, nɔ ku ko yɔyɔu ku dasi aka, sakou mɔ ku dasi ina iyi ci ya ku.

Laabaau jiida iyi Zãa í kɔ 15:2

Amaawɔm ŋa iyi a ci ya so fei, nŋui í ya da ŋa ku nyɔ ŋa. Amaawɔ ŋa iyi à waa so mɔ í ya kɔta ŋai ku ba a so a kɔ̃ɔsi.