Matie 3:10 - Bibeli do fee

¹⁰ Wee dagba wa kãsi tã mɔm a daò icui jĩi. Na nŋu, jĩi iyi kù waa so iso jiida fei aa daai a dasi ina.

Matie 3:10 Iomraidhean Croise

Samuɛli 2, 23:7

Inɛ iyi wa bi ku ko ŋa koo jo ŋa í ya dɛdɛ isɔi walakɔ akpai kaka.

Iri ku kɔ̃ 1:3

Í yɛi bɛi jĩi iyi à lɛ si itĩi ido iyi í ya so iso bii waatiɛ í to, nɔ waati kãma fei wuaɛ í ya maa tũi, mii iyi wa ce fei í ya cei.

Iri ku kɔ̃ 140:10

Inɛ ŋa iyi à kaakom nɔu jɔ̀ ide laalɔ ŋa iyi à waa fɔ ku cuku si iri nŋa.

Iri ku kɔ̃ 92:12

Ijum í wai si mbɛɛm ŋa nɔ itĩm wa gbɔ ibai inɛ laalɔ ilu gbugbã ŋa iyi à dede sim wau.

Ezai 27:11

Waati iyi amaawɔi jĩi ŋau à gbɛ, à ya cɛi. Inaabo ŋa à ya naa a kooi a koo a koò ina. Ntɔ ntɔ inɛ ŋau a kù nɛ bisi kãma. Nɔ na ŋɔi í jɔ̀ inɛ iyi í taka ŋau kù nɛ araare nŋa má, nɔ kù bi ku ce nŋa didɔ̃ gɔ má.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Zeremi 17:8

Lafɛ̃ɛ á yɛi bɛi jĩi iyi à lɔ kɔkɔi inyi, nɔ icãɛ ŋa à nɛ ikpa bi acãi inyiu. Baa bii inya gbãa wa ce, inya gbãau kaa ceaa nkãma, nɔ wuaɛ á ya maa tũi waati kãma fei. Baa bii agbɛ í mu si adɔ̃u, kaa ya wɛɛò zigiida, nɔ waati kãma fei á ya soi.

Daniɛli 4:14

Idei ijuukpã iyi à fɔ à jilɛu bɛ, amalekai Ilaaɔ̃ ŋa, aŋa iyi à jɛ woo degbe andunyau, aŋai à jɔ̀ à gbɔɔ. Do yaase bɛɛbɛ, ilu hunde baa yooma fei á mà iyi Ilaaɔ̃ nŋu iyi í wa hee lelei í jɛ lafɛ̃ɛi bommai amanɛ ŋa. Nɔ inɛ iyi í bii í ya na. Nɔ á yɔkɔ ku soo mɔm ku na baa inɛ iyi inɛ ŋa a kù waa saalu.

Matie 21:19

Ŋɔi í yɛ jĩi ndii figi gɔ itĩ kpãa bɛ, nɔ í yaa siɛ. Amma iyi í to kɔkɔɛ í ba wee wua ŋai í nɛ. Ŋɔi í sɔ̃ jĩi nɔu í ni, awɔ i kaa so má ajɔ kãma. Nɔ gbakã jĩi nɔu í gbɛ.

Matie 7:19

Nɔ jĩi iyi kù waa so iso jiida fei à ya daai a dasi ina.

Luku 23:31

Ntɔ ntɔ, bii inɛ ŋa à waa cea jĩi tũtũ dimi bɛ ihɛ̃, bɛirei aa na a cea jĩi ngbɛ.

Luku 3:9

Wee dagba wa kã si jĩi tã mɔm a daò icuɛ. Na nŋu, jĩi iyi kù waa so iso jiida fei aa daai a dasi ina.

Laabaau jiida iyi Zãa í kɔ 15:2

Amaawɔm ŋa iyi a ci ya so fei, nŋui í ya da ŋa ku nyɔ ŋa. Amaawɔ ŋa iyi à waa so mɔ í ya kɔta ŋai ku ba a so a kɔ̃ɔsi.

Laabaau jiida iyi Zãa í kɔ 15:6

Inɛ iyi kù waa má sim aa nyaai a nyɔɔ bɛi à ya nyɔ amaawɔi jĩi ŋa. Si anyiɛ, bii à gbɛ nɔ a tɔtɔɔ ŋa a dasi ŋa ina a jo.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Ebɛɛ 6:8

Amma bii agũ do agũ fũfũ ŋai à fita si, ilɛu kù ce ncɛɛi. Bii í kɔ̃ɔsi Ilaaɔ̃ á ceekpeɛ, si anyiɛ nɔ a joo.