Matie 26:3 - Bibeli do fee

³ Waati iyi Jesu wa sɔ̃ mɔcɔɛ ŋa ideu, inɛ ngboi woo weei Ilaaɔ̃ ŋau do inɛ ngboi Zuifu ŋau à tɔtɔɔ kabai Kaifu woo wee nlau.

Matie 26:3 Iomraidhean Croise

Iri ku kɔ̃ 56:6

Ajɔ fei, à ya maa bitandim nii do ide. Lasabu laalɔ iyi á ce nfem nii à ya maa ce.

Zeremi 11:19

Ǹ yɛi bɛi ama angudã kurɔ iyi à gbã à waa bɔò bi ku kpa mɛɛmu ŋa, nɔ n kù mà lasabu iyi à waa ce na irim. À waa ni, ka kpa jĩi nɔu do isoɛ fei. Ka nyaa hai si ilɛ ihɛ̃ bii ilu hunde ŋa à wa, nɔ a maà ye gigii iriɛ má.

Zeremi 17:27

Amma bii ì kɔ̀ ku gbɔ idem ŋa, nɔ ì ce atafii si ajɔi kusĩmiu ku nya ikã ku jɛ titom ŋa, bii ì ya so aso ŋa i maa naaò wa Zeruzalɛmu si ajɔi kusĩmiu ŋa, an dasi gamboi anu koofai iluu inai. Inau á jo kpasɛ̃ kusĩa ŋau, nɔ inau kaa ku má ajɔ kãma.

Matie 26:69

Waati bɛɛbɛ Piɛɛ wa buba bantumai kpasɛ̃u. Ŋɔi mudɛ̃ɛ woo ce icɛ gɔ í sɛkɛɛ siɛ wa í ni, awɔ mɔ ì tako ì wɛɛ do Jesu inɛi Galileeu.

Matie 27:27

Si anyii nŋu, ŋɔi sooge ŋau à gbã Jesu à lɔòɛ kabai ilu ilɛu, nɔ à tɔtɔɔ soogeɛ ŋa iyi à gbe ŋau fei bɛ.

Maaku 14:54

Nɔ Piɛɛ í wa hee jĩijĩ wa too Jesu wa do anyi hee í bɔ inɔ bantumai kpasɛ̃i woo wee nlau. Ŋɔi í buba bɛ do woo degbe andɛ koofa ŋau, wa nyia kɔkɔi ina.

Maaku 14:66

Waati iyi Piɛɛ í wa bantumai kpasɛ̃u, ŋɔi inɛ akãi ama inaabo woo ce icɛi woo wee nlai Ilaaɔ̃u í naa bɛ.

Maaku 15:16

Ŋɔi sooge ŋau à gbã Jesu à lɔòɛ kabai ilu ilɛu, nɔ à tɔtɔɔ sooge ŋa iyi à gbe ŋau fei bɛ.

Luku 22:55

Ŋɔi inɛ ŋa à ko ina si aninii bantumai kpasɛ̃u à waa buba bɛ. Nɔ Piɛɛ mɔ í koo í buba bi tu ŋa bɛ.

Luku 3:2

Ani do Kaifu ŋa mɔ à waa jɛ woo wee nlai Ilaaɔ̃. Waati bɛɛbɛi Ilaaɔ̃ í sɔ̃ Zãa amai Zakari ide si gbaa.

Laabaau jiida iyi Zãa í kɔ 11:57

Wee inɛ ngboi woo weei Ilaaɔ̃ ŋa do Farisi ŋa à na wooda à ni bii inɛ gɔ í mà bii Jesu í wa ku sɔ̃ aŋa a koo a muu.

Laabaau jiida iyi Zãa í kɔ 18:24

Nɔ Ani í jɔ̀ à dũu à bɔòɛ bi Kaifu, woo wee nlau.

Laabaau jiida iyi Zãa í kɔ 18:28

Hai bi Kaifu bɛ, inɛ ngboi Zuifu ŋau à bɔò Jesu bi ku kiitii ilu ilɛu. Wee daadaakɔi. Aŋa taka nŋa a kù lɔ ile bi ku ce kiitiu ku ba aŋa a maà na a jɛ ilu riisi ŋa. A kù bi a jɛ ilu riisi domi à waa bi a ba a jɛ ijɛi jingaui Iku ku kuau.