Matie 24:3 - Bibeli do fee

³ Jesu í koo í buba geetei Olivie. Ŋɔi mɔcɔɛ ŋa à bɔ bi tɛɛ aŋa duusɔ̃ɔ à beeɛ à ni, sɔ̃ wa waati iyi mii nɔu bɛ á ce. Nyinda yoomai á nyisi kunyiɛ wa do waatii ankãanyi.

Matie 24:3 Iomraidhean Croise

Matie 13:36

Jesu í jɔ̀ zamaau nɔ í koo í lɔ kpasɛ̃. Nɔ mɔcɔɛ ŋau à bɔ bi tɛɛ à ni, sisi nwa yaasei mɔndai fɔfɔ laalɔu.

Matie 13:49

Nɔ bɛɛbɛ mɔi á yɛ si iri ku kpai andunya. Amaleka ŋa aa na a nya inɛ ŋa iyi à waa ce laalɔ hai si inɔi inɛ ŋa iyi à waa ce idɔɔbii Ilaaɔ̃,

Matie 15:12

Nɔ mɔcɔɛ ŋau à na à sɔ̃ɔ à ni, i kù mà ide iyi ì fɔu bɛ í jɛa Farisi ŋau taale?

Matie 16:27

Amu Amai Amanɛ an nyi wa má do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.

Matie 16:28

Ntɔ ntɔ ǹ wa n sɔ̃ ŋɛi, inɛ ŋa iyi à wa ihɛ̃ si nsɛi, gɔgɔ nŋa ŋa aa yɛ amu Amai Amanɛ n naa n jɛ bommam hee aŋa fei a maa ku.

Matie 17:19

Ŋɔi mɔcɔi Jesu ŋau à bɔ bi tɛɛ aŋa duusɔ̃ɔ à beeɛ à ni, na mii í ce awa a kù yɔkɔ a kù lele inɛi inɔɔkou.

Matie 21:1

Ŋɔi Jesu do mɔcɔɛ ŋa à mɔsi isɛɛnɛ nŋa nɔ à maai Zeruzalɛmu wa. À to Bɛtifazee si geete iyi à ya kpe Olivie. Nɔ Jesu í bɛ mɔcɔ minji gɔ ŋa

Matie 24:27

Si bɛi kuŋɔi ijĩ í ya má inya hai nunui daakɔ hee ku bɔ nunui alɛ anu akã, bɛɛbɛ mɔi kubaai amu Amai Amanɛ á yɛ.

Matie 24:30

Waati bɛɛbɛ nyindai amu Amai Amanɛ á fita lelei Aɔ̃. Nɔ dimii andunya ŋa fei aa le awɔ si iri a maa kpataò. Aa yɛ amu Amai Amanɛ ǹ wa n naa si kudũi ijĩ do gbugbã nla nla do amboe.

Matie 24:37

Si bɛi í ce si waatii Noweeu, bɛɛbɛ mɔi á ce si waati iyi amu Amai Amanɛ an nyi wa.

Matie 24:39

A kù waa lasabu do wahala dimi bɛɛbɛ hee í to kukɔ̃i inyi nlau í jɛ ŋa fei. Bɛɛbɛ mɔi á jɛ si waati iyi amu Amai Amanɛ an nyi wa.

Matie 24:43

I gbɔ iyi ihɛ̃ má ŋa. Bii ilu kpasɛ̃ í mà idũ zaka bɛi ile á naa, á dede ku wɔ njoo, kaa jɔ̀ ile ku lɛgɛ gamboɛ.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Luku 21:7

Ŋɔi à beeɛ à ni, Mɛɛtu, waati yoomai inɛ nŋu á to wa. Nyinda yoomai aa ka tako ka yɛ.

Woo bɛ ŋa 1:7

Ŋɔi Jesu í jɛ nŋa í ni, kù jɛ baa nŋɛ i mà ajɔu walakɔ i mà yaase bɛi mii ŋau bɛ á na ku ce ŋa. Ilaaɔ̃ Baabai í jilɛ iyi bɛ ŋa do yiikoɛ.

Ebɛɛ 9:26

Bii í jɛ Kirisi í lɔ bɛ tuuba nkpɔ nkpɔ wo, á yɛ ijuukpã isɛ fɛɛfɛlo hai sintei andunya. Amma nsɛi, si waatii ankãanyiu ihɛ̃, í na araɛ bɛi kuwee gbakã akã iyi í to ku kpa idei dulum hee do ajɔ fei.