Matie 22:3 - Bibeli do fee

³ nɔ í bɛ amaacɛɛ ŋa í ni a koo a kpe inɛ ŋa iyi à kpe abɔdɔ̃u wa. Amma inɛ ŋau a kù waa bi ku naa.

Matie 22:3 Iomraidhean Croise

Iri ku kɔ̃ 68:11

Ilaaɔ̃, ì cea inɛɛ ŋa bi kuwa. Si jiida ku jɛɛi ì ce sɔɔluɛ na inɛ ŋa iyi à waa wahala.

Ezai 30:15

Ŋɔi Aɔ̃ Lafɛ̃ɛ, nŋu iyi í jɛ Inɛ Kumái Izirɛliu í fɔ í ni aa ba faaba ŋai, bii ì sinda ì nyi wa bi ti nŋu, nɔ ì wɛɛ sɛ̃ɛ ŋa. Si sɛ̃ɛ ku ce nŋɛ do si naanɛ ku dasi nŋɛ si nŋu Aɔ̃ Lafɛ̃ɛi aa ba gbugbã ŋa. Amma i kù bi iyi bɛ ŋa.

Zeremi 25:4

Do nŋu fei, Aɔ̃ Lafɛ̃ɛ kù gbɛɛjiò walii woo ce icɛɛ ŋau ku bɛ si ŋɛ wa. Amma ì kɔ̀ ku gbɔ ŋa, nɔ i kù bi i ce si laakai ŋa mɔm.

Zeremi 35:15

Ǹ bɛ si iŋɛ fei walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, iŋɛ fei i jɔ̀ kpãa laalɔ nŋɛ i sinda i baa wa ŋa. I teese kuce nŋɛ ŋa, nɔ i maà nɛ anu akã do iwɛ̃ ŋa hee i koo i maa tɔɔ ŋa ŋa. Do yaase bɛɛbɛ, an jɔ̀ i buba si ilɛ iyi ǹ muaa iŋɛ do bala nŋɛ ŋau. Amma wee i kù jɛ ku sotĩ ku gbɔ nɔ i kù jirimam ŋa.

Ozee 11:2

Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 11:7

Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Sofoni 1:7

I coko ŋa si wajui Aɔ̃ Lafɛ̃ɛ, domi ajɔ si bii á ce kiitiɛ í maai wa. Aɔ̃ Lafɛ̃ɛ í ce sɔɔlui kuwee, nɔ inɛ ŋa iyi í kpe ŋau, í jɔ̀ à maaju.

Matie 21:34

Waati iyi isoi jĩi ŋau í jĩa í to ku ka, ŋɔi í bɛ amaacɛ ŋa wa bi woo logoo ŋau a koo a gba iyi í jɛ ti nŋu wa.

Matie 23:37

Jesu í ni, iŋɛ inɛi Zeruzalɛmu ŋa, iŋɛi ì ya kpa walii ŋa nɔ i ta amaabɛi Ilaaɔ̃ ŋa mɔ kuta i kpa ŋa ŋa. Isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Matie 3:2

Í ni, i kpaasi idɔ nŋɛ ŋa domi waati í maai iyi Ilaaɔ̃ á na ku jɛ bommaɛ.

Matie 9:15

Nɔ Jesu í jɛ nŋa í ni, kpaasii mɔkɔ titɔ̃ ŋa aa nɛ inɔ kufɔ gɔ waati iyi mɔkɔ titɔ̃u í wa inɔ nŋai? Aawo, amma ajɔ gɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛi aa dĩ anu.

Luku 13:34

Iŋɛ inɛi Zeruzalɛmu ŋa, iŋɛ iyi ì ya kpa walii ŋa, nɔ i ta ama abɛi Ilaaɔ̃ ŋa mɔ kuta i kpa ŋa ŋa, isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Luku 15:28

Ŋɔi igbãu í damɔɔ í kɔ̀ ku lɔ kpasɛ̃. Ŋɔi baau í fita wa í naa ku lɛlɛɛ.

Luku 19:27

Si anyiɛ nɔ í ni, i koo i naam mbɛɛm ŋau wa ihɛ̃, aŋa iyi a kù bi n jɛ bommau, nɔ i kpa ŋa si wajum.

Laabaau jiida iyi Zãa í kɔ 5:40

Amma do nŋu fei ì kɔ̀ ku naa bi tom ku ba i ba kuwɛɛ ŋa.

Woo bɛ ŋa 13:45

Iyi Zuifu ŋau à yɛ zamaau ŋɔi à dedeò igu ku ja à waa jã ide iyi Pɔlu wa fɔu nɔ à waa buu.

Romu 10:21

Amma si gãmɛi inɛi Izirɛli ŋa í kɔ í ni, Ilaaɔ̃ í ni, hai daakɔi ǹ to awɔ bi hai gbɔ ide ilu itĩ ku yika ŋa.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Ebɛɛ 9:15

Na ŋɔi í jɔ̀ Kirisi í jɛ woo teese kpãa ku ba Ilaaɔ̃ ku dĩ akabuu titɔ̃ do inɛ ŋa iyi í kpe nɔ inɛ ŋau a jɛ tubu iyi ci ya tã iyi í ce nŋa kuwãɛu. Aa yɔkɔ a jɛ tubuui na iku iyi Kirisi í ku, ku yaò inɛ ŋa hai si kurara nŋa iyi à ce si waatii akabuu nwou.

Kuyɛi Zãa 22:17

Hundei Ilaaɔ̃ do abo titɔ̃ à fɔ à waa ni, naa wa, Lafɛ̃ɛ Jesu. Inɛ iyi wa gbɔ ideu fei nŋu mɔ ku ni ku naa wa. Inɛ iyi agbɛ wa kpa ku naa wa, inɛ mɔ iyi í bi inyi iyi í ya na inɛ ŋa kuwɛɛ ku naa ku gba, kù nɛ ku sã.

Samuɛli 1, 9:13

aa yɔɔ bii ì waa lɔ inɔ iluu gbakã ŋa hee ku maa gũ geeteu. Inɛ kãma kaa jɛ bii kù to wa domi nŋui á ce kutɔɔ si kuweeu, inɛ ŋa a bɛi a jɛ. I koo nsɛi, aa baa bɛ ŋa.