Matie 2:7 - Bibeli do fee

⁷ Ŋɔi Herodu í jɔ̀ à kpe woo mà ŋau do asii, í bee ŋa si waati iyi leleaɔ̃u í fita dee dee. Nɔ à sɔ̃ɔ.

Matie 2:7 Iomraidhean Croise

Iri ku kɔ̃ 55:21

Woo zambau wa ba kpaasiɛ ŋa ku ja, nɔ í fũ akabuu iyi í dĩ do aŋa.

Kufita 1:10

Na nŋu, ka ce lasabu jiida, nɔ ka dɛ kpãa gɔ iyi á jɔ̀ akpɔ nŋau ku kaye, domi bii igũ í na í dede aa na a ce anu akã do mbɛɛ nwa ŋa nɔ a jɛ wa igũ a bɛi a fita hai si ilɛu a nɛ.

Kuka 24:17

Ǹ wa n yɛ mii iyi á na ku ce, amma kù jɛ nsɛi, ǹ wa n hɔ̃nnɛɛ dei, kù jɛ amɛɛ. Leleaɔ̃ gɔ á fita hai si dimii Zakɔbu. Ilu gbugbã nla gɔ á fita hai si inɛi Izirɛli ŋa, nɔ do goloɛi á cãò inɛi Moabu ŋau si kɛkɛlɛ, nɔ ku cã irii amai Sɛti ŋau mɔ fei.

Matie 2:1

À bí Jesui Betelehɛmu si ilɛi Zudee si waatii ilaalu Herodu. Si anyii kubíɛ woo mà yaasei leleaɔ̃ gɔ ŋa à naa Zeruzalɛmu hai nunui daakɔ,

Matie 2:16

Ŋɔi ilaalu Herodu í yɛ iyi woo mà leleaɔ̃ ŋau à lɛlɛ nŋui, ŋɔi idɔɛ í kɔ̃ jiida jiida. Ŋɔi í ce dooi waati iyi woo mà ŋau à yɛ leleaɔ̃u í fita, ŋɔi í jɔ̀ à koo à kpa ama inɛmɔkɔ kpɔtɔɔ ŋa hee ku koo si do amai adɔ̃ minji ŋa fei si ilui Betelehɛmu do ilɛɛkoɛ ŋa fei.

Matie 2:8

Iyi í gbɔ bɛɛbɛ nɔ í sɔ̃ ŋa í ni a bɔ Betelehɛmu a koo a bee yaasei amau wa sãa sãa. Bii à yɔɔ nɔ a nyi wa a naa a sɔ̃ nŋu ku ba nŋu mɔ nŋu koo gulɛaa.

Woo bɛ ŋa 24:22

Wee Felisi í mà yaasei kpãai woo dasi Jesu naanɛ ŋa sãa sãa, ŋɔi í sɔ̃ Zuifu ŋau í ni, waati iyi Lisiasi inɛ ngboi igũu á to wa, ajɔ nŋui an wũa ide nŋɛu.

Kuyɛi Zãa 12:15

Ŋɔi njou í tu inyi wa hai si gɛlɛɛ, wa cã bɛi ido nla nla si anyii abou ku ba inyiu ku jɔɔ.

Samuɛli 1, 18:21

Nɔ wa fɔ si idɔɛ í ni, an muaa Mikalii ku ba do saabuɛ inɛi Filisi ŋau a toò awɔ. Bɛɛbɛi isɛ gbeejisia má Saulu í sɔ̃ Davidi í ni, hai nnyi ǹ bi n jɛ anaɛ.