Matie 2:5 - Bibeli do fee

⁵ Ŋɔi à jɛaa à ni, Betelehɛmui si ilɛi Zudee domi bɛɛbɛi walii Misee í tako í kɔɔ wo,

Matie 2:5 Iomraidhean Croise

Kusintii Andunya 35:19

Rasɛli í ku nɔ à suu itĩ kpãai Efarata. Efarataui à waa kpe Betelehɛmu si nsɛi.

Matie 2:1

À bí Jesui Betelehɛmu si ilɛi Zudee si waatii ilaalu Herodu. Si anyii kubíɛ woo mà yaasei leleaɔ̃ gɔ ŋa à naa Zeruzalɛmu hai nunui daakɔ,

Matie 2:4

Ŋɔi í tɔtɔɔ inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa fei nɔ í bee ŋa tengi bii à ni aa bí inɛ iyi Ilaaɔ̃ í cicau.

Laabaau jiida iyi Zãa í kɔ 7:42

Kukɔi idei Ilaaɔ̃ kù ni inɛ iyi Ilaaɔ̃ í cicau á fita wai hai si dimii Davidi? Hai Betelehɛmu ilui Davidi takaɛi á naa.

Zozue 19:15

Nɔ Katati mɔ í wa si do Nahalali do Simirɔ̃ɔ do Yideala do Betelehɛmu. Fei ndɛɛ í ce ilu maateeji do ilɛɛko nŋa ŋa.

Woo kiiti ŋa 17:7

Awaasũ gɔ í wa Betelehɛmu si ilɛi Zudaa. Inɛɛu inɛi Leviii í bɛi í naa í buba si dimii Zudaa.

Ruutu 1:1

Si waati iyi inɛ ngbo ŋau à waa mu ilɛi Izirɛli, ŋɔi ari í naa si ilɛu. Ŋɔi inɛi Betelehɛmu gɔ í dede hai ilɛi Zudaa nŋu do aboɛ do ama inɛmɔkɔ minji nŋa ŋa à koo à buba ilɛi Moabu.

Ruutu 1:19

Ŋɔi aŋaò fei à nɛ hee Betelehɛmu. Kuto nŋa í dede anu ku dɔ̃ nla nla si iluu. Inaabo ŋa à wasi ku ni, Naomi mbɛ ntɔ ntɔ?

Ruutu 2:4

Iyi í ce sãa ŋɔi Boazi í to wa hai Betelehɛmu. Nɔ í ce woo mu ŋau fɔɔ í ni, Aɔ̃ Lafɛ̃ɛ ku wɛɛ do iŋɛ. Nɔ aŋa mɔ à jɛaa à ni, Aɔ̃ Lafɛ̃ɛ ku weeɛ.

Ruutu 4:11

Ŋɔi inɛ ngbo ŋau hee do inɛ ŋa iyi à wa bɛ ŋau fei à jɛ à ni, oo, à jɛ sɛɛda. Aɔ̃ Lafɛ̃ɛ ku weea inaabo iyi wa naa si inɔ kpasɛ̃ɛu. Aɔ̃ Lafɛ̃ɛ ku jɔ̀ ku yɛ bɛi Rasɛli do bɛi Lea, abo minjii Zakɔbu ŋau, aŋa iyi à ma kpasɛ̃i Izirɛli. Nɔ Aɔ̃ Lafɛ̃ɛ ku jɔ̀ amanii awɔ takaɛ ku la si dimii Efarata nɔ iriɛ ku bɔ lele si ilui Betelehɛmu fei.

Samuɛli 1, 16:1

Ŋɔi Aɔ̃ Lafɛ̃ɛ í sɔ̃ Samuɛli í ni, maà kpataa Saulu má domi ǹ kɔ̀siɛ nɔ kaa jɛ ilaalui inɛi Izirɛli ŋa má. Dasi ikpo si inɔ ngoɛ i bɔ Betelehɛmu bi Izai. Si inɔi amaɛ ŋai ǹ yɛ ilaalu iyi an so.