Matie 2:2 - Bibeli do fee

² nɔ à bee à ni, iwoi ilaalui Zuifu ŋa iyi à bí nsɛiu í wa. Hai nunui daakɔi à yɛ leleaɔ̃ɛ í fita, ŋɔi à naa ku tɔɔɛ.

Matie 2:2 Iomraidhean Croise

Iri ku kɔ̃ 2:6

Í ni, amui ǹ cica ilaalum ǹ jilɔɔ Siɔ̃ɔ si iri kuta kumám.

Iri ku kɔ̃ 45:11

Ama inaabom, cɔ, nɔ i de itĩ do laakai i gbɔ, maà ce lasabui inɛɛ ŋa walakɔ nyaanzei baaɛ ŋa.

Ezai 60:3

Inɛi andunya ŋa aa nɛ a naa si inya kumáɛu, nɔ inya kumáɛu á fà ilaalu ŋa mɔ wa.

Zeremi 23:5

Ŋɔi Aɔ̃ Lafɛ̃ɛ í ni, ajɔ wa naa si bii an jɔ̀ inɛ dee dee gɔ ku fita si tuubai Davidi bɛi ijui dimi ku gbɛ̃ iyi í fita. Nŋui á jɛ ilaalu nɔ á maa mu ilɛui do laakai jiida. Nŋui á ce mii iyi í tɛ do iyi í jɛ dee dee si ilɛu.

Zeremi 30:9

Amu Aɔ̃ Lafɛ̃ɛ nŋai aa ya cea icɛ bɛbɛi, do Davidi ilaalu nŋa iyi an jilɛ nŋa.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Kuka 24:17

Ǹ wa n yɛ mii iyi á na ku ce, amma kù jɛ nsɛi, ǹ wa n hɔ̃nnɛɛ dei, kù jɛ amɛɛ. Leleaɔ̃ gɔ á fita hai si dimii Zakɔbu. Ilu gbugbã nla gɔ á fita hai si inɛi Izirɛli ŋa, nɔ do goloɛi á cãò inɛi Moabu ŋau si kɛkɛlɛ, nɔ ku cã irii amai Sɛti ŋau mɔ fei.

Matie 2:3

Iyi ilaalu Herodu í gbɔ ideu, ŋɔi inɔɛ í fɔ, bɛɛbɛ mɔi inɛi Zeruzalɛmu ŋau fei inɔ nŋa í fɔ.

Matie 21:5

i sɔ̃ inɛi Siɔ̃ɔ ŋa, i ni, i cɔ ilaalu nŋɛ wa naa bi tu ŋɛ. Amanɛ kurɔi. Si gbankɛlɛi wa buba, do ama gbankɛlɛ amai mɛɛmu ku so asoi.

Matie 27:11

Ŋɔi à koo à leekĩ Jesu si wajui Pilati ilu ilɛu, nɔ í beeɛ í ni, awɔi ì jɛ ilaalui Zuifu ŋa? Nɔ Jesu í jɛaa í ni, awɔi ì fɔɔ.

Luku 19:38

À wasi ku ni, Ilaaɔ̃ ku weea ilaalu iyi wa naa do irii Lafɛ̃ɛ. Ilaaɔ̃ ku jɔ̀ laakai ku sũ ku wa lele nɔ ku nyisi amboeɛ bɛ.

Luku 2:11

Laabaauu wee. Nnyi, si ilui Davidi, à bí nŋɛ Woo faaba. Nŋui í jɛ Lafɛ̃ɛ, inɛ iyi Ilaaɔ̃ í cicau.

Luku 23:3

Nɔ Pilati í beeɛ í ni, awɔi ì jɛ ilaalui Zuifu ŋa? Nɔ Jesu í jɛaa í ni, awɔi ì fɔɔ.

Luku 23:38

Si dee deei antaii iriɛ à kɔɔ à ni, inɛ ihɛ̃i í jɛ ilaalui Zuifu ŋa.

Laabaau jiida iyi Zãa í kɔ 1:49

Ŋɔi Nataniɛli í ni, Mɛɛtu, awɔ Amai Ilaaɔ̃i, awɔ ilaalui Izirɛlii.

Laabaau jiida iyi Zãa í kɔ 12:13

Ŋɔi à so wuai kpakpa à waa bɔ ku koɛ. À dɔ̃ anu hee lele à waa ni, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ilaaɔ̃ ku weeɛ, awɔ ilaalui Izirɛli.

Laabaau jiida iyi Zãa í kɔ 18:37

Ŋɔi Pilati í beeɛ í ni, debɛi, awɔ ilaalui? Ŋɔi Jesu í jɛaa í ni, awɔi ì fɔ bɛɛbɛ. Ǹ naai si andunya, à bím nii n jɛ sɛɛdai ntɔ. Inɛ iyi í jɛ ti ntɔ fei á gbɔ idem.

Laabaau jiida iyi Zãa í kɔ 19:19

Ŋɔi Pilati í jɔ̀ à kɔ ide gɔ si jĩi gɔ à masi antaii jĩi ku gaauu. Kukɔu í ni, Jesu inɛi Nazarɛti, ilaalui Zuifu ŋa.

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Laabaau jiida iyi Zãa í kɔ 5:23

ku ba inɛ fei ku saalu amu Amau si bɛi à waa saalu Ilaaɔ̃ Baaba. Inɛ iyi kù saalu amu Amau, Baaba iyi í bɛm wai kù saalu.

Laabaau jiida iyi Zãa í kɔ 9:38

Nɔ í ni, ǹ dasiɛ naanɛ Lafɛ̃ɛ. Ŋɔi í gulɛ si wajuɛ.

Ebɛɛ 1:6

Amma waati iyi Ilaaɔ̃ í bɛ ama yemmaɛ wa si andunya í ni, amalekam ŋa fei a gulɛaa.

Kuyɛi Zãa 22:16

Amu Jesu, amui ǹ bɛ nŋɛ amalekam wa ku sɔ̃ igbɛi inɛm ŋa fei ideu ihɛ̃. Amui ǹ jɛ tɔkui Davidi, nɔ ǹ jɛ angua iyi wa má inya.