Matie 2:12 - Bibeli do fee

¹² Si anyiɛ Ilaaɔ̃ í sɔ̃ ŋa si ala í ni a maà nyi bi ilaalu Herodu má. Nɔ à too kpãa mmu à nɛò ilɛi ide nŋa.

Matie 2:12 Iomraidhean Croise

Kusintii Andunya 31:24

Amma idũ waati iyi Labãa wa sĩ njoo, Ilaaɔ̃ í naa siɛ si ala nɔ í sɔ̃ɔ í ni, laakai, maà ti i ba Zakɔbu do ide gɔ.

Kufita 1:17

Amma inaabo woo bí inɛ ŋau à waa jirima Ilaaɔ̃, nɔ a kù waa ce mii iyi ilaaluu í sɔ̃ ŋa, à ya jɔ̀ amu ŋau a maa wɛɛ nŋai.

Daniɛli 2:19

Ŋɔi Ilaaɔ̃ í sɔ̃ Daniɛli yaasei alau si kuyɛ iyi í ce idũ. Ŋɔi Daniɛli í saabu Ilaaɔ̃ Lafɛ̃ɛi leleu.

Matie 1:20

Si bɛi wa lasabu bɛɛbɛ ŋɔi amalekai Ilaaɔ̃ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muuɛu. Dasiɛ kpasɛ̃. Asĩ iyi í nɛu bɛ, do gbugbãi Hundei Ilaaɔ̃i.

Matie 2:13

Iyi woo mà ŋau à to anyi à nɛ, nɔ amalekai Ilaaɔ̃ í naa bi Zozɛfu si ala í ni, dede i so amau do iyeɛ i sa i nɛò ŋa ilɛi Ezibiti, domi Herodu á dɛ amau ku kpa. I koo i buba bɛ titã hee ajɔ iyi an na n ni i nyi wa má ŋa.

Matie 2:19

Si anyiɛ Herodu í na í ku, ŋɔi amalekai Ilaaɔ̃ í naa bi Zozɛfu si ala ilɛi Ezibiti bɛ,

Matie 2:22

Amma í gbɔ iyi Aakelausii í jɛ bommai baaɛ Herodu si ilɛi Zudeeu, ŋɔi wa ce njoi ku bɔ ku buba bɛ. Nɔ Ilaaɔ̃ í sɔ̃ɔ si ala má í ni ku bɔ ilɛi Galilee. Ŋɔi í tekĩ í bɔ Galilee si bɛi Ilaaɔ̃ í sɔ̃ɔ.

Matie 27:19

Waati iyi Pilati wa buba bi ku ce kiitiu, ŋɔi aboɛ í bɛ siɛ inɛ gɔ wa í ni, maà dasi idei inɛ dee deeu bɛ baa, domi idũ, iyi ǹ wa n sũ, ǹ yɛ wahala jiida jiida si ala na iriɛ.

Luku 2:26

Hundei Ilaaɔ̃u í sɔ̃ɔ wo í ni á yɛ inɛ iyi Aɔ̃ Lafɛ̃ɛ í cicau ku bɛi ku ku.

Woo bɛ ŋa 10:22

Nɔ à ni, Kɔɔnɛi, inɛ ngboi sooge ŋai wa dɛdɛɛ. Inɛ dee deei, í ya maa jirima Ilaaɔ̃ nɔ Zuifu ŋa fei à ya maa fɔ jiida ku jɛɛ. Amalekai Ilaaɔ̃ gɔ í sɔ̃ɔ í ni ku kpeɛ bi tɛɛ ku ba ku gbɔ ide iyi aa sɔ̃ɔ.

Woo bɛ ŋa 4:19

Amma Piɛɛ do Zãa à sɔ̃ ŋa à ni, i bee ara nŋɛ ide bii á jɛ dee dee si wajui Ilaaɔ̃ ka gbɔ ide nŋɛ nɔ ka jɔ̀ ti Ilaaɔ̃.

Woo bɛ ŋa 5:29

Ŋɔi Piɛɛ do woo bɛ kpaasiɛ ŋau à jɛ à ni, tilasi idei Ilaaɔ̃i aa ka jirima, kù jɛ ti amanɛ ŋa.

Kɔrɛnti 1, 3:19

Í sĩa ku ce bɛɛbɛi domi bisii andunya í yɛi bɛi idei sũmu si kuyɛi Ilaaɔ̃. Kukɔi idei Ilaaɔ̃ takaɛ í ni, Ilaaɔ̃ í ya mu ilu bisi ŋai do idei bisi laalɔi aŋa taka nŋa.

Ebɛɛ 11:7

Na naanɛ ku dasii, Nowee í gbɔ idei Ilaaɔ̃ waati iyi í ni ku ce laakai si mii iyi á na ku naa iyi kù yɛ titã. Í jirima idei Ilaaɔ̃ nɔ í gbe akɔi inyi si bii nŋu do inɛi kpasɛ̃ɛ ŋa fei aa ba faaba. Do yaase bɛɛbɛi í yɛò taalei inɛi andunya ŋa nɔ Ilaaɔ̃ í ni í jɛ amanɛ dee dee.

Ebɛɛ 8:5

Woo wee ŋau à waa sìsì icɛi lele. Icɛ nŋa í jɔ icɛi kuwee iyi woo wee nla nwa í ce leleu. Bɛɛbɛ mɔi, waati iyi Moizi í tã sɔɔlu ku ce ilei acɔu, Ilaaɔ̃ í sɔ̃ɔ í ni, jɔ̀ i coo mam mam ku yɛ bɛi ǹ nyisiɛ si antaii iri kutau.