Matie 13:3 - Bibeli do fee

³ Nɔ í sɔ̃ ŋa mii nkpɔ do mɔnda. Í ni, mɔkɔ gɔ í fita wa fã dimi.

Matie 13:3 Iomraidhean Croise

Iri ku kɔ̃ 49:4

Lasabu jiidai wa kɔ̃ si idɔm nɔ idei ilu bisii an fɔ.

Iri ku kɔ̃ 78:2

An fɔ idei do mɔnda. An fɔ idei mii ndii tako ŋa.

Ezekiɛli 17:2

awɔ amanɛ, kpaa inɛi Izirɛli ŋa mɔnda.

Misee 2:4

Ajɔ nŋu bɛ, idei ijuukpãi aa gbɔ à waa fɔ. Inɛ ŋa aa maa kɔ̃ irii inɔ kufɔi na iri nŋɛ, a maa ni, awa à gbe ngbɛ mbɛ mam mam, Aɔ̃ Lafɛ̃ɛ í jɔ̀ à gba ilɛ nwa ŋa fei, nɔ à koo à kpɛ̃a mbɛɛ nwa ŋa.

Abakuku 2:6

Aa maa fɔɔa inɛ ŋau idei bɛi ara do mɔnda, nɔ a yaako ŋa. Inɛ ŋau aa maa ni, hee waati yoomai aa leekĩò amani iyi kù jɛ tu ŋɛ ku ko ŋa. Gbese nla nlai ì waa kɔ̃a ara nŋɛ si bɛ. Inɔ kufɔi á jɛ tu ŋɛ.

Matie 13:4

Si bɛi wa fã dimiu, ŋɔi gɔgɔ ŋa à cuku si kpãa nɔ yɛi ŋa à naa à jɔɔ.

Matie 13:53

Iyi Jesu í kpa nŋa mɔnda ŋau bɛ í tã, nɔ í nɛ hai bɛ.

Matie 22:1

Ŋɔi Jesu í sɔ̃ ŋa ide do mɔnda ŋa má í ni,

Matie 24:32

Jesu í ni, i cɔ mii iyi jĩi ndii figi wa kɔ ŋɛ si ŋa. Bii ì na ì yɛ amaawɔɛ ŋa à sinti ku wu wua kpɔtɔɔ, ì ya mà ŋa iyi atɛ í maai wa mbɛ.

Maaku 12:1

Si anyii nŋu, Jesu í lɔsi ku sɔ̃ ŋa ide do mɔnda. Í ni, inɛ gɔ í ce ikoɛ, í lɔ si jĩi ndii rezɛ̃ɛ ŋa nɔ í ce kaa í kaakoɛò. Nɔ í ce bi ku fɔ̃ inyii isoɛ. Nɔ í cã tafa bi ku degbe ikou. Ŋɔi í so gaanɔɔma ŋa í dasi ŋa si ikou a maa logooɛ, í bɛi í bɔ ilu koo kpɛ bɛ.

Maaku 12:12

Iyi Jesu í fɔ bɛɛbɛ í tã ŋɔi inɛ ngboi Zuifu ŋau à waa dɛ Jesu ku mu, domi à mà na irii aŋai í kpa mɔndau. Amma si bɛi à waa ce njoi zamaau, ŋɔi í jɔ̀ à jɔ̀ɔ à nɛ.

Maaku 3:23

Ŋɔi Jesu í kpe ŋa í bee ŋa ide do mɔnda í ni, bɛirei Seetam á ce ku lele araɛ.

Maaku 4:13

Ŋɔi Jesu í bee ŋa má í ni, debɛi i kù gbɔ yaasei mɔndau bɛ ŋa? Nɔ bɛirei aa ce i gbɔ yaasei mɔnda ŋa iyi à gbe fei ŋa.

Maaku 4:33

Do mɔnda nkpɔ bɛɛbɛi Jesu í ya kɔ inɛ ŋa si cio, zaka bɛi aa yɔkɔ a gbɔɔ.

Luku 12:41

Ŋɔi Piɛɛ í ni, Lafɛ̃ɛ, awai ì kpaa mɔndau ihɛ̃? Mà inɛ fei.

Luku 8:10

Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ, amma inɛ ŋa iyi à gbe à waa sɔ̃ ŋai do mɔnda ŋa ku ba baa bii à waa cɔ a maà yɔɔ, nɔ bii à waa gbɔ a kaa mà yaaseɛ.

Laabaau jiida iyi Zãa í kɔ 16:25

Ŋɔi Jesu í sɔ̃ ŋa má í ni, ide ŋau ihɛ̃ fei nsɛi do mɔndai ǹ sɔ̃ ŋɛ. Amma awaati wa naa, iyi n kaa n sɔ̃ ŋɛ ide do mɔnda má. Ide iyi í jɛ idei Baaba an sɔ̃ ŋɛi sãa sãa do yaaseɛ.